រឿងល្ខោន​ «Letters From Home ​ឬ​ សំបុត្រ​ពីផ្ទះ» បង្ហាញ​ពី​សាច់រឿង​ជនភៀស​ខ្លួន​ខ្មែរ​ដែល​បាន​ទាក់ទង​សាច់ញាតិ​នៅ​សហរដ្ឋ​អាមេរិក​របស់​ខ្លួន ​ដោយ​សរសេរ​សំបុត្រសុំ​ឱ្យ​ជួយ​ពួក​គេ​គេច​ចេញ​ពី​របប​ប្រល័យ​ពូជសាសន៍​ខ្មែរ​ក្រហម។ ​រឿងល្ខោន​ «សំបុត្រ​ពីផ្ទះ»​ នេះ ​បាន​មក​សម្តែង​នៅ​សាល​មហោស្រព​ Merrimack Repertory Theatre នៅទីក្រុង Lowell ​ពីថ្ងៃទី​ ២១ ខែ​មករា​ ដល់​ថ្ងៃ​ទី​ ៥ ខែ​កុម្ភៈ។​ លោក​ ពិន ស៊ីសុវណ្ណ​ រាយ​ការណ៍លម្អិត​ពី​ទីក្រុង​ Lowell​ រដ្ឋ ​Massachussetts៕

អាជ្ញាធរនៅថ្ងៃសុក្រនេះបានបន្តរកឃើញសាកសពមនុស្សដែលជាប់គាំងក្នុងអគារសណ្ឋាគារនិងកាស៊ីណូ Grand Diamond City ដែលត្រូវបានអគ្គិភ័យឆាបឆេះនៅក្នុងក្រុងប៉ោយប៉ែតនៃខេត្តបន្ទាយមានជ័យ។ ក្រុមគ្រួសារដែលជាជនជាតិខ្មែរ បន្តស្វែងរកសមាជិកគ្រួសាររបស់ពួកគេដែលបាត់ខ្លួន នៅក្នុងហេតុការណ៍ឆេះអគារនេះ ខណៈសាកសពត្រូវបានដឹកជញ្ជូនមកវត្តមួយជាបន្តបន្ទាប់។ គិតត្រឹមរសៀលថ្ងៃសុក្រ មនុស្សយ៉ាងតិច ២៥ នាក់ហើយ ត្រូវបានរាយការណ៍ថាបានស្លាប់ក្នុងគ្រោះថ្នាក់អគ្គិភ័យនេះ ខណៈជាង ៧០ នាក់បានរងរបួស។ ទិន្នន័យសរុបនៃចំនួនមនុស្សស្លាប់ អាចបន្តកើនឡើង ដោយសារអាជ្ញាធរនៅបន្តស្វែងរកអ្នកជាប់ក្នុងអគារ។ ជនរងគ្រោះមានចម្រុះជាតិសាសន៍ ហើយភាគច្រើនជាជនជាតិថៃ។ លោក ស៊ុន ណារិន នៃវីអូអេ រាយការណ៍លម្អិតពិក្រុងប៉ោយប៉ែត ខេត្តបន្ទាយមានជ័យ៕

សមត្ថកិច្ចថារកឃើញសាកសពយ៉ាងតិច ៦នាក់ទៀត នៅព្រឹកថ្ងៃសុក្រនេះ​ នាំចំនួនអ្នកស្លាប់ដល់ ២៥នាក់ គិតត្រឹមម៉ោង ៩ព្រឹក ថ្ងៃទី៣០ ខែធ្នូ ឆ្នាំ២០២២។

កាលពីអធ្រាត្រឈានចូលថ្ងៃសុក្រ ទី៣០ ខែធ្នូ ឆ្នាំ២០២២ អាជ្ញាធរថៃបានដឹកសាកសពដែលជាជនជាតិថៃចេញពីវត្តមួយនៅក្រុងប៉ោយប៉ែត ត្រឡប់ទៅប្រទេសខ្លួនវិញ។ សាកសពទាំងនោះមានជាង១០នាក់។ លោក សេក សុខុម អ្នកនាំពាក្យសាលាខេត្តបន្ទាយមានជ័យ ប្រាប់វីអូអេថាមនុស្ស១៩នាក់បានស្លាប់ ដែលមានចម្រុះជាតិសាសន៍ រួមទាំងជនជាតិខ្មែរផងដែរ និងរបួសប្រមាណ៦០ នាក់ គិតត្រឹមរសៀលថ្ងៃព្រហស្បតិ៍៕

មនុស្ស ១៩នាក់ស្លាប់ ៦០នាក់រងរបួស ហើយ ៣០នាក់បាត់ខ្លួន ក្រោយករណីអគ្គិភ័យបាន​ឆេះ​សណ្ឋាគារ ​និង​កាស៊ីណូ​ Grand Diamond​ City ស្ថិតនៅទីក្រុងប៉ោយប៉ែត ក្នុងខេត្តបន្ទាយមានជ័យ ជាប់ព្រំដែនប្រទេសថៃ។ ​នេះ​បើ​តាម​អាជ្ញាធរ​ពាក់ព័ន្ធ។​ ចំនួន​អ្នក​ស្លាប់​អាច​បន្ត​កើន​ឡើង ​ដោយសារ​មាន​មនុស្ស​ជាប់​គាំង​ក្នុង​អគារ ​ខណៈ​បន្ទប់​ខ្លះ​ទៀត​ជាប់សោរ។​ អាជ្ញាធរ​បាន​ឲ្យ​ដឹង​ថា មនុស្ស​ប្រមាណ​ ៤០០​ នាក់​មាន​វត្តមាន​នៅ​ក្នុង​អគារ​ដែល​ឆាប​ឆេះ​ស្ទើរ​តែ​ទាំង​ស្រុង​នោះ។​ ករណី​អគ្គិភ័យ​នោះ​បាន​កើត​ឡើង​នៅ​ម៉ោង​ប្រមាណ ​១១ ​និង ​៣០ ​នាទី​យប់ ​ថ្ងៃ​ពុធ ​ទី​ ២៨​ ខែ​ធ្នូ ​ឆ្នាំ​ ២០២២​ ដោយ​មន្ត្រី​នានា​បញ្ជាក់​ថា ​ដោយ​សារ​ឆ្លង​ចរន្ត​អគ្គិសនី៕

ក្រោយពី​ខ្សែ​លោហិត​អធិរាជ​សំឡេងមាស​ ស៊ីន ស៊ីសាមុត​ បាត់​មុខ​ពី​ឆាក​តន្ត្រី​ក្រោយ​ពី​ចៅប្រុស​និង​កូន​ប្រុស​របស់​លោក​បាន​លា​ចាក​លោក​ទៅ​ហើយ​នោះ​ ក្រុមតារា​ចម្រៀង​ថ្មី​ និង​ក្រុម​តន្ត្រី​មិន​សូវ​ល្បី​ឈ្មោះ​នៅ​ទីក្រុង​ Lowell ​បាន​ចេញ​ថាស​បទ​ចម្រៀង​ថ្មី​ ភាគ​ច្រើន​ច្រៀង​បទ​ចម្រៀង​របស់​លោក ​ប៉ុន្តែ​ទទួល​ស្គាល់​ថា ​គ្មាន​តារា​ថ្មី​ណា​អាច​ច្រៀង​ប្រហាក់​ប្រហែល​លោក​ឡើយ។​ លោក​ពិន ស៊ីសុវណ្ណ​ រាយ​ការណ៍​លម្អិត​ពីទីក្រុង​ Lowell រដ្ឋ​ Massachussetts៕

ក្នុង​បរិបទ​នយោបាយ​ក្នុង​ស្រុក​និង​ក្រៅ​ស្រុក​ដ៏​ចាក់​ស្រែះ​ ឆ្លង​ចូល​ឆ្នាំ​ ២០២៣ ​ខាង​មុខ​នេះ​ តើ​រដ្ឋ​និង​ប្រជាជន​កម្ពុជា​គួរ​ត្រៀម​ខ្លួន​បែប​ណា​ខ្លះ​ ដើម្បី​ធានា​ប្រសិទ្ធ​ភាព​កំណែ​ទម្រង់​ផ្ដល់​អភិបាល​កិច្ច​ល្អ​ដល់​រាស្ត្រ​ម្ចាស់​ឆ្នោត​និង​ជា​អ្នក​បង់​ពន្ធ? នៅ​ក្នុង​កម្មវិធី Hello VOA ប្រចាំ​ខែ​ ក្រោម​ប្រធានបទ «អភិបាលកិច្ច​ល្អ» លោក ឱក សេរីសោភក្ដិ៍ អ្នក​ឯក​ទេស​អភិបាលកិច្ច​ បាន​ចូល​មក​អន្តរាគមន៍ វិភាគ​ពន្យល់​ពី​សំណួរ​ចម្បងៗ​ខាង​លើ​នេះ៕ (អូន ឆេងប៉រ, Hello VOA, ប៊ែរឡាំង, ២៦ ធ្នូ ២០២២)

ភាសាខ្មែរ​រស់​រវើក​ក្នុង​ទំនាក់​ទំនង​ក្នុង​សង្គមខ្មែរ​នៅ​ទីក្រុង​ Lowell ​រដ្ឋ ​ Massachusetts។ ​ជន​ជាតិខ្មែរ​វ័យ​ចាស់ៗ​ដែល​មិន​ចេះ​ភាសា​អង់គ្លេស​អាច​និយាយ​ភាសា​ខ្មែរ​ ពេល​ទៅ​ផ្សារ ​ឬ​ស្វែង​រក​សេវា​ផ្សេងៗ​ដូច​ជា​ពិនិត្យ​សុខភាព​ ព្រោះ​មាន​សេវា​ទូលំទូលាយ​ខាង​បកប្រែ​ភាសា​ខ្មែរ។ ​ក៏​ប៉ុន្តែ​ភាសា​អង់គ្លេស​នៅតែ​ចាំបាច់​សម្រាប់​ជន​ជាតិខ្មែរ​ ក្នុងការ​អភិវឌ្ឍ​ខ្លួនឯង​ រក​ការ​ងារ​ធ្វើ​ ឬ​រៀន​និង​ស្វែង​យល់​ពី​សង្គម។ លោក​ ពិន ស៊ីសុវណ្ណ​ នៃ​វីអូអេ​ រាយ​ការណ៍លម្អិត​ពីទីក្រុង​Lowell រដ្ឋ Massachusetts៕

លោក​ប្រធានាធិបតី Joe Biden បាន​ស្វាគមន៍​ប្រធានាធិបតី​អ៊ុយក្រែន​លោក Volodymyr Zelenskyy មក​កាន់​សេតវិមាន កាល​ពី​ថ្ងៃ​ពុធ ខណៈ​ដែល​មេដឹកនាំ​ទាំងពីរ​ព្យាយាម​បង្ហាញ​ការរួបរួម​ប្រឆាំង​នឹង​ការឈ្លានពាន​របស់​រុស្ស៊ី​លើ​អ៊ុយក្រែន៕

កម្ម​វិធី​ជប់លៀង​ដែល​មាន​អ្នក​ចូល​រួម​ចម្រុះ​ជាតិ​សាសន៍​ជាង​៣០០​នាក់​រួម​មាន​តំណាងរាស្ត្រ​ ចៅហ្វាយ​ក្រុង​Lowell ​តំណាង​សមាគម​ និង​សហគមន៍ ​នេះ​គឺ​ជា​ខួប​៣៨​ឆ្នាំ​របស់​សមាគម​ខ្មែរ​ក្រុង​ Lowell ​ក្រោយ​ពី​ចាប់​ផ្តើម​ឡើង​ដើម្បី​ជួយ​អតីត​ជន​ភៀសខ្លួន​ទាំង​ខ្មែរ​និង​ជនជាតិ​ផ្សេង​ទៀត​ដែល​ប្រឈម​ការ​លំបាក​កាល​ពី​ជិត​បួន​ទសវត្សរ៍​មុន។ ​លោក​ ពិន ស៊ីសុវណ្ណ​ នៃ​វីអូអេ​រាយ​ការណ៍​ពី​ទីក្រុង​ Lowell​ រដ្ឋ ​Massachusetts ​ដូច​ត​ទៅ៖