ការបោះឆ្នោត​ពាក់​កណ្តាល​អាណត្តិ​នៅ​សហរដ្ឋ​អាមេរិក​មិន​ទាន់​បង្ហាញ​លទ្ធផលច្បាស់​លាស់​ថា ​គណបក្ស​ណាមួយ​គ្រប់គ្រង​ព្រឹទ្ធសភា​និង​រដ្ឋសភា​នៅឡើយ​ទេ​ ដោយសារតែ​លទ្ធផល​បឋម​មាន​លក្ខណៈ​ប្រកៀក​ប្រកិត​គ្នា។ ក្តី​រំពឹង​នៅ​មុន​ពេល​បោះឆ្នោត​កាលពី​ថ្ងៃ​អង្គារ​ថាអាច​មាន​ជ័យ​ជម្នះ​ខ្លាំង​របស់​គណបក្ស​សាធារណរដ្ឋ​ឬ​ហៅ​ថា ​«រលកពណ៍​ក្រហម» ​ហាក់​មិន​អាច​កើត​មាន​ទេ។ លោក​ ប៉ូច រាសី​ និង​លោក ​ម៉ែន គឹមសេង​ នៃ​វីអូអេ​សូម​ជូន​សេចក្តី​រាយការណ៍​បន្ថែម​ពី​លទ្ធផល​នៃ​ការបោះឆ្នោត​នេះ តាម​ការ​ផ្សាយ Facebook Live៕

នេះ​ជា​ទិដ្ឋភាព​នៅ​រាជធានីភ្នំពេញ​ ខណៈ​ពេល​ដែល​កម្ពុជា​ក្នុងឋានៈជាប្រធានអាស៊ាន ត្រៀមខ្លួន​រៀបចំ​កិច្ចប្រជុំកំពូលអាស៊ានឆ្នាំ ២០២២​ ដែល​នឹង​ធ្វើ​ឡើង​នៅ​រាជធានី​ភ្នំពេញ ចាប់​ពីថ្ងៃទី ១០ ដល់ថ្ងៃទី ១៣ ខែវិច្ឆិកា៕

លោក ខន សុវណ្ណ ដែល​ជា​ម្ចាស់​អាជីវកម្ម​សម្អាងការ និងថតរូបនៅទីក្រុង Lowell រដ្ឋ Massachusetts បញ្ចេញ​មតិ​ទាក់ទង​នឹង​ការបោះឆ្នោត​ពាក់​កណ្តាល​អាណត្តិ​នៅ​សហរដ្ឋ​អាមេរិកឆ្នាំ​២០២២។

អ្នកស្រី ជា អ៊ី អ្នកបោះឆ្នោត​នៅទីក្រុង Fairfax រដ្ឋ Virginia និង​លោក យ័ប គឹមទឹង  ប្រធានសមាគម​ខ្មែរអាមេរិកាំង​ដើម្បី​សិទ្ធិមនុស្ស​និង​ប្រជាធិបតេយ្យ បញ្ចេញមតិទាក់ទិន​នឹង​ការបោះឆ្នោត​ពាក់​កណ្តាល​អាណត្តិ​នៅ​សហរដ្ឋអាមេរិក​ឆ្នាំ២០២២៕

លោក ហែម បូរិន ជា​ម្ចាស់​ហាង​លក់​គ្រឿង​ទេស​ខ្មែរ នៅ​ទីក្រុង Lowell រដ្ឋ Massachusetts ដែល​បាន​មក​រស់នៅ​សហរដ្ឋ​អាមេរិក​តាំង​ពី​ឆ្នាំ ២០០៣។ លោក ហែម បូរិន និយាយ​ថា លោក​បាន​ទៅ​បោះឆ្នោត​នៅ​ក្នុង​សហរដ្ឋអាមេរិក​គ្រប់​លើក​មិន​ដែល​ខាន​ទេ តាំងពី​លោក​មាន​សិទ្ធិ​បោះឆ្នោត​មក។ នេះ​ជា​មតិ​របស់ លោក ហែម បូរិន ទាក់ទិន​នឹង​ការបោះឆ្នោត​ពាក់​កណ្តាល​អាណត្តិ​នៅ​សហរដ្ឋ​អាមេរិក ឆ្នាំ២០២២ នេះ៕

អ្នកស្រី ភេ រិន (Maria Rin Phay) រស់​នៅ​ទីក្រុង Lowell រដ្ឋ Massachusetts ជាជនជាតិ​ខ្មែរ​ដែល​បាន​មក​រស់នៅ​សហរដ្ឋអាមេរិក​តាំង​ពី​ឆ្នាំ ១៩៨៥។ ចាប់​តាំង​ពី​បាន​ចូលសញ្ជាតិ​អាមេរិក​នៅ​ឆ្នាំ ១៩៩៦ មក អ្នកស្រី ភេ រិន និយាយ​ថា អ្នកស្រី​តែងតែ​ព្យាយាម​ទៅ​បោះឆ្នោត​ឲ្យ​បាន​គ្រប់​លើក ស្ទើរ​តែ​មិន​ដែល​ខកខាន។ នេះ​ជា​មតិ​របស់​អ្នកស្រី ភេ រិន ទាក់ទិន​នឹង​ការ​បោះឆ្នោត​ពាក់​កណ្តាល​អាណត្តិ​នៅ​សហរដ្ឋ​អាមេរិក ឆ្នាំ២០២២ នេះ៕

ការ​បោះឆ្នោត​ជ្រើសរើស​សមាជិក​រដ្ឋសភា​និងព្រឹទ្ធសភា​នៅ​ថ្ងៃ​អង្គារ​ទី​៨​ខែ​វិច្ឆិកា​ នេះ​ត្រូវ​បាន​គេ​វាយ​តម្លៃ​ថា​ នឹង​មាន​លក្ខណៈ​ប្រកៀក​ប្រកិត​គ្នា​ហើយ​មាន​បញ្ហា​ចម្បង​មួយ​ចំនួន​ដែល​អ្នកបោះឆ្នោត​អាមេរិកាំង​ផ្តោត​លើ។​ បញ្ហា​ទាំងនោះ​មាន​អតិផរណា សិទ្ធិ​ក្នុង​ការ​រំលូត​កូន​ សន្តិសុខ​ព្រំដែន​ អន្តោប្រវេសន៍​ លទ្ធិប្រជាធិបតេយ្យ​ និង​ការគ្រប់គ្រង​អាវុធ។ លោក ប៉ូច រាសី និង​ លោក ម៉ែន គឹមសេង​ នៃ​វីអូអេ ​ពន្យល់​សារៈសំខាន់​នៃ​ការបោះឆ្នោត​នេះ តាម​ការ​ផ្សាយ Facebook Live៕

សកម្មជន​ខ្មែរ​អាមេរិកាំង​នៅ​ទីក្រុង Long Beach (ឡុងប៊ិច) រដ្ឋ California (កាលីហ្វ័រញ៉ា) កំពុង​ធ្វើ​យុទ្ធនាការ​តាម​ទូរស័ព្ទ​ ដើម្បី​ជំរុញ​អ្នកបោះឆ្នោត​ឱ្យ​គាំទ្រ​សិទ្ធិ​រំលូត​កូន​នៅ​ពេល​ដែល​ពួកគេ​ចេញ​ទៅ​បោះឆ្នោត​នៅ​ថ្ងៃអង្គារ​ ទី​៨​ ខែ​វិច្ឆិកា ឆ្នាំ​២០២២ ​ខាងមុខ។ បញ្ហា​ដ៏​រសើប​នេះ​មាន​នៅ​ក្នុង​សំណើទី១​នៃ​សន្លឹក​ឆ្នោត។ លោក​ ម៉ែន គឹមសេង​ នៃ​វីអូអេ​សូម​ជូន​សេចក្តី​រាយការណ៍​ពី​រដ្ឋធានី​វ៉ាស៊ីនតោន​ដូចតទៅ៖

ជាង​ពាក់​កណ្តាល​សតវត្ស​មក​នេះ ក្រុម​ជនជាតិ​ដើមភាគតិច​កាវ៉ែត​ ​នៅ​តាម​មាត់​ទន្លេ​សេកុង​ ក្នុង​ឃុំ​សន្តិភាព​ នៃ​ស្រុក​សៀមប៉ាង​ ខេត្ត​ស្ទឹង​ត្រែង​ ​រស់​នៅ​ដោយ​ព្យាយាម​ទប់ទល់​និង​សម្រប​ខ្លួន​តាម​ការ​ផ្លាស់ប្តូរជាច្រើន ​ទាំង​បរិស្ថាន​រស់នៅ វប្បធម៌ថ្មី​ និង​ការប្រែប្រួល​អាកាសធាតុ។ ការណ៍​នេះ​ធ្វើ​ឲ្យ​ពួកគេ​ជួប​ផល​លំបាក​ជាច្រើន​ពាក់ព័ន្ធនឹង​ការ​បាត់បង់របៀប​របប​ដាំដំណាំ​បែប​ចំការវិល​ជុំ​របស់​ជនជាតិ​ដើម​ភាគតិចកាវ៉ែត និងប្រឈម​នឹង​ការ​បាត់​បង់​អត្តសញ្ញាណ​ និង​ប្រពៃណី ជាពិសេស​នៅពេល​ចាស់​ទុំក្នុង​ភូមិ​បាន​ស្លាប់បាត់​បង់​ជីវិតជា​បន្តបន្ទាប់។ នេះ​បើតាម​ការ​រៀបរាប់​របស់ជនជាតិ​ដើមភាគតិច​កាវ៉ែត​ ក្នុង​ឃុំ​សន្តិភាព​ នៅ​ក្នុង​បទសម្ភាសន៍​ជាមួយ​វីអូអេ។

អ្នកជំនួញ​អចលនទ្រព្យ​ខ្មែរ​អាមេរិកាំង​គឺ​លោក Mony Nop កំពុង​ឈរ​ឈ្មោះ​ជា​ចៅហ្វាយ​ក្រុង​Livermore ក្នុង​រដ្ឋ California សម្រាប់​ការបោះឆ្នោត​នៅ​ដើម​ខែវិច្ឆិកា​ខាងមុខ​នេះ។ លោក Mony ផ្អែក​គោល​នយោបាយ​របស់​លោក​យ៉ាង​សំខាន់​លើ​របៀប​នៃ​ការដឹកនាំ​ថ្មី​ដែល​ជួយ​ទីក្រុង​ឲ្យ​រស់រវើក​ឡើងវិញ។ វា​ជា​ការប្រឈម​មួយ​របស់​លោក​ក្នុង​ខណៈ​ដែល​អ្នកបោះឆ្នោត​ជាង​៨០% មិនមែន​អាស៊ី។ ប៉ុន្តែ​លោក​សម្តែង​សុទិដ្ឋិនិយម​ចំពោះ​ការបោះឆ្នោត​ក្នុង​ពេល​ខាងមុខ​ដោយសារ​បទពិសោធ​ការងារ​របស់​លោក​ជា​មន្ត្រី​ប៉ូលិស​និង​ជា​អ្នកជំនួញ​ដ៏​ជោគជ័យ។ លោក ម៉ែន គឹមសេង នៃ​វីអូអេ​ជូន​សេចក្តី​រាយការណ៍​ពី​រដ្ឋធានី​វ៉ាស៊ីនតោន៕