លោក Danny Kim កើត​នៅ​ក្នុង​របប​ប្រល័យ​ពូជសាសន៍​ខ្មែរក្រហម ហើយ​បាន​ភៀស​ខ្លួន​មក​រស់​ទៅ​សហរដ្ឋអាមេរិក​ក្នុង​ឆ្នាំ ១៩៨៥។ ដោយ​មាន​គោលបំណង​ជួយ​សហគមន៍​ខ្មែរ​របស់​លោក សព្វថ្ងៃ​លោក Danny កំពុង​បម្រើ​ការងារ​ជាប៉ូលិស​ក្នុងទីក្រុង Fresno រដ្ឋ California សហរដ្ឋអាមេរិក និង​ចូលរួម​កិច្ចការ​សង្គម​យ៉ាង​សកម្ម។ នេះ​ជា​បទសម្ភាសន៍ VOA ជាមួយ​លោក Danny Kim កាល​ពី​ចុង​ខែ​សីហា៕

លោក សម រង្ស៊ី​ ប្រធាន​ស្តីទី​គណបក្ស​សង្គ្រោះ​ជាតិ​សម្តែង​សុទ្ទិដ្ឋិនិយម​ថា​នឹង​មាន​ការផ្លាស់ប្តូរ ​ស្ថានការណ៍​នយោបាយ​នៅ​កម្ពុជា​ខណៈ​ការបោះឆ្នោត​ជាតិ​ខែកក្កដា​ ឆ្នាំ​២០២៣​ឈាន​ចូល​មក​ដល់។ ក្តី​សង្ឃឹម​របស់​លោកសម រង្ស៊ី​កើតឡើង​ដោយសារ​បណ្តា​ប្រទេស​ប្រជាធិបតេយ្យ​មើល​ឃើញ​គ្រោះថ្នាក់​កាន់តែខ្លាំង​ក្នុង​ការទុក​ឲ្យ​អំណាច​ផ្តាច់ការ​រីកចម្រើននិង​កំពុង​ខិតខំ​សហការគ្នា​ដើម្បី ​ទប់ស្កាត់។​ ទន្ទឹម​នឹង​នេះ​ដែរ​សហគមន៍​អន្តរជាតិ​មើល​ឃើញ​ថាប្រទេស​កម្ពុជា​កាន់តែ​ត្រូវ​ស្រូបទាញ​កាន់តែ​ខ្លាំង​ចូល​គន្លង​ផ្តាច់ការ​របស់​ប្រទេស​ចិន។ លោកម៉ែន គឹមសេង​នៃ​វីអូអេ​បាន​សម្ភាស​លោក សម រង្ស៊ី​ក្នុង​ខណៈ​លោក​អញ្ជើញ​មក​ជួប​មន្ត្រី​នានា​នៅ​រដ្ឋធានី​វ៉ាស៊ីនតោន​ដូចតទៅ៖

លោក Alan Lowenthalសមាជិក​រដ្ឋសភា​អាមេរិកាំង​ដ៏​ឆ្នើម​ខាង​ផ្នែក​សិទ្ធិមនុស្សបាន​សម្រេច​ចូលនិវត្តន៍​បន្ទាប់​ពី​បម្រើ​ការងារ​ជា​សមាជិក​រដ្ឋសភា​នៃ​រដ្ឋCalifornia​ចំនួន​១០​ឆ្នាំ។ ក្នុង​រយៈពេល​ជិត​៥​ឆ្នាំ​ចុងក្រោយ​នេះ​លោក Alan Lowenthal​បាន​ខិតខំ​ជំរុញ​ឲ្យ​មាន​ការគោរព​សិទ្ធិមនុស្ស​និង​លទ្ធិ​ប្រជាធិបតេយ្យ​នៅ​កម្ពុជា។ ប៉ុន្តែសហគមន៍​ខ្មែរបាន​ស្គាល់​ស្នាដៃ​លោក៣​ទសវត្សរ៍​មកហើយ​ថា​ជា​ជើងឯក​គាំទ្រ​សិទ្ធិមនុស្ស​និង​សមភាព​សង្គម។ សហគមន៍​ខ្មែរ​បាន​រៀបចំ​ពិធី​ផ្លូវការ​មួយ​កាលពី​ថ្ងៃសៅរ៍​សប្តាហ៍​មុន​ដើម្បី​សម្តែង​អំណរគុណ​លោក​ចំពោះ​កិច្ចខិតខំ​ប្រឹងប្រែង​របស់​លោក​ក្នុង​ពេល​កន្លងមក។ លោកម៉ែន ​គឹមសេង​ អ្នករាយការណ៍​ព័ត៌មាន​របស់​វីអូអេ​បាន​ទៅ​យក​ព័ត៌មាន​ដោយ​ផ្ទាល់​ពី​ពិធី​ចូល​និវត្តន៍នេះ​នៅ​ទីក្រុង​ឡុងប៊ិច​ រដ្ឋ​California​ ​ហើយ​សូម​ជូន​សេចក្តី​ការណ៍​ដូចតទៅ៖

ដូចកម្មវិធី​សិល្បៈ​វប្បធម៌​ខ្មែរ នៅ​ទីក្រុង​ឯទៀត​ក្នុង​សហ​រដ្ឋ​អាមេរិក​ដែរ​  កម្មវិធី​សិល្បៈ​ វប្បធម៌​ខ្មែរ​នៅ​ទីក្រុង​ Lowell​  រដ្ឋ  ​Massachusetts ​រួម​ចំណែក​ក្នុង​ការ​ផ្សព្វផ្សាយ​វប្បធម៌ ​និង ​ប្រពៃណី​ខ្មែរ ជូន​ពលរដ្ឋ​អាមេរិកាំង។ ​កម្មវិធី​នេះ​ថែម​ទាំង​ជួយ​ថែរក្សា​វប្បធម៌​នេះ​ឱ្យបាន​គង់វង្ស​សម្រាប់​កូនខ្មែរ​ជំនាន់ក្រោយ​នៅ​សហ​រដ្ឋ​អាមេរិក​ទៀត​ផង។​  លើស​ពីនេះ​ទៀត ​កម្មវិធី​សិល្បៈ​ វប្បធម៌​ខ្មែរ​នៅ​ទីក្រុង​ Lowell​ ថែម​ទាំង​ជួយ​កាត់​បន្ថយ​ចរិត​ហិង្សា​របស់​ក្មេង​ជំទង់ ​និង​ជួយ​រារាំង​កុំឱ្យ​ពួកគេ​ក្លាយ​ជា​ជន​ពាល​ក្នុង​សង្គម​ទៀត​ផង។​ លោក​ ពិន ស៊ីសុវណ្ណ​ បាន​ទៅ​យក​ព័ត៌មាន​នៅ​វិទ្យាស្ថាន​សិល្បៈ​ The Clark ​នៅ​ទីក្រុង​ Williamstown ​និង​នៅ​ទីក្រុង​ Lowell​ ដែល​នៅ​ទីនោះ​ ក្រុម​របាំអង្គរ​បាន​សម្តែង​កម្មវិធី​សិល្បៈ ​កាលពី​ខែ​សីហា៕

នៅ​ទូទាំង​សាកលលោក ទឹកប្រៃ​ពី​តំបន់​ឆ្នេរ​បាន​ជ្រាប​ចូល​ជ្រៅ​ទៅៗ​ទៅ​ក្នុង​ដីគោក ដោយ​បង្ក​ឲ្យ​ដី​និង​ទឹកឡើង​ប្រៃ​ ដែល​អាច​ធ្វើ​ឲ្យ​ដំណាំ​ងាប់​បាន។ នៅ​អាស៊ី ការ​វាទ​ទី​ដោយ​ទឹកប្រៃ​គឺ​កំពុង​ធ្វើ​ឱ្យ​កសិករ​មួយ​ចំនួន​ស្ទើរ​គ្មាន​លទ្ធភាព​ដាំ​ដំណាំ​ស្បៀង។ អ្នកនាង Elise Cutts នៃ​ VOA រាយការណ៍​ពី​រឿង​នេះ។ លោក ស៊ុន ណារិន ជូន​សេចក្តី​ប្រែសម្រួល៕

ពលរដ្ឋ​ខ្មែរ​អាមេរិកាំង​នៅ​រដ្ឋ​ California​ មក​ជួប​ជុំ​គ្នា​នៅ​ផ្សារ​រាត្រី​ប្រពៃណី ​ដោយ​បង្ហាញ​ពី​វប្បធម៌​ខ្មែរ​ និង​ការ​ចែក​រំលែក​បទពិសោធន៍​កសាង​ជីវិត​ឡើង​វិញ​ក្រោយពី​របួស​អតីត​កាល​បង្ក​ដោយ​ខ្មែរក្រហម។ ​លោកស្រី​ Genia Dulot ​រាយ​ការណ៍​អំពី​រឿង​នេះ​ពី​ទីក្រុង ​Fresno​ រដ្ឋ​ California សហរដ្ឋ​អាមេរិក។​  លោក​ ពិន ស៊ីសុវណ្ណ ជូន​សេចក្ដី​ប្រែសម្រួល៕

ក្រុម​អ្នក​អភិរក្ស​និង​សហគមន៍​ជនជាតិ​ដើម​ភាគតិច​នៅ​ភាគ​ពាយ័ព្យ​សហរដ្ឋ​អាមេរិកកំពុង​ទាមទារ​ឱ្យ​កម្ទេច​ទំនប់ទឹក​៤នៅ​ផ្នែក​ខាង​ក្រោម​ទន្លេ Snake នៅ​រដ្ឋ​វ៉ាស៊ីនតោន ដើម្បី​ជួយ​ត្រី​សាលម៉ុន​ដែល​កំពុង​ពង។ ក្រុម​អ្នក​គាំទ្រ​ទំនប់​ថ្លែង​ថា ទំនប់​ទាំង​នោះ​ជា​ប្រភព​ថាមពល​ដែល​ផលិត​ឡើង​វិញ​បាន​និង​ជា​ប្រព័ន្ធ​ធារាសាស្ត្រដ៏​សំខាន់​សម្រាប់​កសិករ​មូលដ្ឋាន។ អ្នកស្រី Natasha Mozgovaya នៃ VOA រាយការណ៍​អំពី​រឿង​នេះ​ពី​តំបន់​ផ្នែក​ខាង​ក្រោម​នៃ​ទន្លេ Snake ក្នុង​រដ្ឋ​វ៉ាស៊ីនតោន។ អ្នកនាង ស្រេង លក្ខិណា ជូន​សេចក្តី​ប្រែសម្រួល៕

ដោយ​ត្រូវ​លើក​ទឹក​ចិត្ត​ដោយ​ជំហរ​របស់​សមាជិក​ព្រឹទ្ធសភា​សហរដ្ឋ​អាមេរិក​ពី​រដ្ឋ​ Massachudetts ​ឱ្យ​ប្រទេស​កម្ពុជា​គោរព​សិទ្ធិ​មនុស្ស​ និង​ប្រជាធិបតេយ្យ​ស្រប​តាម​កិច្ច​ព្រមព្រៀង​ទីក្រុង​ប៉ារីស​ លោក​ សម រង្ស៊ី អតីត​មេដឹកនាំ​មួយ​រូប​របស់​គណបក្ស​សង្គ្រោះជាតិ​ ​និង​អ្នក​គាំទ្រ​របស់​លោក​បាន​ដើរ​បាតុកម្ម​កាត់​ទីក្រុង​ Lowell ​ទាមទារ​ដោះលែង​សកម្ម​ជន​ដែល​ត្រូវ​បាន​ចាប់​ខ្លួន​នៅ​ក្នុង​ប្រទេស​កម្ពុជា។ លោក ​ពិន ស៊ីសុវណ្ណ​ រាយ​ការណ៍​ពីទីក្រុង​ Lowell រដ្ឋ​ Massachudetts៕

លោកVitit Muntarbhorn អ្នករាយការណ៍​ពិសេស​អង្គការ​សហប្រជាជាតិ ទទួល​បន្ទុក​សិទ្ធិមនុស្ស​ប្រចាំ​ប្រទេស​កម្ពុជា បាន​បញ្ចប់​បេសកកម្ម​របស់​លោក​ក្នុង​ប្រទេស​កម្ពុជា ដែល​មាន​រយៈពេល ១១ថ្ងៃ។ លោក​បាន​ជួប​ជាមួយ​លោកនាយក​រដ្ឋមន្រ្តី ហ៊ុន សែន មន្រ្តីជាន់​ខ្ពស់​រដ្ឋាភិបាល គណបក្សប្រឆាំង មន្រ្តី​អង្គការ​សង្គម​ស៊ីវិល​ពាក់ព័ន្ធ និង​ប្រជាជន​កម្ពុជា​ផងដែរ។ លោក​បាន​ផ្តល់​បទសម្ភាសន៍​ដល់លោក ស៊ុន ណារិន អ្នករាយការណ៍​ព័ត៌មានឲ្យ​ VOA នៅ​រសៀល​ថ្ងៃ​សុក្រ ទី២៦ ខែសីហា ឆ្នាំ២០២២ នេះ ក្នុងរាជធានីភ្នំពេញ។

ការ​សម្រេច​ចិត្ត​ផ្លាស់​ប្ដូរ​ចុះ​ឡើង​លើ​ការ​អភិវឌ្ឍ​ដ៏​ចម្រូងចម្រាស​នៅ​តំបន់​ភ្នំ​តាម៉ៅ​ត​ពី​មួយ​ភាគ​ទៅ​មួយ​ភាគ​ដែល​ឈាន​រហូត​ដល់​ការ​បោះ​បង់​គម្រោង​នេះ​ ហើយ​ដាំ​ដើម​ឈើ​ឡើង​វិញ​នៅ​តំបន់​ព្រៃ​ការពារ​ដែល​ឈូស​ឆាយ​ហើយ​ បាន​នាំ​ឱ្យ​មាន​ការ​កកើត​ជា​សំណួរ​ច្រើន​ជាង​ចម្លើយ។ នេះ​ជា​ការ​លើក​ឡើង​របស់​លោក ឱក សេរីសោភក្ដិ៍ អ្នក​ឯកទេស​អភិបាល​កិច្ច​ ថ្លែង​ក្នុង​កម្មវិធី​ហេឡូវីអូអេ​ប្រចាំ​ខែ​ក្រោម​មូលបទ​«អភិបាលកិច្ច​ល្អ» ជាមួយ​លោក អូន ឆេងប៉រ ដែល​បាន​ចាក់​ផ្សាយ​កាល​ពី​រាត្រី​ថ្ងៃ​ទី២២ ខែ​សីហា ឆ្នាំ២០២២។ លោក សេរីសោភក្ដិ៍ បាន​ស្នើ​ថា​សាធារណមតិ​គួរ​បន្ត​ប្រើ​អំណាច​នៃ​ការ​ចូល​រួម​យោបល់​របស់​ខ្លួន​លើ​កិច្ចការ​រដ្ឋ​នានា​ ផុត​ពី​ករណី​ភ្នំ​តាម៉ៅ​នេះ៕