ពលរដ្ឋ​នៅ​ទីក្រុង ​Lowell​ រដ្ឋ ​Massachusetts បាន​ចាប់​ផ្តើម​ប្រារព្ធ​ពិធី​បុណ្យ​អុំទូក​អាស៊ីអាគ្នេយ៍​ឡើង​វិញ​នៅ​ឆ្នាំ​នេះ ក្រោយ​ពី​បាន​ខកខាន​អស់​ពីរ​ឆ្នាំ​ដោយ​សារ​ការ​រាតត្បាត​ជំងឺ​កូវីដ១៩។ លោក ​ពិន ស៊ីសុវណ្ណ ​រាយការណ៍​អំពី​រឿងនេះ​ពី​ទី​ក្រុង​ Lowell រដ្ឋ​ Massachusetts៕

ប្រជាជន​នៅ​រដ្ឋ Gujarat និង​រដ្ឋ Maharashtra ប្រទេស​ឥណ្ឌា ប្រារព្ធ​ពិធី​បុណ្យ ​Janmashtami របស់​សាសនា​ហិណ្ឌូ​កាល​ពី​ថ្ងៃ​ទី ១៩ ខែសីហា ដោយ​ឈរ​លើ​គ្នា​ដើម្បី​វាយ​ក្អម​ដី។

បន្ទាប់​ពី​ការ​ស៊ើប​អង្កេត​រួមគ្នា​យ៉ាង​ទូលំទូលាយ​ដោយ​សហរដ្ឋ​អាមេរិក​និង​កម្ពុជា​ វត្ថុបុរាណ​ខ្មែរ​ចំនួន ​៣០​ ត្រូវ​បាន​បញ្ជូន​ត្រឡប់​ទៅ​ប្រទេស​កម្ពុជា​វិញ។ ​លោក ​ចាប ចិត្រា ​នៃ ​VOA ​រាយ​ការណ៍​ថា ​ប្រជាជន​ខ្មែរ​ដែល​បាន​លួច​វត្ថុ​បុរាណ​យក​ទៅ​លក់​ឱ្យ​ជន​បរទេស​ បាន​ជួយ​នាំ​យក​សម្បត្តិ​វប្បធម៌​ដ៏​មាន​តម្លៃ​មួយ​ចំនួន​ត្រឡប់​ទៅ​ប្រទេស​កំណើត​វិញ៕

ប្រជាជន​រស់នៅ​លើ​ទន្លេសាប​ ដែល​តែង​ហៅ​ខ្លួនឯង​ថា​ជា​ «អ្នកទន្លេ» បាន​ចាត់​ទុក​បឹង​ទន្លេសាប​ថា​ ជា​«វាលស្រែ» ជា «ដី» ជា «ឆ្នាំងបាយ» របស់​ពួកគេ។ ក៏​ប៉ុន្តែ​ក្នុង​ពេលបច្ចុប្បន្ន​នេះ​ ពួកគេ​ព្រួយ​បារម្ភ​ថា​ ពួកគេ​នឹង​មិន​អាច​ពឹង​ផ្អែក​លើ​ធនធាន​ធម្មជាតិ​នេះ​បាន​យូរ​អង្វែង​ទៀត​ទេ ហើយ​ប្រជាជន​មួយ​ចំនួន​គិត​ចង់​ចាកចេញ​ពី​បឹង​នេះ​ ទៅ​តាំង​ទីលំនៅ​ និង​ប្រកប​របរ​លើ​ដីគោក​ ដើម្បីអនាគត​កូនចៅ​ជំនាន់​ក្រោយ​របស់​ពួកគេ។ អ្នក​នាង ខាន់ សុគុំមនោ បាន​ចុះ​យកព័ត៌មាន​និង​សម្ភាសន៍​អ្នក​ទន្លេ​នៅ​ខេត្ត​កំពង់ធំ និង​ពោធិ៍សាត់ ហើយ​ជូន​សេចក្តី​រាយការណ៍​លម្អិត​ដូចតទៅ៕

ក្រោយ​ពី​បាន​ចេញ​ពី​ជំរំ​មក​ដល់​ទីក្រុង​ Lowell​ រដ្ឋ​ Massachusetts  ​សហរដ្ឋ​អាមេរិក ​អតីត​ជនភៀស​ខ្លួន​ខ្មែរ​នៅ​ក្រុង​នេះ​បាន​បង្កើត​ក្រុម​របាំ​អង្គរ​ពី​បាត​ដៃ​ទទេ​ដើម្បី​រក្សា​សិល្បៈ​ប្រពៃណី​វប្បធម៌​ខ្មែរ​ដែល​ជា​កេរ​តំណែល​ខ្មែរ​ដ៏រុង​រឿង​ជាច្រើន​សតវត្សរ៍​មក​ហើយ។ រយៈពេល ៣៥ ​ឆ្នាំក្រោយមក ក្រុមរបាំនេះ​ត្រូវបាន​ថ្នាក់ដឹកនាំ​នៃទីក្រុង Lowell​ ក៏ដូចជា​រដ្ឋសភា​នៃរដ្ឋ Massachusetts ទទួលស្គាល់​សមិទ្ធផល​របស់​ពួកគេ​នៅក្នុងពិធី​សម្តែង​ជូនសាធារណជន​មួយ កាលពីថ្ងៃសៅរ៍​ ទី៦​ ខែ​សីហា​កន្លងទៅនេះ នៅ​វិទ្យាស្ថាន​សិល្បៈ​ The Clark ​នៅ​ទីក្រុង Williamstown ​និង​នៅ​ទីក្រុង Lowell។ ​លោក​ ពិន ស៊ីសុវណ្ណ ​បាន​ទៅ​យក​ព័ត៌មាន ហើយ​បាន​ធ្វើ​សេចក្តី​រាយ​ការណ៍​អំពី​រឿង​នេះ៕

អគារ​ជា​ច្រើន​មិនទាន់​សាងសង់​រួច ក្រោយ​ជនជាតិចិន​បាន​សម្រុក​ចាកចេញ​ពី​ខេត្តព្រះសីហនុ។ ការ​ចាកចេញ​របស់​ជនជាតិចិន​នាំឲ្យ​ប៉ះពាល់​ដល់​ការងារ​របស់​កម្មករខ្មែរ​និង​ប្រាក់​ចំណូល​របស់​អ្នកលក់ដូរ​មួយ​ចំនួន​នៅ​ក្នុង​ខេត្ត​ជាប់​មាត់​សមុទ្រ​មួយ​នេះ។ ប្រជាពលរដ្ឋ​ខ្លះ​ដែល​វីអូអេ​បាន​សម្ភាសន៍ បាន​ឲ្យ​ដឹង​ថា ពួកគេ​រង់ចាំ​ការ​វិល​ត្រឡប់​មកវិញ​របស់​ជនជាតិ​ចិន ប៉ុន្តែ​ពួកគេ​ក៏​បារម្ភ​អំពី​ការ​កើនឡើង​នៃ​អំពើ​ឧក្រិដ្ឋកម្ម​ក្នុង​ចំណោម​ជនជាតិចិន​ផងដែរ។

កម្ពុជាជាប្រទេសងាយរងគ្រោះពីការ​ប្រែប្រួល​អាសកាសធាតុ ដែល​ក្នុង​នោះ​ការឡើង​ទឹក​សមុទ្រ​ក៏ជា​ផល​វិបាក​មួយ​ផង​ដែរ។ កសិករ​ធ្វើស្រែ​នៅក្បែរ​ព្រែក​ក្នុង​ខេត្តជាប់មាត់សមុទ្រនៃប្រទេស​កម្ពុជា ត្អូញត្អែរអំពីកម្រិតទឹកសមុទ្រឡើង ហើយទឹកប្រៃបាន​ជ្រៀតចូលស្រែ​របស់ពួកគេ ដែល​បណ្តាលឲ្យ​ពួកគេ​មិនអាច​ធ្វើស្រែ​ទទួល​បានផល៕

រដ្ឋមន្ត្រី​ការ​បរទេស​អាស៊ាន​បាន​បញ្ចប់​កិច្ច​ប្រជុំ​ប្រចាំ​ឆ្នាំ​ដោយ​សុំ​ឱ្យ​មាន​សន្តិភាព​នៅ​សមុទ្រ​ចិន​ខាងត្បូង​ ​ព្រមាន​របបយោធាក្នុង​ប្រទេស​មីយ៉ាន់ម៉ា ​និង​មាន​ផែនការ​ជំរុញ​សេដ្ឋកិច្ច​ដល់​បណ្ដា​ប្រទេស​ដែលរងគ្រោះ​ដោយសារ​ជំងឺកូវីដ១៩។​ លោក Luke Hunt​ រាយ​ការណ៍​ឱ្យ​ VOA ​ពី​រាជធានី​ភ្នំពេញ។ អ្នកស្រី ហុង ចិន្ដា ជូន​សេចក្ដី​ប្រែស​ម្រួល៕

រដ្ឋមន្ត្រី​ការបរទេស​សហរដ្ឋ​អាមេរិក លោក Antony Blinken បាន​ផ្តល់​បទសម្ភាសន៍​ផ្តាច់មុខ​មួយ​ដល់ លោក ស៊ុន ណារិន នៃ VOA នៅ​សណ្ឋាគារសុខា នៅរាជធានីភ្នំពេញ កាលពីថ្ងៃទី៥ ខែសីហា ឆ្នាំ២០២២ បន្ទាប់​ពី​បាន​ចូលរួម​កិច្ច​ប្រជុំរដ្ឋមន្ត្រី​អាស៊ាន និង​ជួប​ជាមួយ​លោក​នាយក​រដ្ឋមន្ត្រី ហ៊ុន សែន ដែល​ជា​ប្រធាន​អាស៊ាន​នៅឆ្នាំ​នេះ។ ប្រធានបទ​រួមមាន​ដំណើរ​ទស្សនកិច្ច​របស់​ប្រធាន​សភា​សហរដ្ឋ​អាមេរិក អ្នកស្រី Nancy Pelosi ទៅកាន់កោះតៃវ៉ាន់ វិបត្តិ​មីយ៉ាន់ម៉ា និងការបោះឆ្នោត​នៅកម្ពុជា​នៅឆ្នាំក្រោយ និង​មូលដ្ឋាន​ទ័ពជើង​ទឹក​រាម​ដ៏ចម្រូងចម្រាស​របស់កម្ពុជា។សូមលោកអ្នកនាង​ស្តាប់​បទសម្ភាសន៍​ទាំងស្រុង​រវាង លោក ស៊ុន ណារិន និង រដ្ឋមន្ត្រី​ការបរទេស​សហរដ្ឋ​អាមេរិក លោក Antony Blinken ដូច​តទៅ៖

រដ្ឋមន្ត្រី​ការ​បរទេស​ស.រ.អ.​លោក ​Antony Blinken ​ក្នុង​ជំនួប​ជាមួយ​លោក​នាយក​រដ្ឋមន្ត្រី​ ហ៊ុន សែន លោក​បាន​បង្ហាញ​សុច្ឆន្ទៈ​ធ្វើ​ទំនង​ «រឹងមាំ ​និង​វិជ្ជមាន»​ ជាមួយ​កម្ពុជា រីឯលោក ​ហ៊ុន សែន​ ឱ្យ​ដឹង​ថា ​លោកក្នុង​នាម​កម្ពុជា​ជា​ប្រធាន​អាស៊ាន​ព្យាយាម​លើក​កម្ពស់​ដៃគូ​យុទ្ធសាស្ត្រ​អាស៊ាន​អាមេរិក។ ក្នុង​ជំនួប​ជាមួយ​លោក​ កឹម សុខា​ លោក ​Blinken ​ក៏បង្ហាញ​ការ​ខក​ខក​ចិត្ត​ចំពោះ​សំណុំរឿង​នយោបាយ​អូសបន្លាយ​របស់​លោក​ផងដែរ។ លោក​ ពិន ស៊ីសុវណ្ណ​ រាយ​ការណ៍​ពីទីក្រុង ​Lowell រដ្ឋ Massachusetts៕