សាលា​ដំបូង​រាជធានី​ភ្នំពេញ ​បាន​កាត់​ទោស​មេធាវី​ខ្មែរ​អាមេរិកាំង ​កញ្ញា ​សេង​ ធារី​ កាលពី​ថ្ងៃ​អង្គារ ទី​១៤ ខែ​មិថុនា ឆ្នាំ​២០២២ ឱ្យ​ជាប់​ពន្ធនាគារ​ចំនួន​៦​ឆ្នាំ​ និង​បាន​ចេញ​ដីកា​ឱ្យ​ចាប់​ខ្លួន​អ្នក​ច្បាប់​រូប​នេះ​ ភ្លាមៗ​ក្រោយ​ការ​ប្រកាស​សាលក្រម។ តទៅ​នេះ​ជា​សេចក្តី​រាយការណ៍​របស់​វីអូអ​ខ្មែរ។

មេធាវី​ខ្មែរ​អាមេរិកាំង​មួយ​រូប​និង​សមាជិក​ច្រើន​រាប់​សិប​នាក់​របស់​គណបក្ស​ប្រឆាំង​ដែល​ត្រូវ​បាន​រំលាយ​ត្រូវ​បាន​កាត់ទោស​ពី​បទ​រួមគំនិត​ក្បត់​នៅថ្ងៃ​អង្គារ​នេះ​នៅ​ក្នុង​សវនាការ​មួយ​ដែល​ជា​ចំណាត់ការ​ចុងក្រោយ​បង្អស់​នៅ​កម្ពុជា​ ដើម្បី​កម្ចាត់​សំឡេង​ប្រឆាំង​ទាំងអស់​ដែល​ប្រឆាំង​នឹង​ការ​គ្រប់គ្រង​របស់​លោក​នាយករដ្ឋមន្ត្រី​ ហ៊ុន សែន។

ជីវភាព​អ្នក​រត់​ម៉ូតូឌុប​នៅ​បន្ត​គ្មាន​មនុស្ស​ជិះ​ ខណៈ​មុខរបរ​ផ្សេង​ទៀត​បាន​ធូរស្រាល​ឡើង​វិញ​ជា​បណ្តើរៗ​នៅ​ពេល​ប្រទេស​កម្ពុជា​បើក​ចំហ​ឡើង​វិញ ​ក្រោយ​ពី​ការ​រាំង​ខ្ទប់​ ដើម្បី​ទប់ស្កាត់​ការ​ឆ្លង​រាតត្បាត​នៃ​ជំងឺ​កូវីដ១៩។​ លោក ​ពិន ស៊ីសុវណ្ណ​ រាយការណ៍​ពី​រាជធានី​ភ្នំពេញ​ដូច​តទៅ៖

ប្រជា​នេសាទ​ឃុំ​កំពង់ភ្លុក​និយាយ​ថា ​ការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំសង្កាត់​សំខាន់​សម្រាប់​ការពារ​ប្រយោជន៍​ប្រជាជន​មូលដ្ឋាន​ ដូច​ជា​ការ​ពង្រឹង​ទប់ស្កាត់​បទល្មើស​គ្រឿងញៀន​ និង​បទ​ល្មើស​នេសាទ​ជាដើម។ លោក​ ហ៊ុល រស្មី​ រាយ​ការណ៍លម្អិត​ពី​ឃុំកំពង់ភ្លុក ខេត្តសៀមរាប៕

ទូក​ទេស​ចរណ៍​នៅ​តំបន់​ទេសចរណ៍​បឹង​ទន្លេសាប​ចាប់​ផ្តើម​មាន​សកម្មភាព​ឡើង​វិញក្រោយ​ពី​ជំងឺ​កូវីដ១៩​បាន​បង្ខំ​ឱ្យ​ប្រទេស​នានា​បិទ​ព្រំដែន​ ហើយ​ដែល​បាន​ធ្វើ​ឱ្យ​សេដ្ឋកិច្ច​ពិភព​លោក​ជា​ពិសេស​វិស័យ​ទេសចរណ៍ ​ជាប់​គាំង​ និង​ធ្លាក់​ចុះ​ប្រមាណ​២​ឆ្នាំ​នោះ។ ​លោក ហ៊ុល រស្មី​ រាយការណ៍​ពី​ឃុំ​កំពង់ភ្លុក  ស្រុក​ប្រាសាទ​បាគង ​ខេត្ត​សៀមរាប​ដូចតទៅ៖

លទ្ធផល​បឋម​នៃ​ការ​បោះឆ្នោត​ក្រុមប្រឹក្សា​ឃុំសង្កាត់​កាលពី​ថ្ងៃអាទិត្យ បាននាំ​ឲ្យ​សកម្មជន​ថ្នាក់​ក្រោម​របស់​គណបក្ស​ភ្លើងទៀន​សោកស្តាយ ដោយសារ​ពួកគេ​រំពឹង​ថា​នឹង​ឈ្នះ​ការ​បោះឆ្នោត ដូច​ដែល​អតីត​គណបក្ស​សង្រ្គោះ​ជាតិ​បាន​ឈ្នះ​កាលពី​ការបោះឆ្នោត​ឆ្នាំ ២០១៧។ លោក ស៊ុន ណារិន និង​លោក ហាន ណូយ រាយការណ៍​លម្អិត​ឲ្យ​វីអូអេ​ពីស្រុក​ល្វាឯម ខេត្តកណ្តាល៕

នៅព្រឹក​ថ្ងៃ​អាទិត្យនេះ​ ពលរដ្ឋ​ក្នុង​ក្រុង​បាត់ដំបង​បាន​ចេញ​ទៅបោះឆ្នោត​ ក្រោម​បរិយាកាស​ស្ងប់​ស្ងាត់។ នៅ​តាម​មណ្ឌលបោះ​ឆ្នោត​មួយ​ចំនួន អ្នកបោះឆ្នោត​និយាយ​ថា​ ការ​អភិវឌ្ឍ​ដែល​មាន​តម្លាភាព​ និង​ការ​ផ្តល់ជូន​សេវា​សាធារណៈ​ប្រសើរ​ជាង​មុន នៅ​ឃុំសង្កាត់​ ​គឺជា​ក្តីប្រាថ្នា​ចង់​បាន​របស់​ពួកគេ។ អ្នកបោះឆ្នោត​ខ្លះ​ថា​ ចៅសង្កាត់ ឬ​មេឃុំជាប់​ឆ្នោត​គួរ​ប្រឹង​ជួយ​ពលរដ្ឋ​ដែល​មាន​ជីវភាព​ក្រីក្រ។ លោកលាស់ លីបលីប​ រាយ​ការណ៍​លម្អិត​ឱ្យ​វីអូអេ​ពីក្រុង​បាត់ដំបង៕

អ្នកយកព័ត៌មាន​របស់​វីអូអេ​បាន​តាមដាន​ការបោះឆ្នោត​នៅ​សង្កាត់​ចំនួន​បី​ក្នុង​រាជធានី​ភ្នំពេញ គឺ​សង្កាត់​បឹងព្រលឹត​ក្នុង​ខណ្ឌ ​៧ មករា សង្កាត់ផ្សារថ្មីទី១ និង​សង្កាត់​ផ្សារ​កណ្តាល​ទី២ ក្នុង​ខណ្ឌ​ដូន​ពេញ។ សង្កាត់​ទាំង​បី​នោះ មាន​តែ​គណបក្ស​នយោបាយ​ពីរ​ប៉ុណ្ណោះ​ចូល​រួម​ប្រកួត​ប្រជែង គឺ​គណបក្ស​ប្រជាជន​កម្ពុជា និង​គណបក្ស​ភ្លើងទៀន ដែល​ដឹកនាំ​ដោយ​អតីត​មន្រ្តី​ជាន់ខ្ពស់​នៃ​គណបក្ស​សង្រ្គោះជាតិ។ លោក ស៊ុន ណារិន និង​លោក ហាន ណូយ រាយការណ៍​ឲ្យ​វីអូអេ​ពី​រាជធានី​ភ្នំពេញ៖

ពលរដ្ឋមួយ​ចំនួន​រស់​នៅក្នុងក្រុង​បាត់ដំបង​ បាន​ប្រឹង​ទប់ទល់​ពី​ការវាយ​ប្រហារ​របស់​ជំងឺឆ្លង​កូវីដ១៩ ដែលបាន​បង្ក​ផលប៉ះពាល់​ខ្លាំង​លើ​សកម្មភាពសេដ្ឋកិច្ច​។ ក្រោយរដ្ឋាភិបាល​ប្រកាស​បើក​ប្រទេស​ទាំង​ស្រុង​ឡើងវិញ​កាលពីចុង​ឆ្នាំ​ ២០២១ ចលនា​សេដ្ឋកិច្ចផ្តើម​រើប​ឡើង​វិញ​បន្តិចម្តងៗ។ ក៏​ប៉ុន្តែ​ ឆ្លងតែមិន​ទាន់​ផុត​ពី​វិបត្តិ​បង្ក​ដោយ​ជំងឺកូវីដ១៩ ផងនោះ​ ពលរដ្ឋខ្លះ​ក្នុងក្រុង​នេះ​កំពុង​ពើបប្រទះ​នឹង​កើន​ឡើង​ថ្លៃទំនិញ។ លោក លាស់ លីបលីប រាយការណ៍លម្អិតពីទីក្រុងបាត់ដំបង៕

ថ្ងៃទី៤ ​ខែមិថុនា​គឺ​ជា​ខួប​លើក​ទី​៧៣​នៃ​ការ​បាត់បង់​ដែនដី​កម្ពុជា​ក្រោម​ទៅ​ក្រោម​ការ​គ្រប់គ្រង​របស់​រដ្ឋាភិបាល​វៀតណាម។ សហគមន៍​ខ្មែរ​កម្ពុជា​ក្រោម​នៅ​សហរដ្ឋ​អាមេរិករៀបចំ​កម្មវិធី​រំលឹក​ថ្ងៃ​ដ៏​ក្រៀមក្រំ​នេះ​នៅ​តាម​រដ្ឋ​ជាច្រើន។ សម្រាប់​ពេល​បន្ត​ទៅមុខ​ សកម្មជន​លើក​ទឹកចិត្ត​ពលរដ្ឋ​ឱ្យ​ធ្វើ​សកម្មភាព​នានា​ដើម្បី​ជួយ​ទាមទារ​សិទ្ធិសេរីភាព​សម្រាប់ពលរដ្ឋ​ខ្មែរ​នៅ​កម្ពុជា​ក្រោម​និង​សិទ្ធិ​សម្រេច​ជោគ​វាសនា​ដោយខ្លួន​ឯង​ផងដែរ។ លោក ម៉ែន គឹមសេង ​នៃ​វីអូអេ​បាន​ជួប​ថ្នាក់ដឹកនាំ​ថ្មី​ខ្លះ​ក្នុង​ឱកាស​ដែល​ទើប​ត្រូវ​បាន​សមាជិក​សហព័ន្ធ​ខ្មែរ​កម្ពុជា​ក្រោម​បោះឆ្នោត​ឱ្យ​ចូល​ក្នុង​គណៈកម្មាធិការ​នាយក​ ក្នុង​នោះ​មាន​លោក ទៀ ថេន​ អតីតអ្នក​នយោបាយ​នៃ​គណបក្ស​រាជានិយម​ហ៊្វុនស៊ិនប៉ិច ​និង​លោក​ ថាច់ ប្រីជាគឿន ​ដែល​តំណាង​ឱ្យ​យុវជន​ជំនាន់​ថ្មី​សម្រាប់​កម្មវិធី​«ប្រភពច្បាស់ការណ៍» ​ដូចតទៅ៖