ទោះ​បី​ស្ថាន​ភាព​សេដ្ឋកិច្ច​និង​ហិរញ្ញវត្ថុកម្ពុជា​ស្ថិត​ក្នុង​ភាព​ល្អ​ប្រសើរ​អំឡុង​ពេល​ដើរ​ចេញ​ពី​វិបត្តិ​កូវីដ១៩​និង​អំឡុង​សង្គ្រាម​រុស្ស៊ី​នៅ​អ៊ុយក្រែន​ អ្នក​ដឹក​នាំ​គោល​នយោបាយ​និង​អ្នក​ស្ថិត​ក្នុង​ជួរ​ធ្វើ​ការ​សម្រេច​ចិត្ត​ ត្រូវ​ប្រយ័ត្ន​ជាប់​ជា​ប្រចាំ​ និង​ឃ្លាំមើល​ឱ្យ​ដិត​ដល់​ស្ថាន​ការណ៍​កលិយុគ​សេដ្ឋកិច្ច​នៅ​ស្រី​លង្កា​និង​ឡាវ​ ដើម្បី​ធានា​ថា​ស្ថាន​ភាព​ដូច​គ្នា​មិន​កើត​ឡើង​នៅ​កម្ពុជា។ នេះ​ជា​ការ​លើក​ឡើង​របស់​លោក ឱក សេរីសោភក្ដិ៍ អ្នក​ឯក​ទេស​អភិបាល​កិច្ច​ ថ្លែង​ក្នុង​កម្មវិធីហេឡូវីអូអេ​ប្រចាំ​ខែ​ក្រោម​មូល​បទ​«អភិបាលកិច្ច​ល្អ» ជាមួយ​លោក អូន ឆេងប៉រ ដែល​បាន​ចាក់​ផ្សាយ​កាល​ពី​រាត្រី​ថ្ងៃ​ទី២៥ ខែកក្កដា ឆ្នាំ២០២២៕

ក្នុង​ពិធី​រំឭក​ខួប​៦​ឆ្នាំ​នៃ​ឃាតកម្ម​សម្លាប់​លោក​បណ្ឌិត​ កែម ឡី​ ជនជាតិ​ខ្មែរ​អាមេរិកាំង​និង​មិត្តភក្តិ​អាមេរិកាំង​នៅ​ទីក្រុង ​Lowell​ រដ្ឋ ​Massachusetts នៅ​តែ​ចិញ្ចឹម​ចិត្ត​រក​យុត្តិធម៌ ​ជូន​លោក ​និង​រំឭក​ពី​វីរភាព​និង​សេចក្តី​ក្លាហាន​របស់​លោក បើទោះ​បី​ជា​លោក​ដឹង​ថា ​លោក​នឹង​ត្រូវ​គេ​សម្លាប់​ក៏​ដោយ។​ លោក ​ពិន ស៊ីសុវណ្ណ​រាយការណ៍​ពី​ទីក្រុង​Lowell ​រដ្ឋ ​Massachusetts។

កំណត់​សម្គាល់៖ រូបភាព​ខ្លះ​នៅ​ក្នុង​សេចក្តី​រាយការណ៍នេះ​អាច​ធ្វើ​ឱ្យ​ប៉ះពាល់​ដល់​អារម្មណ៍​អ្នក​ទស្សនា

សាលាក្រុង Lowell ក្រុមភេ្លងបុរាណអាមេរិកាំងនិងក្រុមសិល្បៈខែ្មរបានរៀបចំការសម្តែងរួមគ្នាជាលើកទីមួយនូវសិល្បៈ និងភ្លេងខ្មែរបញ្ចូលជាមួយការប្រគុំភ្លេងបុរាណអាមេរិកាំងដែលអ្នករៀបចំឱ្យដឹងថា មានគោលបំណងបញ្ជ្រាបសិល្បៈវប្បធម៌ខ្មែរក្នុងសហគមន៍និងជាការពង្រឹងភាពសុខដុមរមនារវាងសហគមន៍ចម្រុះជាតិសាសន៍នៅសហរដ្ឋអាមេរិកនេះ។ លោក ពិន ស៊ីសុវណ្ណ រាយការណ៍ពីទីក្រុង Lowell រដ្ឋ Massachusetts៕

ប្រជា​ពលរដ្ឋ​រស់នៅ​ជាប់​បឹងតាមោក កាលពី​ថ្ងៃចន្ទ បាន​បង្ហាញ​ក្តីព្រួយ​បារម្ភ​ខ្លាច​អាជ្ញាធរ​បណ្តេញ​ចេញ​ពីលំនៅដ្ឋាន​នៅថ្ងៃ​ណាមួយ។ ពួកគេ​បានស្នើ​សុំឱ្យ​រដ្ឋាភិបាល​ផ្តល់ប្លង់​កម្មសិទ្ធិ​ស្របច្បាប់​ដល់​ពួកគេ។ លោក ហាន ណូយ និង​លោក លាស់ លីបលីប រាយការណ៍​លម្អិត​ឱ្យវីអូអេ​ពី​រាជធានីភ្នំពេញ៕

ក្នុង​កម្មវិធី​ហេឡូវីអូអេ​ប្រចាំ​ខែ ក្រោម​មូលបទ ​«អភិបាលកិច្ច​ល្អ» ដែល​ត្រូវ​បានចាក់​ផ្សាយ​តាម​រលក​ធាតុ​អាកាសកាល​ពី​រាត្រី​ថ្ងៃទី២៧ ខែមិថុនា ឆ្នាំ២០២២ លោក ឱក សេរី​សោភក្ដិ៍​ បាន​លើក​ឡើង​ថា​ នៅ​មុន​ការ​បោះ​ឆ្នោត​ជាតិ​ឆ្នាំ​២០២៣​ខាង​មុខ ភាគី​ពាក់​ព័ន្ធ​នានា​ ជា​ពិសេស​មជ្ឈដ្ឋាន​បក្ស​នយោបាយ​ក្រៅ​រដ្ឋាភិបាល​ គួរ​រួម​សំឡេង​គ្នា​ និង​តស៊ូ​មតិ​ឱ្យ​បាន​ល្អិត​ល្អន់​លើ​ខ្លឹម​សារ​ មាត្រា និង​នីតិ​វិធី​បោះ​ឆ្នោត​ណា​ដែល​ខ្លួន​យល់​ថា​មិន​ប្រក្រតី។ អ្នក​ឯក​ទេស​រូប​នេះ​បន្ថែម​ថា​ធ្វើ​ដូច្នេះ​នឹង​នាំ​ឱ្យ​ចេញ​លទ្ធ​ផល​បោះ​ឆ្នោត​ដែល​គ្រប់​ភាគី​ចូល​រួម​ប្រកួត​អាច​ទទួល​យក​បាន៕

បេក្ខជន​ជាប់ឆ្នោត​ជា​មេឃុំម្នាក់​របស់​គណបក្ស​ភ្លើងទៀន​នៅក្នុង​ឃុំ​ក្រយា ស្រុក​ប្រាសាទ​បល្ល័ង ខេត្ត​កំពង់ធំ បាន​ប្តេជ្ញា​បម្រើ​ប្រជាពលរដ្ឋ​ឲ្យបាន​ល្អបំផុត ហើយ​សហការ​ជាមួយ​មន្រ្តី​គណបក្ស​កាន់​អំណាច ដែល​ធ្លាប់​ដឹកនាំ​ឃុំ កាលពី​កន្លង​ទៅ។ ទោះជា​យ៉ាង​ណា លោក​ក៏​ព្រួយបារម្ភ​ខ្លះ​ដែរ​ចំពោះ​ភាព​ផុយស្រួយ​នៃ​ការ​រំលាយ​គណបក្ស​របស់​លោក​នៅ​ថ្ងៃ​ខាង​មុខ។ លោក ស៊ុន ណារិន រាយការណ៍​លម្អិត​ឲ្យវីអូអេ​ពី​ខេត្តកំពង់ធំ៕

គណបក្ស​ភ្លើងទៀន កាលពី​ថ្ងៃ​អាទិត្យ ទី២៦ ខែមិថុនា ឆ្នាំ២០២២ បានធ្វើ​ពិធី​អបអរសាទរ​ដល់​បេក្ខជន​មេឃុំ​ជាប់ឆ្នោត និង​ក្រុមប្រឹក្សា​ជាប់ឆ្នោត​របស់ខ្លួន នៅក្នុងខេត្ត​កំពង់ធំ។ ថ្នាក់​ដឹកនាំ​គណបក្ស​នេះ​ បាន​លើកឡើង​អំពី «ជ័យជម្នះ» របស់ខ្លួន ក្រោយ​ការ​បោះឆ្នោត​ក្រុមប្រឹក្សា​ឃុំសង្កាត់​អាណត្តិ​ទី ៥ ហើយ​ប្រកាស​ថា គណបក្ស​នឹង​ព្យាយាម​ស្វែងរក​ការ​គំាទ្រ​បន្ថែម​ទៀត ដើម្បី​ឈ្នះ​ការ​បោះឆ្នោត​ថ្នាក់ជាតិ​នៅ​ឆ្នាំក្រោយ។ លោក ស៊ុន ណារិន រាយការណ៍​លម្អិត​ពីខេត្ត​កំពង់ធំ៕

បេក្ខជន​ជាប់​ឆ្នោត​មេឃុំ​ចំណាលើ​ក្នុង​ស្រុក​ស្ទោង ​ខេត្ត​កំពង់ធំ​ បាន​អំពាវនាវ​ឲ្យ​តុលាការ​ទម្លាក់​ចោល​ការ​ចោទ​ប្រកាន់​លើ​រូបលោក​ ដើម្បី​លោក​អាច​បំពេញ​ការងារ​ជា​មេឃុំ​ជាប់​ឆ្នោត​បម្រើ​ប្រជា​ពលរដ្ឋ។ ​លោក​ ញឹម សារ៉ុម ដែល​ជា​បេក្ខជន​មេឃុំ​ជាប់​ឆ្នោត​ម្នាក់ ​ក្នុង​ចំណោម​ ៤ ​នាក់​របស់​គណបក្ស​ភ្លើងទៀន​នៅ​ទូទាំង​ប្រទេស​ ត្រូវ​បាន​ចាប់​ខ្លួន​ កាលពី​ថ្ងៃ​ទី​ ២១​ ខែ​មិថុនា ​ឆ្នាំ​២០២២​ ប៉ុន្តែ​ត្រូវ​បាន​ដោះលែង​វិញ​ពី​បទ​ «ប្លន់» ​ក្នុង​សំណុំ​រឿង​ប្រមាណ​ ២០​ ឆ្នាំ​មុន។ លោក ​ស៊ុន ណារិន ​លោក​ ហាន ណូយ​ និង​លោក​ លាស់ លីបលីប ​រាយ​ការណ៍​លម្អិត​ឲ្យ​វីអូអេ​ ពី​ខេត្ត​កំពង់ធំ៕

ក្នុង​នាម​ជា​អ្នក​គូរ​រូបក្រាហ្វិក​ខ្មែរ​អាមេរិកាំង អ្នកស្រី Kiri Schwiet ដែល​មាន​កូន​ពីរ​នាក់ បាន​គូររូប​និង​រៀបរៀង​សៀវភៅ​អក្ខរក្រម​មួយ​ក្បាល​ជា​ភាសា​អង់គ្លេស ដើម្បី​ជួយ​ឲ្យ​កុមារ​នៅ​សហរដ្ឋ​អាមេរិក​និង​នៅ​ជុំវិញ​ពិភពលោក​យល់ដឹង​ពី​ភាសា​និង​វប្បធម៌​របស់​ប្រទេស​កម្ពុជា។ អ្នកនាង ទែន សុខស្រីនិត រាយការណ៍​លម្អិត​អំពី​រឿង​នេះ​ពី​ទីក្រុង Chicago រដ្ឋ Illinois៕

ថ្មី​ៗនេះ​ ក្នុងអំឡុងពេល​កម្ពុជារៀបចំ​ប្រកាស​លទ្ធផលបោះ​ឆ្នោត​ឃុំសង្កាត់​ ស្ថានភាព​សិទ្ធិមនុស្ស និង​លិទ្ធិប្រជាធិបតេយ្យនៅកម្ពុជា​ត្រូវបានគេ​មើលឃើញនៅតែដើរថយក្រោយ​។ លោកស្រី​ ចក់ សុភាព បង្ហាញក្តី​បារម្ភប្រាប់វីអូអេថា លំហសង្គម​ស៊ីវិល«ហាក់ដូចជា​រួមតូចមែនទែន» ខណៈ​គណបក្ស​នយោបាយ​ ​មួយ​ចំនួន​ក៏បាន​លើក​ឡើងថាការបោះ​ឆ្នោត​នេះ ​មិន​សេរី​ និង ​មិនយុត្តិ​ធម៌។​ កាល​ពី​ដើម​ខែ ឧសភា សមាជិក​សភា​របស់​សហភាព​អឺរ៉ុបជាច្រើនរូបបាន​បោះឆ្នោត​សម្រេច​លើ​ញត្តិ​ ដោយ​បង្ហាញ​បារម្ភ​អំពី​ការណ៍​បន្តបង្ក្រាប​នយោ​បាយ​នៅ​កម្ពុជា​ និង​ជំរុញ​ឱ្យ​គណៈ​កម្មការ​អឺរ៉ុប ​ត្រៀម​ខ្លួន​ក្នុង​ការ​ដក​ឋានៈប្រព័ន្ធ​អនុគ្រោះ​ពន្ធ​ ឬ​ EBA ​ទាំង​ស្រុង​ប្រសិនបើ​ការ​បោះឆ្នោត​ឃុំសង្កាត់នេះ និងការបោះឆ្នោតថ្នាក់ជាតិឆ្នាំ​២០២៣ មិនមាន​ភាពសេរី និង​យុត្តិធម៌​៕