Í Konsert vikunnar minnumst við tónlistarmannsins Björgvin Gíslasonar sem lést í vikunni og hlustum á afmælistónleikana sem hann hélt í Austurbæ 4. september árið 2011 þegar hann varð 60 ára. Rás 2 fékk leyfi Björgvins til að' hljóðrita tónleikana og hann hljóðblandaði þá sjálfur.

Með Björgvin spiluðu þetta kvöld Jón Ólafsson (hljómborð), Guðmundur Pétursson (gítar), Hjörleifur Valsson (fiðla), Ásgeir Óskarsson (trommur), Haraldur Þorsteinsson (bassi) og Björn Jörundur Friðbjörnsson söng. Á efnisskrá tónleikanna voru helstu lög Björgvins frá löngum ferli.

Í Konsert vikunnar förum við á tónleika sem BBC stóð fyrir í Royal Albert Hall 1. September 2018 í tilefni af 50 ár afmæli STAX hljómplötu-útgáfunnar í Memphis í Tennesse í henni Ameríku.

Í Konsert vikunnar heyrum við tónleikaupptökur frá EBU frá fjórum hljómsveitum/listafólki sem spilaði á Eurosonic Festival í Hollandi núna um miðjan janúar.

Þetta eru Elmiene, 21 árs gamall sálarsönvari frá Oxford sem var fulltrúi BBC radio 1 á hátíðinni.

Popp-tríóið Monte Mai sem var fulltrúi RTSI/Rete 3 í Sviss.

Söngkonan Iva Lorens sem var fulltrúi RTS/Radio Belgrade One í Serbíu.

Og hljómsveitin Joker Out sem var fulltrúi RTVSLO/Val 202 í Slóveníu og tók þáttt í Eurovison í fyrra fyrir Slóveníu.

Í Konsert í kvöld ætlum við að hlusta á brot af því besta af lifandi tónlist sem Rás 2 bauð upp á fyrir 5 árum – árið 2019.

Hjálmar í Bíóhöllinni á Akranesi, Stjórnin og Vök á Tónalóði, Bubbi og Tvistarnir og Bagdad Brothers í std. 12, KK og Föruneytið í Alþýðuhúsinu í Eyjum, OMAM á Iceland Airwaves ofl.