Konsert

Músíktilraunir 2023 fara fram í næstu viku. Undankvöldin 4 eru dagana 25.-28. mars og úrslit 1. apríl í Norðurljósum í Hörpu.

Músíktilraunir hafa farið fram síðan 1982 næstum óslitið og í eina tíð voru alltaf gestahljómsveitir á Músíktilraunum og í Konsert vikunnar rifjum við upp heimsóknir hljómsveitanna Unun, Jet Black Joe og XXX Rottweiler á Músíktilraunir. Við heyrum líka brot úr þáttaröðinni Árið er sem er að fara aftur af stað hérna á Rás 2 á árinu í tilefni af 40 ára afmæli Rásar 2 í ár. Og þar að auki heyrum við í sigursveit Músíktilrauna 2022; Kusk.

Í Konsert kvöldsins byrjum við á að fara hálfa öld aftur í tímann og hlusta á Carole King ásamt hljómsveit í Central Park. Svo heyrum við nokkur lög með Rolling Stones úr GRRR túrnum 2015 og eftir þar heyrum við aðeins í Bítlunum í Hollywood Bowl 1965 og endum svo á Led Zeppelin í London 1971.

Í Konsert á Rás 2 í kvöld tökum við ofan fyrir Ninu Simone sem hefði orðið 90 ára núna í febrúar ef hún hefði lifað. Hún var séní. Hún kom aðeins einni plötu inn á topp 100 heima í Ameríku. Það var tónleikaplata sem náði 99. sæti listans.

Vinsælasta lagið hennar náði 5. sæti breska vindældalistans árið 1987 - 30 árum eftir að hún tók það upp. Það var lagið My baby just cares for me. Ástæðan var sú að það var notað þá í auglýsingu fyrir Chanel no. 5 ilmvatn.

Nina Simone er mun þekktara nafn í dag en meðan hún lifði. Það er hálfgerð synd. Nina Simone var séní. Konsert hefst kl. 22.05 og þá bjóðum við á Rás 2 upp á tónleika með henni sem NDR - þýska ríkisútvarpið í Hamborg hljóðritaði árið 1988.

ÍKonsert vikunnar förum við á tónleika með Rolling Stones sem fóru fram 5. mars 1977, mitt á milli platnanna Black and Blue sem kom út ?76 og Some Girls sem kom ?78.

Dagana 4. og 5. mars spilaði Rolling Stones í 400 sæta klúbb í Toronto í Kanada undir nafninu The Cockroaches og voru auglýstir sem upphitunarnúmer fyrir lókal hljómsveitina; April Wine.

En það voru engir Kakkalakkar sem hiðuðu upp fyrir April Wine, heldur kunnuglegir náungar frá Englandi, Rolling Stones!

Á efnisskránni var einskonar Greatest Hits prógramm; Honky Tonk Women, Jumpin? Jack Flash og eldri slagarar eins og Route 66, Little Red Rooster ofl.

Bandið var í fínu formi þarna; Mick Jagger, Keith Richards, Charlie Watts á trommunum, Bill Wyman á bassanum og Ron Wood á ryþmagítar. Kannski besta rokkband í heimi?

Þessir tónleikar eru mjög sérstakir, en bara nokkrum mánuðum fyrr voru þessir strákar á spila á leikvöngum um allan alla Evrópu fyrir tugi þúsunda á kvöldi. En svo komu þeir í 5. mars 1977 á El Mocambo í Toronto í Kanada og spiluðu fyrir 400 manns.