Die Namibiese krieketspan oefen weer saam nadat die sport die groen lig gekry het om weer te begin oefen. Die Eagles is hard aan die werk nadat hulle vir die T20 in Australië later die jaar gekwalifiseer het. Craig Williams die span se hulpafrigter, gesels vanoggend met ons oor hoe dit alles gaan na die April inperking...

Die langverwagte stimulus-verligtingspakket van Agribank word vanmiddag bekendgemaak. Piet Gouws, die President van die Namibiese Landbou Unie gesels meer breedvoerig met ons hieroor vanoggend...

Skole wat deel vorm van die jaarlikse Namibiese Herwinningsforum kompetisie word vereer deur die forum ... Volgens Anita Witt, die Koördineerder van die forum is daar in die 2019-2020 jaar 179 632 ton bymekaar gemaak teenoor 132 ton die vorige jaar. Herwinning is belangrik vir ons omgewing en sy sluit by Kosmos 94.1 Nuus om meer hieroor te gesels.

Onderrig in skole is meestens gebaseer op teoretiese opleiding en baie kinders is nie behoorlik voorbereid vir finansiële uitdagings en struikelblokke wat die toekoms vir hulle inhou nie. Ingrid Husselmann, die Kinderadvokaat in die Kantoor van die Namibiese Ombudsman sê kurrikulums behoort in skole aangepas te word om beter finansiële onderrig in te sluit. Sy sluit by ons aan...

Die uitdaging met die korona-virus het groot probleme vir Namibië ontbloot... Die informele sektor, skole en gesondheid... dié is almal sektore waar daar uitdagings is... Dr Omu Kakujaha-Matundu van die Ekonomiese Fakulteit by Unam is ons gas.

Die VN voorspel ‘n wêreldwye inkrimping van 3,2 persent in die wêreld ekonomie vir 2020 met ongeveer 8,5 triljoen Amerikaanse doller wat in produksie verloor sal word. Die organisasie sê miljoene mense sal armer word en lande moet saamwerk om die pandemie te bekamp. Ons gas vanoggend is Unisa Jambo, ‘n Ekonoom en die Ontwikkelings Koördineerder by die VN se kantoor in Namibië.

Die 73ste Wêreld Gesondheidsbyeenkoms sal die jaar op 'n virtuele platform aangebied word as gevolg van Covid-19. Die agenda is ingekort sodat dit in twee dae afgehandel kan word, vandag en môre. Dit strek gewoonlik oor 'n tydperk van twee weke. Die Namibiese Minister van Gesondheid, Dr Kalumbi Shangula sal ook aan die vergadering deelneem en gesels vanoggend met ons hieroor...

Die Woordvoerder van die Geslagsgebasseerde Geweld Eenheid Christiana Semaho sê dat die verbod op drankverkope in die land, het daartoe bygedra dat geweld in huishoudings afgeneem het. Sy sluit vanoggend by ons aan om te gesels oor die stand van geweld in Namibiese huishoudings.

Jason Emvula, die Hoof van die Namibiese Nasionale Boerevereniging het die mening uitgespreek dat Covid-19 'n groot impak op veral die kommunale landboubedryf het met ‘n tekort aan markte as gevolg van abattoirs wat steeds gesluit is en meulenaars wie nie noodwendig oeste kan aankoop nie. Die Namibiese Minister van Landbou Calle Schlettwein sê daar is baie uitdagings maar, dit is nie net in landbou, hetsy kommersieel of kommunaal, nie... Hy is ons gas...

Die ekonomie wek kommer by lede van die publiek veral met die korona-pandemie en die stimuluspakket wat die Namibiese regering aangekondig het. Die Namibiese ekonomie sukkel vir ‘n paar jaar met wisselvallige reënval en ander uitdagings. Namibiërs wag in spanning vir die 2020-2021 begroting wat na verwagting later maand deur die Minister van Finansies Iipumbu Shiimi ter tafel gelê sal word. Eben de Klerk van die Ekonomiese Beleidsnavorsing Vereniging, gesels vanoggend met ons hieroor...