Kenners voorspel dat Suid-Afrika se BBP tussen 10 en 16,7 persent kan inkrimp, wat ‘n 6 tot 11 keer groter inkrimping is as die 2008 resessie. Miljoene werksgeleenthede kan verlore gaan... Dr Azar Jammine, ‘n Suid-Afrikaanse Ekonoom is ons gas...

Die deursigtigheid van begrotings is op die oomblik in die soeklig, veral nou met Namibië se begroting wat afgewag word. Die Instituut vir Openbare Beleidsnavorsing in Namibië het ondersoek ingestel en Namibië het 51 uit 100 behaal waar 61 of meer, deursigtigheid toon. Graham Hopwood van die instituut, gesels vanoggend met Kosmos 94.1 Nuus hieroor...

Die Wêreldbank gaan 7 miljoen Amerikaanse doller leen aan Zimbabwe in sy pogings om die Covid-19 pandemie te beveg. Ongeveer 5 miljoen Amerikaanse doller sal voorgeskiet word terwyl 2 miljoen uit fondse wat werk om die impak van Orkaan Idai te versag nou vir korona gebruik sal word. Maar daar is kommer oor Zimbabwe se vermoë om die lening terug te betaal. Douglas Mwonsura van die MDC-party in die buurland is ons gas...

Yanna en Jean Louis gesels met Olivia Nghaamwa, ‘n senior belastingbestuurder by Deloitte Namibië. Olivia het die stimuluspakket en die slaggate en voordele daarvan bespreek, te midde van die korona-virus en die gepaardgaande inperking.

Pendelaars word tans ingeperk as gevolg van maatreëls wat ingestel is om sosiale afstand te beheer ingevolge die noodtoestand wat deur Covid-19 veroorsaak is. Eienaars van bussies en taxi’s wat pendelaars vanaf Rehoboth na Windhoek vervoer het hulle kommer uitgespreek oor die inperkings op die hoeveelheid passasiers wat toegelaat word in openbare voertuie. Volgens Rialdo van Wyk, die Woordvoerder van die groep, sal werksgeleenthede verlore gaan en inkomste sal ontbreek vir die bestuurders. Hy is ons gas vanoggend....

Nuwe voertuig verkope in Suid-Afrika het met 98,2 persent in April gedaal teenoor verlede jaar. In April 2019 is net minder as 37 000 nuwe voertuie verkoop teenoor 574 die jaar. Norman Lamprecht van die Suid-Afrikaanse Nasionale Vereniging van Voertuig Vervaardigers sluit by ons aan.

Skole in Namibië heropen eers op 3 Augustus wat nog drie maande van tuisonderrig beteken, terwyl meeste ouers terugkeer werk toe. Vir raad in die verband het Elna de Jager, die Hoof van die Primêre Skool by die Windhoek Afrikaanse Privaatskool, en Kobus Espach, die Hoof van WAP se Sekondêre Skool by Yanna en Jean Louis kom kuier.

Daar word verwag dat die begrotingsrede later die maand deur die nuwe Minister van Finansies Iipumbu Shiimi gelewer sal word. Die minister hou reeds verskeie vergaderings in die verband. Maar, met uitdagings in verband met die korona-virus en 8,1 miljard Namibiese doller wat op ‘n stimuluspakket spandeer is, is daar uitdagings. Die regering se skuld is tans op ongeveer 53 persent wat verdere uitdagings bied. Robert McGregor van Cirrus in die hoofstad sluit by ons aan.

Met die inperking in Namibië en die gepaardgaande verbod op byeenkomste van meer as 10 mense, het parlement nog nie sittings onder die nuwe administrasie hervat nie. Al die lede is die vroeër die jaar ingesweer en die Speaker, Professor Peter Katjavivi, wie weer verkies is in sy amp, sluit vanoggend by ons aan.

Dis Vrydag Werkersdag... internasionaal gevier om die werker te loof, om sy bydrae tot die ekonomie te herdenk en te eer... en die oggendspan gesels met die Sekretaris Generaal van die Nasionale Unie van Namibiese Werker, oftewel NUNW, Job Muniaro oor die betekenis van die dag.