Reaksie word ontvang op die stigting van ‘n politieke party deur Dr Panduleni Itula, die tandarts wie as onafhanklike kandidaat in die afgelope presidensiële verkiesing gestaan het. Itula het 29 persent van die presidensiële stemme op hom verenig teenoor Geingob se 56 persent. Hy het aan plaaslike media gesê dat die publiek ingelig sal word wanneer die tyd reg is maar bevestig dat hy wel ‘n party gaan stig. Dr Hoze Riruako, ‘n Politieke Ontleder van Namibië is ons gas...

Ongelykheid in beide Namibië en Suid-Afrika bly ‘n groot uitdaging. Die jongste syfers, dié vir 2018, toon ‘n Gini-indeks van 55 in Namibië. ‘n Hoër Gini-indeks dui op groter ongelykheid, met individue met 'n hoë inkomste wat baie groter persentasies van die totale inkomste van die bevolking ontvang. In die buurland het die indeks 57,3 in 2017 aangeteken en in 2018, is 57,7 aangeteken, wat aandui dat ongelykheid groei. Die jongste navorsing toon dat 10 persent van die buurland se bevolking 86 persent van die land se rykdom besit. Hein Klee die Besturende Direkteur van NMG Konsultante en Aktuarisse in die buurland is ons gas.

Wat beteken ‘n inkrimping in Namibië se ekonomie met 6,9 persent tot die einde van die finansiële jaar vir jou? Weet jy nie? Is jy paniekerig? Ons verstaan! Moenie bekommer nie... Bruce Hansen, Besturende Direkteur van Simonis en Storm in die hoofstad het met Yanna gesels oor wat dit alles behels.

White Ribbon Namibië, deel van ‘n globale inisiatief, is ‘n veldtog waar mans saam staan teen geslagsgebasseerde geweld, veral teen vroue en kinders. Die groep hou vandag ‘n digitale vergadering met aktiviste, navorsers en maatskaplike werkers oor hoe om mans te betrek in die voorkoming van huishoudelike geweld. Charles Simakumba ‘n mede-stigter van die veldtog, is ons gas...

Skenkings vanaf die privaatsektor stroom in vir minder bevoorregtes in die land tydens die inperking. Die Namibiese Eerste Minister Saara Kuugongelwa-Amadhila het skenkings ontvang van Namibiese maatskappye wat Namib Meulens, die Frans Indongo Groep en die Paaie Owerheid insluit. Sy sluit by ons aan om die jongste in die verband te bespreek...

Namibiërs, en veral besigheidseienaars wag in spanning om die week te hoor of daar enige verandering in, of verlenging van, die huidige inperking in die land sal wees. President Hage Geingob het die land in sy geheel ingeperk tot en met een minuut voor middernag op 4 Mei. Frederico Links van die Instituut vir Openbare Navorsing is ons gas...

Die korona-pandemie het saam met klimaatsverandering meer uitdagings geskep vir produksiesyfers regoor die wêreld. Lande soos Zimbabwe, Malawi, die Kongo en Mosambiek ervaar veral grootskaalse voedseltekorte. Ian Collard, die Hoof Uitvoerende Beampte van die NMI Groep in Namibië sê alles is in orde en owerhede moet nie paniekbevange besluite neem nie...

Dit wil voorkom asof die misbruik van dwelms in Namibië toeneem. Die weeklikse misdaad verslag van die Namibiese polisie dui ook aan dat daar meer arrestasies is vir dwelms as enige ander oortreding. Charlemaine Husselmann van Lifeline/Childline Namibië sluit by ons aan...

Reaksie word ontvang op die stelling van Ned Sibeya ‘n Adjunk Hoof in die Namibiese Nasionale Beplanningskommissie dat Covid-19 die implementasie van die vyfde Nasionale Ontwikkelingsplan vertraag omdat talle planne nou uitgestel is. Die vyf-jaar plan loop Februarie 2021 tot ‘n einde... Dr Omu Kakujaha-Matundu die Ekonomiese Fakulteit van Unam gesels met Kosmos 94.1 Nuus hieroor...

Die Universiteit van Namibië, in ‘n gesamentlike projek met die Nambiese Brouerye oftewel NBL, vervaardig op die oomblik 32 000 liter handreiniger vir belanghebbendes. John Haufiku, Kommunikasie Direkteur by die universiteit sluit vanoggend by ons aan vir meer oor die projek...