Ongeveer 80 Namibiërs is in Suid-Afrika gestrand sonder die finansiële vermoë om terug te keer huis toe. Vir twee vlugte vanaf Windhoek na Kaapstad en Johannesburg word ongeveer 380 000 Namibiese doller benodig. Die plaaslike Okanti Stigting werk op die oomblik hieraan... Michaela Tietz van Okanti is ons gas...

Ekonomieë regoor die wêreld word drasties geknou deur die heersende Covid-19 pandemie. Diamante bly ‘n belangrike bron van inkomste vir ons regering maar volgens Kennedy Hamutenya, die Hoof Uitvoerende Beampte van Namdia gaan die plaaslike en internasionale diamant-industrie ook swaar gebuk onder die huidige toestande. Hy gesels vanoggend met Kosmos 94.1 Nuus...

Kenners het hulle kommer uitgespreek oor die lae getalle toetse wat in Namibië uitgevoer is vir Covid-19. Dr Bernard Haufiku, die Koordineerder van die Covid-19 taakmag is ook op rekord dat hy kommer het daaroor. Die Namibiese Minister van Gesondheid Dr Kalumbi Shangula hetbevestig dat daar nou verdere toetse gedoen sal word en hulle poog om 200 000 uit te voer. Hy sluit by ons aan oor die jongste in die verband.

Die jong olifant bul wie in Desember by Swakopmund sy opwagting gemaak het, is oor die naweek verskuif deur die span van Na/a’an ku sê na die bewaringsorganisasie net noord van die hoofstad. Kosmos 94.1 Nuus gesels vanoggend met Rudie van Vuuren van Na/a’an ku sê oor die toekoms van die nou beroemde Swakopmund olifant.

Die Hoof Uitvoerende Beampte van die Kamer van Mynwese Veston Malango sê terwyl myne eers instruksie gegee is om in instandhouding in te gaan het hulle nou toestemming op ten volle operasioneel te wees. Malango het bygevoeg dat sosiale afstand en ander Covid-19 maatreëls in plek moet wees. Hy sluit vanoggend by ons aan...

Onderwysers regoor die land tree vandag aan vir diens en afstandsonderrig begin vir die akademiese jaar. Maar daar is groot uitdagings. Die Namibiese Ministerie van Onderwys se Uitvoerende Direkteur Sanet Steenkamp gesels vanoggend met Kosmos 94.1 Nuus oor die jongste in die verband....

Namibië se tweede helfte van die reënseisoen het alle verwagtinge oortref maar dit blyk om nou verby te wees soos die winter nader kruip. Ons gesels met die Suid-Afrikaanse klimatoloog Johan van den Berg.

Die Namibiese Minister van Myne en Energie Tom Alweendo gesels vanoggend met Kosmos 94.1 Nuus oor die inperking van die myne wat nou net in instandhouding is. Die Minister het gelas dat instandhouding volhou moet word tydens die inperking sodat produksie weer hervat kan word wanneer die inperking tot ‘n einde kom.

Die Nasionale Teater van Namibië bied ‘n teater-uitdaging ‘Act it Out’ aan. Die veldtog word digitaal gehou en akteurs kan kies van 6 monoloë wat hulle kan voorberei en dan opneem. Nelago Shilongoh van die NTN gesels vanoggend met ons oor die besonderhede.

Nom nom!!! Sanet Prinsloo, Namibië se eie bekroonde koningin van die kombuis, gesels met Jean Louis en Yanna oor korona resepte! Ons is mos nog 3 weke by die huis... Kom ons KOOK!!!!