Die Namibiese Minister van Landbou Calle Schlettwein gesels vanoggend oor die landbou in Namibië, die invloed van die inperking en hoe die industrie in die algemeen vaar na die knellende droogte .

Die Dierebeskermingsvereniging gesels vanoggend met Kosmos 94.1 Nuus oor die invloed van die inperking op hulle dag tot dag bedrywighede. Sylvia Breitenstein van die vereniging in Windhoek sluit by ons aan.

Hoof Inspekteur Itetila Shapaka van die Khomas polisie het by die oggendspan aangesluit om te gesels oor die regulasies van die inperking, gevalle van oortreding, gemeenskappe, bepalings volgens wetgewing en meer.

Die Chinese ambassadeur in Namibië Zhang Yiming gesels vanoggend met Kosmos 94.1 Nuus oor korona, kwarantyn en die herlewing van die Chinese ekonomie soos inperkings in daardie land gelig word.

Die President van die Suid-Afrikaanse Reserwebank, Lesetja Kganyago sê die verlenging van die staat van inperking in die buurland gaan 'n groot impak op die land se ekonomie hê, en sal verdere werksverliese tot gevolg hê. Dit volg nadat die Reserwebank se Monetêre Beleidskomitee 'n tweede verlaging in rentekoerse van 100 basispunte in minder as 'n maand aangekondig het. Dit bring die repokoers op 4,25 persent te staan. Dr Omu Kakujaha-Matundu van Unam se Ekonomiese Fakulteit gesels.

OneAfrica begin vandag met sy eerste uitsendings van LearnOnOne op die televisie kanaal. Volgens Stefan Hugo, die Uitvoerende Hoof van OneAfrica het hulle ‘n ooreenkoms met Edugate Academy in Otjiwarongo onderteken om kwaliteit onderwys op afstandsonderrig beskikbaar te stel, veral nou met die inperkingsperiode. Hy sluit by ons aan.

Die ekonomie is op almal se lippe met die inperking in die land wat tot op hede, Vrydagnag sal eindig. Daar is kommer oor werksverliese en ‘n verdere inkrimping wat groei en geleenthede verder kan belemmer. Sven Thieme, die President van die Namibiese Kamer van Handel en Nywerheid gesels vanoggend met Kosmos 94.1 Nuus hieroor.

Daar is internasionaal voorspellings dat 125 miljoen mense hulle werk kan verloor as gevolg van die invloed van die inperking op lande wêreldwyd en dat meer as 2 miljard mense die impak van die inperkings ekonomies beleef. Daan Strauss, die Sekretaris Generaal van die Namibiese Werkgewersvereniging sluit vanoggend by ons aan.

Terwyl daar groot kritiek is teen die Namibiese regering het hulle vinniger gereageer op die korona-krisis, veral met die stimuluspakket, as byvoorbeeld Suid-Afrika se regering wat steeds geen hulp aangebied het nie. Die Hoof Ekonoom by Capricorn Asset Management, Floris Bergh sê veral die BTW uitbetalings sal groot verligting bied vir besighede in die land tydens die inperking. Hy is ons gas.

Adjunk Kommissaris Amalia Gawanas, die Hoof van die Verkeersafdeling van die Namibiese polisie gesels met die oggendspan.