Namibië se groei is afwaarts aangepas na –2,1 persent vir die jaar met ‘n klein groeimarge na 0 persent volgende jaar. Dit is volgens die voorspellings van Simonis en Storm in die hoofstad. Die maatskappy het sy jongste kwartaallikse ekonomiese vooruitsigte bekendgemaak en volgens hom word dit veroorsaak deur ‘n swak ekonomie toe die korona-virus die inperking veroorsaak het, hier en wêreldwyd. Bruce Hansen, Besturende Direkteur by Simonis Storm gesels vanoggend oor die Namibiese ekonomie.

MultiChoice se sogenaamde Talent Factory is nou aanlyn en is gratis. Die aanpassing is gemaak as gevolg van die inperking. Die kursus is in twee modules gedeel en is gemik op die televisie en rolprent-industrie en hanteer aspekte van die produksie proses. Deelnemers ontvang ook ‘n sertifikaat wanneer hulle die kursus voltooi het. Levana Cloete MultiChoice se Bestuurder van Korporatiewe Aangeleenthede sluit by ons aan.

Die Hoof van Namibiese Sportkommissie Freddy Mwiya sluit by ons aan om te gesels oor die inperking en die kansellasie van sport geleenthede, en die impak op ons land se sport sterre.

Die regerende party, Swapo, se Sekretaris Generaal, Sophia Shaningwa het 1 miljoen Namibiese doller aan die Eerste Minister, Saara Kuugongelwa-Amadhila, oorhandig vir die bestryding van Covid-19. Die skenking is gedoen namens Swapo se kommersiële vleuel, namens verskeie besighede. Die Eerste Minister sluit by ons aan.

Die buitensporige verhoging van die pryse van goedere en dienste met die staat van inperking is volgens berigte een van die uitdagings wat hanteer moet word deur die relevante owerhede. Daar is volgens Frederico Links van die Instituut vir Openbare Beleidsnavorsing in die hoofstad nog heelwat leemtes in die verband. Hy is ons gas.

Die voorkoms van korona is volgens kenners beduidend vir hoe belangrik goeie en deursigtige regeringstelsels is. Daar is ook verskeie leiers wat die impak van die virus ontken en dit vererger die uitdaging... Ndumba Kamwanyah, ‘n Politieke en Sosiale Ontleder sluit by ons aan met sy mening vanoggend.

Die geslagsgebaseerde geweld-eenheid van die Namibiese polisie het van 21 Maart tot 4 April 83 gevalle van geslagsgebaseerde geweld net in die Khomas-streek aangeteken. Dit sluit 23 verkragtings en 34 gevalle van huisbraak in. Oor die naweek was daar uitdagings met die herhaaldelike verkragting van 'n stiefpa van sy stiefdogter van 13 jaar oud... Die Ombudsman John Walters gesels vanoggend meer breedvoerig hieroor.

Volgens Dawie de Klerk die Voorsitter van die Hardap Boerevereniging het Hardapdam nie noemenswaardige invloei gehad met die groot reën wat by Mariental verlede week uitgesak het nie, maar wat baie skade veroorsaak het. Hy sluit vanoggend by ons aan.

Die Direkteur Generaal van die Teenkorrupsie Kommissie, Paulus Noa het aan Kosmos 94.1 Nuus bevestig dat die ondersoek na die Fishrot-omkoopskandaal steeds voortduur ondanks in die inperkings, al het dit effe verstadig. Hy sluit vanoggend by ons aan...

Gerard Vries, die Khomas-streek se Direkteur van Onderwys het by die oggendspan aangesluit om te gesels oor die volgende skool-kwartaal, toetsreekse en hoe ouers kinders gedurende die inperking kan bystaan