Kosmos 94.1

Kosmos 94.1

By Kosmos 94.1
Download on the App Store

All Kosmos 94.1 episodes

  • Uitvoer van vee na Mauritius was wettig – ministerie
    Die landbouministerie sê die onlangse uitvoer van 6 294 stuks vee na Mauritius, ondanks die uitbreking van bek-en-klouseer, het aan bestaande veeartsenykundige regulasies voldoen. Geen spesiale vrystelling is toegestaan nie. Woordvoerder Romeo Muyunda sê die diere is reeds aangekoop voordat bek-en-klouseer op 23 September in die //Kharas-streek uitgebreek het. Hy sê uitvoere na ander bestemmings is steeds moontlik, mits die betrokke veeartsenykundige vereistes nagekom word. Die ministerie beklemtoon dat die beperkings nie alle uitvoere van lewende hawe verbied nie.
    1 min
  • EU stel lening van N$800-miljard-rand aan Oekraïne vir verdediging
    Die Europese Unie het vir 2027 ʼn lening van meer as 853-miljard Namibiese dollar aan Oekraïne voorgestel vir militêre hulp en begrotings-ondersteuning. Dit volg ná hewiger Russiese aanvalle, terwyl die koste van Oekraïne se verdediging en die tol wat ekonomiese ontwrigting eis, steeds toeneem. Die voorstel vereis goedkeuring van die 27 EU-lidlande, terwyl Slowakye, Tsjeggië, Hongarye en Bulgarye nie die jongste befondsing aan Oekraïne wil goedkeur nie. Die Europese Kommissie se president, Ursula von der Leyen, sê Oekraïne sal die lening eers kan terugbetaal wanneer Rusland skadevergoeding betaal:
    1 min
  • 12:00 Nuus
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    4 min
  • Danny Meyer: Minder rompslomp kan entrepreneurskap bevorder
    Die stigter en direkteur van SMEs Compete, Danny Meyer, sê entrepreneurskap begin deur gemeenskapsbehoeftes aan te spreek, maar waarsku dat oormatige regulasies nuwe ondernemings belemmer. Hy meen informele besighede moet eerder ondersteun word om tot die formele ekonomie te vorder en werksgeleenthede te skep. Hy waarsku ook dat entrepreneurskap harde werk, finansiële opofferings en die herbelegging van winste vereis. Hy het met Kosmos 94.1 Nuus gepraat:
    1 min
  • Rugby: ANC staan agter Springbokafrigter Rassie Erasmus
    Die ANC sê hy ondersteun SA Rugby se versoek om 'n volledige ondersoek, na Wêreldrugby se skorsing van Springbok-afrigter Rassie Erasmus. Die optrede volg op Erasmus se kommentaar ná die toetswedstryd teen Frankryk. Ingevolge die skorsing mag hy nie afrig of op wedstryddae by die span betrokke wees nie. ANC-woordvoerder Mahlengi Bhengu het die skorsing as uitermate streng bestempel en aangevoer Erasmus behoort 'n geleentheid te kry om sy uitlatings te verduidelik:
    1 min
  • Goeie reënval in dele van Otjozondjupa
    Verskeie plase in die Otjozondjupa-streek het goeie reënval aangeteken. Plaas Bergen-Suid naby Tsumeb het 45 millimeter ontvang, terwyl Plaas Buffalo by Abenab 52 millimeter gemeet het. ’n Plaas in die rigting van Tsintsabis het selfs 60 millimeter reën aangeteken. Ná dae van intense hitte en droë toestande is daar nou ’n verandering in Namibië se weerpatrone, met verspreide reënbuie en die vooruitsig op nog meer neerslae. Weerkundige George van der Merwe sê toestande sal na verwagting oor die komende dae en tot in volgende week natter word:
    1 min
  • SA se kleinhandelverkope groei in September met 2,4%
    Statistiek Suid-Afrika sê kleinhandelverkope het in September met 2,4-persent toegeneem vergeleke met dieselfde maand verlede jaar. Algemene handelaars en ander kleinhandelaars was die vernaamste bydraers tot die groei. Verkope het egter met 0,3-persent gedaal vergeleke met Augustus. StatsSA se Raquel Floris sê kleinhandelverkope het tussen Julie en September met drie-persent toegeneem vergeleke met dieselfde drie maande verlede jaar, terwyl verkope met 1,5-persent gestyg het vergeleke met die vorige drie maande:
    1 min
  • Uraanvraag plaas aanbod onder druk
    Die wêreldwye vraag na uraan sal na verwagting teen 2035 ’n jaarlikse behoefte van 180 miljoen pond nuwe voorraad skep. Volgens die Wêreld-kernenergie-vereniging is daar tans nie genoeg nuwe aanbod om in dié behoefte te voorsien nie. Paladin Energy se voorsitter, Cliff Lawrenson, het tydens die maatskappy se algemene jaarvergadering Langer Heinrich se prestasie as ’n hoogtepunt van die afgelope boekjaar uitgesonder. Hy sê Paladin het ondanks uitdagende internasionale omstandighede al sy spertye nagekom.
    1 min