Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Inligtingskommissie byna afgehandel: Theofelus
    Die werwing van Namibië se eerste inligtingskommissaris en sy adjunk sal na verwagting hervat word na 'n pouse om breër belanghebberkonsultasies oor die Wet op Toegang tot Inligting in Maart 2026 te voer. Die minister van inligting, Emma Theofelus, het aan die parlement gesê dat die ministerie nou al die oorblywende belanghebbendes, behalwe twee, geraadpleeg het.
    1 min
  • Israelse minister dreig NAZA-regisseurs met burgserskap-straf
    Die Israelse minister van Kultuur, Miki Zohar, dreig om die burgerskap van twee rolprentregisseurs te herroep oor 'n dokumentêr wat die regering se oorlogsmisdade in Gaza ontbloot. Die dokumentêr, NAZA, deur Yuval Abraham en Rachel Szor, bevat onthullende onderhoude met 24 Israelse militêre intelligensie-amptenare en soldate oor hoe burgerlikes geteiken is. Dit het vanjaar die spesiale Jurie-prys op die Venesiese Rolprentfees gewen. Zohar beskuldig die regisseurs van verraad, maar Abraham beskryf die dokumentêr as belangrik:
    1 min
  • Skud op en kry krag by die mense, vra goewerneur
    Oshana-goewerneur Hofni Iipinge vra elektrisiteitsverspreiders om nou saam te werk met streeksleiers om elektrisiteitsverskaffing in stedelike en landelike gebiede te bespoedig. Iipinge het in Ondangwa gewaarsku dat administratiewe planne niks beteken sonder werklike netwerkverbindings nie. Hy eis dat beplanning vinnig in fisiese pale, transformators en werkende elektrisiteit omskep word.
    1 min
  • Alle modelle van KI moet hersien word
    Die herrie rakende kunsmatige intelligensie duur voort met president Donald Trump wat weier om te glo dat daar ‘n risiko is en sê die VSA is in ‘n wedloop met die wêreld om KI te beheer. Dit kom na Anthropic gewaarsku het oor beduidende risiko’s. Voormalige navorsers, soos Jacob Coxon, het in die openbaar bedank uit protes oor wat hulle as 'n roekelose bedryfswedloop beskryf. Kritici binne die maatskappy voer aan dat terwyl bestuurders privaat katastrofiese verlies aan beheer vrees, die mededingende kommersiële druk om superintelligensie te bou versigtige ontplooiing oorheers. Elena Simperl, die mede-direkteur van die King’s-instituut vir Kunsmatige Intelligensie sê dis nie net nuwe tegnologie nie.
    1 min
  • SA Christen-forum vra vir herstel van doodstraf
    Die Suid-Afrikaanse Nasionale Christelike Forum vra ʼn onmiddellike nasionale referendum om die Grondwet te hersien en te wysig om weer die doodstraf vir moordenaars in te stel. Dit volg na die moord op vier vroue in Rhodesfield, Kemptonpark, Ekurhuleni, oor die afgelope twee maande. Die forum se president, Marothi Mashashane, sê die voortslepende geweld teen vroue in die land het ʼn rampspoedige vlak bereik, en huidige regsraamwerke skrik nie oortreders af nie:
    1 min
  • Namibiese span vertrek vir 48ste WorldSkills in China
    ’n Span van 17 jong deelnemers, wat in 16 kategorieë vir beroeps- en tegniese vaardighede meeding, verteenwoordig Namibië by die 48ste WorldSkills-kompetisie in Sjanghai, China, van 22 tot 27 September. Tydens ’n afskeidsgeleentheid by die Staatshuis vanoggend het president Netumbo Nandi-Ndaitwah beklemtoon hoe belangrik dit vir Namibiërs is om hul vaardighede te verbeter ten einde nasionale ontwikkeling te bevorder.
    1 min
  • Houtkappery het weer begin, onvoldoende toesig
    Die onwettige kap van bome het weer in Noord-Namibië posgevat, en daar heers toenemende kommer oor die afkap van bome op plase naby die Mururani-hek in Kavango Wes. Mark Paxton, eienaar van Shamvura Camp, het aan Kosmos 94.1 Nuus gesê dat hierdie bedrywighede blykbaar reeds weke of selfs maande lank aan die gang is - foto's toon dat boomstamme reeds langs die hoofpad opgestapel is. Paxton beweer dat permitte moontlik vir 'n beperkte aantal bome uitgereik word, terwyl daar uiteindelik baie meer bome afgekap word.
    1 min
  • Groot kommer oor olie, reserwes en 'n moontlike resessie
    Ekonome waarsku teen verdere stygings in wêreldoliepryse nadat Saoedi-Arabië sy kritieke Oos-Wes-ru-oliepyplyn tydelik gesluit het ná hommeltuigaanvalle in die gebiede van Riaad en Medina. Kosmos 94.1 Nuus het met die ekonoom Dawie Roodt gepraat: Hy sê wêreldwye oliereserwes neem reeds af midde die voortdurende konflik tussen Iran en die VSA.
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…