Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Regering moet beleid vir klimaatvlugtelinge skep
    Amnestie Internasionaal doen beroep op die Namibiese regering om veilige en wettige meganismes te vestig vir Angolese burgers wat van El Niño-droogtetoestande in suidelike Angola vlug. Die regtegroep waarsku dat ontheemde gesinne wat noordelike Namibië binnekom, haglike lewensomstandighede, sistemiese uitsluiting en deportasies in die gesig staar. Namibië het te doen gehad hiermee in 2021. Yanna Smith het meer.
    1 min
  • GRN moet dieper in sak krap vir behuisingskrisis
    Namibië se behuisingskrisis verdiep, en huiseienaarskap word toenemend 'n luukse wat buite die bereik van gewone werkers lê. KosmosKapitaal berig dat vir elke Namibiese begrotingsdollar is die regering bereid om net twee sent op behuising te bestee. 'n Nuwe verslag deur Simonis Storm dui daarop dat 'n werker nou ongeveer 44 000 Namibiese dollar per maand moet verdien om 'n verband van daardie grootte te kan bekostig. Kosmos 94.1 Nuus het met Mike Kavekotora, die voormalige uitvoerende hoof van die Nasionale Behuisingsonderneming gepraat; hy sê die boukoste van 'n huis is een van die hooffaktore wat pryse buite die bereik van baie Namibiërs stoot.
    1 min
  • Disney op die verhoog: ’n Betowerende dansproduksie by die NTN
    Jean-Louis en Laimi gesels met Anchen Wille van die Anchen Wille Dance Academy oor hul nuwe produksie, Disney on Stage! Ontdek wat jy kan verwag van hierdie kleurvolle vertoning vol dans, musiek en geliefde Disney-karakters.

    ’n Gesprek oor die magie van Disney, dans en ’n produksie wat die verhoog by die NTN gaan laat leef.
    6 min
  • G8 Bonsmara veiling het uitstekende genetika
    Die G8 Bonsmara-veiling keer volgende week, Dinsdag, 8 September, terug na die Agra/Bank Windhoek Ring. Dertig bulle word aangebied, waaronder diere van Hartebeestloop, met gratis aflewering binne 'n radius van 200 kilometer. Die G8 Bonsmara-veiling kan ook aanlyn gevolg word via SwiftVee Namibia. Kosmos 94.1 Nuus het met Paul Klein, die hoofbestuurder van veilings by Agra, gesels. Hy sê die genetika is van uitstaande gehalte.
    1 min
  • Ses Gautengskole, 1 klopjag, 123 verbode items
    Gauteng se LUR vir Onderwys, Lebogang Maile, was deel van nog ʼn polisie-geleide soek-en-beslagleggingsoperasie by ses skole. Dit bring die aantal skole in die provinsie wat deursoek is op 23 te staan. Woensdag se operasie was by die Sehopotso Secondary School en BoteboTsebo Secondary School in Sebokeng, Residentia Secondary School in Vanderbijlpark, Sapphire Secondary School in Bophelong, en Mahareng Secondary School en Lekoa Shandu Secondary School in Sharpeville. Maile sê hulle het in die jongste operasie op 123 verbode items beslag gelê:
    1 min
  • Die nuus om 11:00
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    4 min
  • Khumalo daag Lebeya uit oor klopjag
    Die kommissaris van die Madlanga-kommissie, Sandile Khumalo, het die voormalige hoof van die Valke, Godfrey Lebeya uitgedaag oor sy reaksie op berigte van 'n klopjag by sakeman Katiso “KT” Molefe se huis. Khumalo het bevraagteken of daar enige werklike gevaar was nadat hulle bepaal het die mense op die toneel was werklike polisielede. Hy sê die sakeman en Lebeya se informant, Malcolm X, het nie verdagtes of gevaarlike gedrag aangemeld nie. Lebeya het aangevoer sy siening was anders:
    1 min
  • Mense probeer net alles bymekaar hou maar alles gaan op - kenner
    Reaksie word ontvang op die Stad Windhoek se besluit om elektrisiteitstariewe met gemiddeld 3,6 persent vir die huidige boekjaar te verhoog, wat Dinsdag in werking getree het. Individuele tariefkomponente styg met tussen 1,3 persent en 5 persent, terwyl sommige heffings onveranderd bly. Kosmos 94.1 Nuus het met verbruikersbeskermingsaktivis Milton Louw gepraat.
    1 min
  • Die 10:00 nuus
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    4 min
  • AfriForum vra oudit van brandstofprys
    AfriForum het aan die minister van Finansies, Enoch Godongwana, geskryf en eis ʼn onafhanklike oudit van die brandstofprys en -heffing, insluitend die algemene brandstof-, koolstof- en Padongelukkefonds-heffing. Petrolpryse het hierdie maand met een-rand-34-sent per liter gestyg terwyl diesel tussen 2 Suid-Afrikaanse rand-93-sent en 3-rand-15-sent per liter meer kos. Ernst van Zyl van AfriForum sê die tydelike verlaging van die algemene brandstofheffing moet permanent gemaak word, of ten minste heelwat langer duur as die 1 Julie-sperdatum:
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…