Kosmos 94.1

Ekonoom Dawie Roodt sê Suid-Afrika se uitsluiting van die Amerikaanse AGOA-handelsooreenkoms vanaf Januarie 2027 kan ekonomiese groei met minder as 0,1 persentasiepunt verminder. Hoewel hy die besluit as slegte nuus vir 'n reeds sukkelende ekonomie beskryf, sê hy dit is nie katastrofies nie, aangesien Suid-Afrika se uitvoere onder die voorkeurhandelsooreenkoms reeds aansienlik afgeneem het. Roodt het met Kosmos 94.1 Nuus gepraat:

Die IPC bevraagteken die ekonomiese regverdiging van verdere spoorontwikkeling in die Noorde. Nelson Kalangula, die party se skadu-minister van Werke en Vervoer, sê groter voorkeur behoort eerder aan die beplande spoorverbinding tussen Windhoek en Botswana gegee te word. Hy het tydens 'n debat in die Nasionale Vergadering ook die 57 km-spoorlyn tussen Ondangwa en Oshikango as voorbeeld van onbenutte infrastruktuur uitgelig. Die laaste aangetekende treinbeweging op dié roete was in Julie 2024.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Namibiërs kan vandag warm en sonnige weer verwag, hoewel toestande later gedeeltelik bewolk kan raak, met 'n kans op buie teen laatmiddag of vanaand. Albertina Anderson van die Weerdiens sê daar is sowat 'n 55-persent kans op ligte reën of buie teen die aand.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die Suid-Afrikaanse wynmeester Bennie Howard beskryf die Amerikaanse regering se voorgenome onttrekking van Suid-Afrika se handelsvoordele ingevolge die AGOA-ooreenkoms as 'n groot terugslag vir die land se wynbedryf. Hy waarsku dat die verlies aan voorkeurtoegang tot die Amerikaanse mark jare se belegging, gevestigde sakeverhoudings en kosbaar verworwe rakruimte in gevaar kan stel. Hoër invoertariewe kan Suid-Afrikaanse wyn minder mededingend maak en uitvoerders moontlik dwing om alternatiewe markte te ondersoek. Howard het met Kosmos 94.1 Nuus gepraat:

Die amptelike opposisieleier en IPC-LP, Immanuel Nashinge, het die Inligtingsministerie gekritiseer oor wat hy as verkwistende staatsbesteding beskryf. Hy het veral verwys na onnodige regstreekse uitsendings en uitgebreide dekking van regeringsgeleenthede deur die staatsmedia. Tydens die parlementêre debat oor die ministerie se N$681 miljoen-begroting het Nashinge 'n volledige herstrukturering voorgestel, na die voorbeeld van Rwanda, met groter klem op tegnologiese innovasie en werkskepping vir jongmense.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Intussen sê die nasionale direkteur van Openbare Vervolgings, Andy Mothibi, hulle gee voorkeur aan verkiesing-verwante sake om vervolging te bespoedig en die integriteit van die verkiesing te beskerm. Meer as 25 verkiesing-verwante sake is op die hofrol terwyl sowat 20 ander nog ondersoek word. In Gauteng is 14 mense in hegtenis geneem. Mothibi sê die NVG werk saam met die polisie om sake soos aanranding en intimidasie van OVK-personeel vinnig af te handel:

Namibië kan in die komende jare ’n veel groter rol in die streek se brandstofvoorsiening speel danksy ’n beplande berging-s-aanleg in Walvisbaai met ’n kapasiteit van 600 miljoen liter. Die fasiliteit sal na verwagting 360 miljoen liter diesel en die res petrol kan berg, wat dit agt keer groter as Namcor se bestaande nasionale olieberging-s-fasiliteit sal maak. Die projek, met ’n geraamde waarde van 41-miljard Namibiese dollar, vorm deel van Nigeriese miljardêr Aliko Dangote se planne om ’n belangrike brandstofverspreidingsentrum vir Suider-Afrika te vestig. Dangote het tydens Woensdag se bekendstelling, op ’n dag waarop brandstofpryse in Namibië gestyg het, ’n boodskap aan die land gerig: