Kosmos 94.1

Die amptelike opposisieleier en IPC-LP, Immanuel Nashinge, het die Inligtingsministerie gekritiseer oor wat hy as verkwistende staatsbesteding beskryf. Hy het veral verwys na onnodige regstreekse uitsendings en uitgebreide dekking van regeringsgeleenthede deur die staatsmedia. Tydens die parlementêre debat oor die ministerie se N$681 miljoen-begroting het Nashinge 'n volledige herstrukturering voorgestel, na die voorbeeld van Rwanda, met groter klem op tegnologiese innovasie en werkskepping vir jongmense.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Intussen sê die nasionale direkteur van Openbare Vervolgings, Andy Mothibi, hulle gee voorkeur aan verkiesing-verwante sake om vervolging te bespoedig en die integriteit van die verkiesing te beskerm. Meer as 25 verkiesing-verwante sake is op die hofrol terwyl sowat 20 ander nog ondersoek word. In Gauteng is 14 mense in hegtenis geneem. Mothibi sê die NVG werk saam met die polisie om sake soos aanranding en intimidasie van OVK-personeel vinnig af te handel:

Namibië kan in die komende jare ’n veel groter rol in die streek se brandstofvoorsiening speel danksy ’n beplande berging-s-aanleg in Walvisbaai met ’n kapasiteit van 600 miljoen liter. Die fasiliteit sal na verwagting 360 miljoen liter diesel en die res petrol kan berg, wat dit agt keer groter as Namcor se bestaande nasionale olieberging-s-fasiliteit sal maak. Die projek, met ’n geraamde waarde van 41-miljard Namibiese dollar, vorm deel van Nigeriese miljardêr Aliko Dangote se planne om ’n belangrike brandstofverspreidingsentrum vir Suider-Afrika te vestig. Dangote het tydens Woensdag se bekendstelling, op ’n dag waarop brandstofpryse in Namibië gestyg het, ’n boodskap aan die land gerig:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

AfriForum se uitvoerende hoof, Kallie Kriel, blameer president Cyril Ramaphosa en die ANC-leierskap vir Suid-Afrika se verwydering uit Agoa. Kriel beweer die regering se onteieningswetgewing skrik beleggers af en het Amerikaanse sanksies veroorsaak. Hy voer aan die ANC het voorstelle van die burgerlike samelewing geïgnoreer wat daarop gemik was om die handelsooreenkoms te red. Kriel het met Kosmos 94.1 Nuus gepraat:

Finansminister Ericah Shafudah sê 685-miljoen Namibiese dollar wat van onderpresterende projekte hertoegewys is, sal nou dringende regerings-prioriteite finansier. Dit sluit bek-en-klouseerbeheer, graanreserwes, staatsamptenare se mediese fonds en die Noodfonds in. Die totale staatsbesteding vir 2026/27 is met 0,9% tot N$105 miljard verminder, ná 'n tekort van N$1,5 miljard aan inkomste. Shafudah sê stygende rentebetalings op staatskuld beperk geld wat vir ontwikkeling beskikbaar is, terwyl N$179 miljoen spesifiek vir bek-en-klouseerbeheer bewillig is.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die ANC het erken die ekonomie en werkskepping is steeds groot uitdagings. Die party het egter sy 32 jaar in die regering verdedig en gewys op vordering met onderwys, behuising en maatskaplike toelaes. Tydens 'n toespraak by die Verkiesingskommissie se uitslagsentrum in Midrand het die woordvoerder van die ANC, Mahlengi Bhengu, gesê die party se manifes fokus op ekonomiese groei, die skep van werksgeleenthede, die vermindering van armoede, en die verbetering van dienslewering:

Die Namibiese Lughawensmaatskappy het ‘n dividend van 7,8 miljoen Namibiese dollar verklaar – die eerste betaling in 20 jaar. Die NAC het 'n toename van 5,5 persent in inkomste tot 570 miljoen dollar aangekondig, terwyl wins ná belasting meer as verdubbel het tot 23,4 miljoen dollar. Met passasiersgetalle wat 1,13 miljoen bereik het, sê die staatsonderneming se woordvoerder, Dan Kamati, die resultate dui op groeiende ambisies om die land as 'n toonaangewende lugvaart- en logistieke spilpunt in die streek te vestig.