.

/

.

.

/

,

Panchavanmadhevi's thought process

.

நல்ல நாளில், நல்ல நேரத்தில் ஈசான சிவ பண்டிதரை முன் நிறுத்தி தன்னை சோழதேசத்து சக்ரவர்த்தியாக பிரகடனம் செய்து கொண்டார். அது மட்டுமல்லாதும் உடனடியாய் உடையார்குடிக்கு ஸ்ரீ முகம் அனுப்பினார். ரவிதாஸனையும் பரமேஸ்வரனையும் துரோகிகள் என்று சொல்லி அவர்களுடைய பெண்டுகளையும், குழந்தைகளையும் பெற்றோர்களையும், அவர்கள் வீட்டு பிள்ளைகளுக்கு, பெண் கொடுத்தவர்களையும், பெண் கொடுத்த வேட்டகத்தார்களையும் உடனடியாய் சகல உறவுகளையும் துறந்துவிட்டு ஊர்விட்டுப் போக வேண்டுமென்று கட்டளையிட்டார். அந்த நிலங்களுக்கு ஒரு விலை போட்டு அதற்குண்டான காசை கிராமத்தினரே கொடுத்துவிட வேண்டும் என்று சொல்லி தனியாக ஒரு மூட்டை பொற்காசு அனுப்பினார்.

என் ஐயனே. உன்னைவிட தமிழ் முக்கியமா உனக்கு. உன்னைவிட சைவசமயம் முக்கியமா உனக்கு. என் ஐயனே... எப்பேர்ப்பட்ட உத்தம புருஷன் நீ. எப்பேர்பட்ட சிந்தனைச் செம்மல் நீ. எப்பேர்ப்பட்ட பக்திமான் நீ. அவர் அமர்ந்த இடத்தைத் தடவி நெற்றியில் திருநீறாய் இட்டுக் கொண்டாள். அவரைப்பின் தொடர்ந்தாள்.