保羅嘅言論表面上似乎係覺得婚姻係次等或者係補救貪慾...作者係幾個角度去嘗試解釋： 獨身更好唔等於婚姻差D；獨身都會受罪性試探﹔獨身嘅social context係咩﹔婚姻同獨身各自都係恩賜和呼召...等等。保羅係冇否定創世設定的婚姻關係，反而係獨身補充咗呢種結合嘅「末世mode」...

作者係唔同地方都提出「唔係摩尼教個種」，係想講基督教嘅獨身/對於性嘅態度，並唔係持住一種「性係污糟低層次」嘅態度...但偏偏保羅又話「獨身」更好，咁點解釋佢所講嘅更好呢？呢幾次都係度答緊呢個問題...

之前提到耶穌對獨身嘅呼召，今次會開啟下一步，講下保羅點樣承接呢個教導...

呢集係 守獨身v.婚姻 呢部份嘅短結。守獨身嘅呼召，係捨棄現世嘅婚姻，而預先實現同基督結合為一嘅復活向度。守獨身冇否定到婚姻嘅價值，反而係間接咁強調，現世婚姻嘅真義，亦即好似反映緊上帝自己咁嘅特質(聖禮特質)。我讀到，守獨身同婚姻，係兩者並排而行、現世+復活後的身體意義體現...

為咗天國獨身，唔係要約化為，單單應付性衝動就=為天國獨身。反而，守獨身嘅人係帶住男女本性以及對於自我交付嘅深入體會，先至知道自己做緊乜...如果唔用位格主體去看待人，換轉講，如果只係用動物性去看待人，係冇辦法明白守獨身/婚姻嘅意義...(sorry鼻好塞)

基督為教會交付自己，係教會嘅新郎。咁人用守獨身嘅特別方式回應基督，行動同樣呈現出一種夫妻之間嘅愛；而且係為教會捨棄現身嘅婚姻，為著天國付出更多...

獨身唔係勁d，結婚唔係叻d; 或者今日講，(為咗天國) 獨身唔係廢d...兩種都係呼召，並且在天國入面係相似、互補。今集會講出，獨身同上帝結合為一，好似夫妻互相結合。夫妻生仔成為嘅父母職，都需要精神父母職去支撐；而獨身奉獻自己嘅神職人員就係精神上嘅父母職，產出教會後代...兩種呼召互相滲透...

摩尼教否定性、婚姻、生育，為天國守獨身唔係否定上帝所創造男女嘅配偶意義。所以守獨身並唔係個種色即是空嘅思想。守獨身係自我犧牲咗呢種創世以來嘅善，去追求另一種末世前預先reflect出來嘅善，亦即係reflect神人共融、不婚不嫁嘅善...

基督好强調獨身嘅動機，係為了天國，咁代表獨身係選擇，係領悟，唔係義務，唔係教條，係用特殊方式去學像基督，並成為來世肉身救贖後嘅標記...而特別值得注意：基督係冇因此否認到婚姻嘅美好呼召...

為天國獨身係一個今世標記，去反映復活後人和上帝的結合。呢個標記隨咗係耶穌身上實現，亦都見證於佢父母童貞下生耶穌嘅身上。基督從童貞所生，擺脫了肉身嘅而生，亦都說明了耶穌自己點解會講出為天國獨身呢種當時「冇人覺得係蒙福」嘅說法...