குறிஞ்சி மலர்

சக மனிதர்களுடன் நம்பிக்கையோடு உறவாடும் அவசியத்தை உணர்த்தும் அற்புத கட்டுரை.... வீட்டின் ஜன்னல்களின் எண்ணிக்கை இதயத்தின் இளகிய தன்மையை குறிப்பது என அடைக்குந்தாழில்லா அன்பின் அடர்த்தியை உணர்த்துகிறார் எஸ் ராமகிருஷ்ணன்... "இதயத்தின் ஜன்னல்" கட்டுரையில்.🙏🙏🙏

ஏளனங்களும் ஏச்சுகளுமே நிரந்தரங்களாகிப் போகும் சூழலில், தன்முனைப்பு இல்லா வெற்று வாழ்க்கை பழகிவிடும்.. அந்த போலித்தனத்தை தோலுரிக்கும் அவமானங்கள் ஆசிர்வாதங்களே...

ஊனத்தைத் தூற்றுவது ஈனம் என்பதை பலவீனமான தருணங்கள்தான் மனிதர்களுக்கு உணர்த்துகின்றன. மாறாக ஈனம் சிறிதும் இல்லாத குழந்தை மனதிற்கு காண்பதெல்லாம் அழகே...ஆனந்தமே...

புத்தகங்களின் முக்கியத்துவத்தை உணராத, உணர்த்தாத சமூகம் குறித்த தனது வருத்தத்தை பதிவு செய்யும் எஸ் ராமகிருஷ்ணன், அந்த மெளனத்துணையின் அற்புதங்களை அனுபவித்த ஒரு சிலரை அறிமுகம் செய்கிறார்...🙏🙏🙏

ராணுவ வாழ்க்கை மென்று எறிந்த சக்கையென இரண்டு உலகப்போரிலும் போரிட்டு காயத்தால் திருப்பி அனுப்பப்பட்ட ஒருவன், யாருக்காக வாழ்வது என இழந்த வாலிபத்தை எண்ணி மயங்கி நிற்கும் வேளையில் , ஒரு பொக்கிஷத்திற்கு சொந்தக்காரனாகிறான்.வாழ்வைக் கொண்டாட பயணிக்கிறான்...ஒரு பகல் நேரப் பாசஞ்சர் வண்டியில்...

பிறந்தநாள் கொண்டாட்டத்தின் உண்மையான பயன் என்ன? அந்த மகிழ்ச்சியின் முழுமையான வெளிப்பாடு எது..? போன்ற முக்கியமான கேள்விளை எழுப்பி , நியாயமான பதில்களை அளிக்கிறார் எஸ். ராமகிருஷ்ணன்...."சந்தோசத்தின் மறுபக்கம்"....🙏🙏🙏🙏😄

தேசாந்திரியைத் தொடர்ந்து இந்திய வானத்தின் வழியாக எஸ் ராமகிருஷ்ணனுடன் நாம் பயணிக்க உள்ளோம்.goodreads.com இணையப்பக்கத்தில் தரப்பட்டுள்ள இந்நூல் குறித்த அறிமுகவுரை :பயணங்கள் எப்போதும் மனிதனுக்கு நல்ல பாடங்களைக் கற்பிக்கிறது. அந்தப் பாடங்கள் அனுபவங்களின் பதிவாக மாத்திரம் அல்ல... அதன் சாரம் நலிவுற்ற சமுதாயத்தையும், தொலைந்த மனிதநேயத்தையும், புதைந்துபோகும் குண நலன்களையும் மீண்டும் துளிர்த்தெழச் செய்வதாக அமைகிறது. ஆக்கப் பெருக்கமும் அறிவுப் பெருக்கமும் நிறைந்து தொழில்நுட்ப வளர்ச்சியிலும் முன்னேற்றங்கண்டு, உலக மயமாக்கலால் வையம் உருமாறி ஏற்றங்கண்டிருந்தாலும், அவற்றுள் இன்னும் மாறாமல் மூலைமுடுக்குகளில் சிக்கியிருக்கும் மனித மாசுக்களின் மீது விழும் எஸ்.ராமகிருஷ்ணனின் பார்வை இந்திய வானில் உலவுகிறது. தனி ஒரு மனிதனின் இடைவிடாத உழைப்பு... பொதுமக்களின் மீதான நம்பிக்கை... சமூகத்தின் மீதான அக்கறை... இந்திய மண்ணின்மீது கொண்ட நேசம்... கிராமத்து வாசிகளின் சுவாசம் ஏக்கத்துடன் நகரத்து காற்றில் கலக்கும் சோகத்தையும் - சென்னையின் இருண்ட காலத்தில் ஒளிந்திருந்த ஈர நெஞ்சங்களையும் வெளிச்சம் போட்டுக் காட்டியிருக்கிறார் நூல் ஆசிரியர். இன்று மாற்றமடைந்த கல்வியின் நிலைமையும், சீரடைய வேண்டிய கல்வி சார்ந்த அமைப்புகளின் அவலங்களையும் சுட்டிக்காட்டியிருப்பதோடு, பெண் சிசு மீதான தீய பார்வை நீங்கும் என்கிற நம்பிக்கையையும், பெண் குழந்தை பிறந்தால் மரம் நடும் மரபையும் ஒரு பசுமை கிராமம் வழியாக உணர்த்தியிருப்பதும் அற்புதம். ஆனந்த விகடனில் தொடராக பயணித்த ‘இந்திய வானம்’ இப்போது நூல் வடிவில் உங்கள் கைகளில். சரித்திரத்தின் பக்கங்களைப் புரட்டவும் பயண சுவாரஸ்யங்களுடன் பயணிக்கவும் தயாராகுங்கள். 

******** முதல் பதிவாக 'அதிகம் பேசாதே' ***** செல்போன்களால் அழிவது சிட்டுக்குருவிகள் என உச்சுக்கொட்டும் மானிடா!...நளினமான நேயமும் உறவுகளும்தான் என்பதை அறிவாயா என கூக்குரலிடுகிறார் எஸ்ரா.... 🙏🙏🙏🙏

வெயில் என் முதல் தோழன் என ஊர் சுற்றும் தேசாந்திரியாய் தன் உலகு அறிதலை துவங்கிய எஸ்ரா, இமயத்தின் உச்சியில் சூரியனின் கம்பீரத்தை சிலாகித்து , தன் வீடும் உலகின் எந்த அதிசயத்திற்கும் சளைக்காத மயக்கம் மிகுந்தது என தேசாந்திரியை நிறைவு செய்கிறார்...நிகழ்கால முத்திரை எழுத்தாளர் எஸ் ராமகிருஷ்ணன் எழுதிய தேசாந்திரியின் 41 கட்டுரைகளில் 19 முக்கியமான பதிவுகளை பகிர்ந்து கொள்ளும் மகத்தான வாய்ப்பு அடியேனுக்கு கிடைத்தது... கதை கேட்போரின் ஊக்கமே என் உந்துசக்தி...எப்போதும் போல...சிரந்தாழ்ந்த நன்றிகள்... 🙏🙏🙏🙏

பெயர் தெரியாத சித்திரக்காரனின் வழியாக காலம் தன்னை தக்கவைத்துக்கொண்ட பலநூறு முயற்சிகளை இன்றைய சமூகம் அலட்சியப்படுத்துவது மன்னிக்க முடியாத குற்றம் என்கிறார் எஸ்ரா...

ராபர்ட் க்ளைவ் பார்த்த சென்னையும் நாம் பார்க்கும் சென்னையும் ஒன்றா என வியப்புறும் எஸ்ரா, அமீபா போன்று உருமாறிக்கொண்டே இருக்கும் நாகரீகத்தின் சமகால கலைப்படைப்புகளை, அடையாளங்களை வெகுசனம் ரசிப்பதே இல்லை என வருந்துகிறார்...