தனித்தன்மைகளை தக்க வைத்துக்கொண்டு எல்லை வரையறையில்லாமல் உலகை ஒற்றை மானுடவெளியாய் மாற்றிட முடியும் என்ற இலக்கிற்காக, தியாகத்தை உபாயமாக தேர்ந்தெடுத்த கெரி டேவிஸ் ஒவ்வொரு நாட்டிலும் வலுக்கட்டாயமாக சிறைவாசத்தை ஏற்று, ஓருலகம் கருத்தை வல்லமைமிக்கதாய் ஆக்குகிறார்... தென்னாப்பிரிக்காவில் நான்கரை ஆண்டுகள் தனிமைச்சிறையில் நூறு சொற்றொடர்களைக்கூட பேச வாய்ப்பளிக்கப்படவில்லை என கூறும் டேவிஸ், மனநோயாளியாகாமல் மீண்டது எப்படி என விவரிக்கிறார்... எழுத்தாளருக்கும் டேவிஸுக்கும் இடையேயான விறுவிறுப்பான விவாதமாக இப்பகுதி விரிகிறது... "உலகம் யாவையும் " நிறைவுப்பகுதி 2/2...ஜெயமோகனின் அறம் கதைத்தொகுப்பிலிருந்து...🙏🙏🙏 https://en.m.wikipedia.org/wiki/Garry_Davis https://www.nytimes.com/2013/07/29/us/garry-davis-man-of-no-nation-dies-at-91.amp.html

நாடு , கண்டம் போன்ற வேறுபாடுகளுக்கு அப்பாற்பட்டு மனிதகுலம் முழுவதும், ஒருநாடு ஓருலகம் என உரைத்து, உலகக்குடிமகன் என்ற அந்தஸ்தோடு ஒரே பாஸ்போர்ட் என்பதை நடைமுறைப்படுத்தி, நாடுகளின் சுயநல போராட்டங்களில் சிக்காமல், போரில்லா அன்பு சமுதாயம் காண முற்பட்ட , இரண்டாம் உலகப்போரில் விமானியாக பணியாற்றி , அமெரிக்க குடியுரிமையை உதறித்தள்ளி, உலகக்குடிமகனாக அறிவித்துக்கொண்ட அமைதிப்போராளி கேரி டேவிஸை சந்தித்த தருணங்களை குறித்து பகிர்ந்து கொள்கிறார் எழுத்தாளர்... உலகம் யாவையும்...பகுதி 1 ... ஜெயமோகனின் அறம், சிறுகதைத் தொகுப்பிலிருந்து...🙏🙏🙏 https://en.m.wikipedia.org/wiki/Garry_Davis https://www.nytimes.com/2013/07/29/us/garry-davis-man-of-no-nation-dies-at-91.amp.html

மனிதத்தின் மொழி அன்பு... என்பதை உரக்கக் கூறும் உன்னத வாழ்வுக்கு சொந்தமானவர்கள் மிகச்சிலரே... டாக்டர் சாமர்வெல் அதில் முதன்மையானவர்... மருத்துவ வசதிகளும் புதுமைகளும் புகாத காலங்களில், குமரி மக்களுக்காக உயர்சேவை செய்தவர் இவர் என்கிறார் ஜெயமோகன்... குறிப்பாக 1949ல் பரவிய காலரா நோயின் போது...சாமர்வெல்லின் மானுட சேவை மகத்தானது என்று பாராட்டியுள்ளார் ஜெயமோகன்... ஓலைச்சிலுவை - இரண்டு மற்றும் நிறைவுப்பகுதி🙏🙏🙏🙏

மனிதத்தின் மொழி அன்பு... என்பதை உரக்கக் கூறும் உன்னத வாழ்வுக்கு சொந்தமானவர்கள் மிகச்சிலரே... டாக்டர் சாமர்வெல் அதில் முதன்மையானவர்... மருத்துவ வசதிகளும் புதுமைகளும் புகாத காலங்களில், குமரி மக்களுக்காக உயர்சேவை செய்தவர் இவர் என்கிறார் ஜெயமோகன்... குறிப்பாக 1949ல் பரவிய காலரா நோயின் போது...சாமர்வெல்லின் மானுட சேவை மகத்தானது என்று பாராட்டியுள்ளார் ஜெயமோகன்...ஓலைச்சிலுவை பகுதி -1 🙏🙏🙏🙏

தன்முயற்சியில் சிறந்து விளங்குபவருக்கு குறையேதும் இல்லை என தற்கொலைக்கு முயல்பவனுக்கு ரயிலடி ஞானம் அருள்கிறான் கதை நாயகன்...அவநம்பிக்கையால் தன்னை மாய்த்துக் கொள்ளும் மடத்தனம் மனிதனை பீடித்துள்ள கொடூர வியாதி என சாடுகிறார் ஜெயகாந்தன்.

பல்லாயிரமாண்டு அடிமைத்தளைகளையும், அவமானங்களையும் வேரறுக்க, நூறல்ல, கோடி நாற்காலிகளில் அதிகார உச்சத்தை தொட்டாக வேண்டும், நெஞ்சுயர்த்தி ஆதிக்கக் கொடுமைகளை சுட்டெரிக்கும் உத்தரவுகளை பிறப்பித்தாக வேண்டும் என உறுதிகொள்கிறார் தர்மபாலன்...தாயின் மரணப்படுக்கையில்... அவள் பரிதவிப்புகளின் ஊடாக... நூறு நாற்காலிகள் கதையின் நிறைவுப்பகுதி...3/3 ஜெயமோகனின் "அறம் "தொகுப்பிலிருந்து...

ஆதிக்க சாதியினரால் விதிக்கப்பட்ட தெருவாழ்க்கையிலிருந்தும் பாசமான தாயிடமிருந்தும் மீட்டு, சிவில் சர்வீசில் சும்மா ஜெயிக்காம ரேங்கோட ஜெயிக்கணும்னு கட்டளையிட்ட குருவின் அன்பினையும், அவர் இட்ட கட்டளையின் தாத்பர்யத்தையும் நினைத்து உருகுகிறார் தர்மபாலன்... அறம்-ஜெயமோகன்- நூறுநாற்காலிகள்- பகுதி 2/3 🙏🙏🙏

ஜெயமோகனின் - அறம் - கதைத்தொகுப்பிலிருந்து "நூறு நாற்காலிகள்" ... மரணத்தறுவாயில் தாயைக் கண்டெடுத்த நரிக்குறவ சமூகத்தைச் சேர்ந்த ஐஏஎஸ் அதிகாரி ஒருவரின் மனத்தவிப்புகள் குறித்த கதை...🙏🙏🙏 பகுதி- 1

யானைகளின் உலகத்தை துல்லியமாக உணரும் திறன்படைத்த யானை டாக்டரின் ஆலோசனையின் படிதான் யானைகள் புத்துணர்ச்சி முகாம் துவக்கப்பட்டதாம்... Dr. K - யின் யானைப்பிரியத்தால் ஈர்க்கப்பட்டு , அவரோடு அளவளாவத் தக்க சந்தர்ப்பத்திற்காக காத்திருக்கும் வனத்துறை அதிகாரியின் மன ஓட்டங்கள்...யானை டாக்டர் ..பகுதி 1... ஜெயமோகனின் "அறம்" தொகுப்பிலிருந்து...🙏🙏🙏மனிதர்களுடனான அளவளாவலை விட மிருகங்கள் உள்ளிட்ட பிற உயிர்கள் உடனான அளவளாவல் மகத்துவம் நிறைந்தது என வாழ்வின் பயன் அறியும் வனத்துறை அதிகாரி, காட்டு உயிர்கள் கொண்டாடும் டாக்டர் கே, விருதுகளுக்கெல்லாம் அப்பாற்பட்ட ஆன்மா எனத் தெளிகிறார் ... யானைடாக்டர் ... நிறைவுப்பகுதி... ஜெயமோகனின் அறம் தொகுப்பிலிருந்து...🙏🙏🙏

தாய்மொழியின் மேல் கொண்ட அதீதப் பற்றால் எழுத்தையே பிழைப்பிற்கான உபாயமாய் கொள்வதற்கு ஒரு துணிவு வேண்டும்... துணிந்துவிட்டால் , அதிர்ச்சிகளும் அவமானங்களும் அன்றாடங்களாம் அவர்களுக்கு ... மூத்த எழுத்தாளர் ஒருவரின் அனுபவங்களை அவர் வாயிலாகவே எடுத்துரைக்கிறார் ஆசிரியர்... அறம்... ஜெயமோகனின் "அறம்" - உண்மை மனிதர்களின் கதைகள்- தொகுப்பிலிருந்து..