Onn per onn era in'emna nudada grond e grass en las agendas da giuvnas e giuvens musicists. L'emna da fanadur nua ch'il champ da musica da la brass band da giuvenils dal Grischun ha lieu – e quai gia dapi passa 30 onns! Dentant quest onn è tut auter. Entras la situaziun extraordinaria da Covid-19 ha era il champ da musica stuì desister da sia ediziun 2020. Quai per l'emprima giada insumma dapi la fundaziun il 1988!

RTR accumpogna gia dapi numerus onns quella bella e buna purschida da promoziun per musicantas e musicants sut 25 onns. Usitadamain pudevan nus adina emetter il november il concert annual, al qual i vegniva preschentà il resultat da la lavur durant l'emna da champ.

Damai che quai nè betg stà il cas quest onn, nizzegiain nus uss la chaschun e faschain in sguard enavos. In sguard musical cun registraziuns da l'emprim concert enfin oz.