Tschients e tschients chanzuns rumantschas datti. Ma tgenina plascha il meglier? Tgenina fa battacor? Quellas dumondas empruvain nus da respunder en l'emissiun «Noss Chors». Ils 16 e 17 da mars è il Festival da la chanzun rumantscha a Trun. En vista a quest festival vulain nus discurrer davart las chanzuns rumantschas las pli popularas. En il studio èn la chantadura Silvia Demarmels ed il chantadur Gaudenz Coray che discurran da lur chanzuns preferidas. E tgenina e vossa chanzun favurita? Era audituras ed auditurs pon sa participar live a quella discussiun ensemen cun la moderatura Marionna Lombriser.