La fevra è puspè qua, la chatscha è partida en la segunda runda. Plaunet sa radunan las chatschadras ed ils chatschaders puspè en tegia e giaudan anc ina bella saira da chatscha. Ed oz è tut anc ina giada in zic auter: sin las undas rumantschas resuna bella musica instrumentala da chatscha.

La chatscha ha adina fascinà, cunzunt ils onns da retgs e prinzis. Da quest temp èn era naschidas grondas ovras deditgadas a la chatscha, sco per exempel la «Sankt Hubertus Ouverture» da Julius Fucik, l'opera «Der Freischütz» da Carl Maria von Weber u «Auf der Jagd» da Johann Strauss. Talas ovras pudais Vus tadlar oz, accumpagnà d'anc bleras autras bellas melodias.