Ina revista sin l'ultima festa dal 2015 ad Aarau La festa federala da musica populara è mintga quatter onns, e quest eveniment grond ed impurtant è adina en in'autra regiun da la Svizra. Quest onn vegn ella organisada a Crans Montana, avant quatter onns è ella stada ad Aarau. En la «Populara» dad oz dain nus in sguard anavos e tadlain furmaziuns ch'en sa partecipadas. Dal Grischun per exempel las chapellas «Alpafründa», «Arflina», «Bergüner Ländlerfründa», e «grauBÜNDIG». Vus udis er furmaziuns d'auters chantuns, sco la chapella «Suhrer Ländlerfründa» la «Oberbaselbieter Ländlerkapelle» ed ils «Swiss Ländler Gamblers».