Rituals da cumià han lur ragischs profundas en nossa cultura. Quant ferm ch'els san gidar tar il dir a dieu, realisar la mort ed ir enturn cun il led as bada savens pir cur ch'ins è pertutgà sezza. Quests rituals tradiziunals èn dentant per svanir.

Da diesch sepulturas vegnan fatgas nov cun urna è mo anc ina cun bara. La fin da la vita vegn pli e pli privata. In process, che occupa er a la schurnalista Petra Rothmund. Per ils «Cuntrasts» da RTR è ella sa decidida da prender en maun la camera, documentar ils usits, ch'i dat anc ed observar tge che quels na san betg be effectuar per la singula u il singul, ma er per la cuminanza.

En la Marella dad Isabelle Jaeger raquinta l'autura da ses inscunters e sias experientschas per realisar il film «Cumià e cuminanza».