Il Tavulin litterar sin viadi en il mund da la lirica.Al Tavulin litterar sa scuntran questa giada Clà Riatsch, professer da litteratura rumantscha a l'universitad da Turitg, e Claudia Knapp, dunna da cultura e cuntadina d'ulivas. En il center da l'emissiun stattan novas publicaziuns ch'ans portan en il mund da la poesia.«sablun» da l'autur engiadinais Dumenic Andry cuntegna poesias che na tschertgan betg gronds pleds, ma che prendan piculezzas e banalitads dal mintgadi e reflecteschan uschia dumondas existenzialas.En ses project da las «Poesias dals prüms pleds» parta la scriventa tudestga Angelika Overath da suns e senns dal vallader, ch'ella è vidlonder dad emprender. Sa tracta quai propi da poesias u èn quai plitost gieus da lingua?