In eveniment sin 1800 meters cun blera musica

In dals inscunters impurtants da la musica populara è la «Stubete am See» che è mintg'onn la fin d'avust a Turitg. Da quest eveniment datti er ina varianta muntagnarda: dals 21 fin als 23 doctober è er a Segl en Engiadina ina Stubete am See, cun blera musica populara, da sauts tradiziunals ed innovativs fin tar tuns enconuschents e surprendents. Las furmaziuns vegnan da tut la Svizra e preschentan lur musica cun gronda variaziun e cun blers instruments, dal orgelet al cello, da la tiba al arpet e da la ghitarra al cuntrabass.

Il program da quests trais dis cuntegn 26 concerts sin palcs en hotels, en la baselgia averta ed en la chasa da scola Champsegl.

Las chapellas e furmaziuns:

Sin ils differents palcs datti musica dals Engadiner Ländlerfründa, dals fragliuns Küng dal chantun Appenzell, Ambäck, Schäbyschigg, la chapella Bodaguat, e da Balthasar Streiff cun tibas e corns. Ina premiera preschentan ils Fränzlis da Tschlin cun lur ovra «Der Schatz im Silsersee». Ed a Luzi Bergamin (1901-1988), in dals musicants e cumponists impurtants da la musica populara grischuna, vegn regorda cun il project «Luzi-Musig».