Sauts tradiziunals cun la violina en la rolla principala

Durant il 19avel e 20avel tschientaner aveva la gìa ina gronda impurtanza en la musica populara svizra. En bleras regiuns devi chapellas, nua che quest instrument procurava per bellas melodias, sco tar ils Fränzlis legendars e la Husistein-Musik en il chantun Lucerna.

Mez dal 20avel tschientaner sa mida quai: la clarinetta, accordeon ed orgelet survegnan dapli impurtanza, la violina adina damain. Be en la musica da l'Appenzell tegna la violina ina plazza prominenta, sco tar l'Appenzeller Echo u la chapella Alderbuebe.

I dat però ina renaschientscha ed ils ultims onns è la violina puspè d'udir pli savens. Nus preschentain sauts da furmaziuns sco ils Fränzlis da Tschlin, la Husistein Musik, la Hanneli Musik, ils Oberwalliser Spillit, la Berner Oberländer Volkstanzmusik, il quartet Laseyer e la chapella Barba Peder.