El garegia ella. Ella sa lascha surmanar. Ella vegn en speranza e pretenda ch'el maridia ella. El na vul betg, ed uschia mazza el ella. El vegn sentenzià a la mort, quai sco ultima persuna en il Grischun. Uschia sa laschass il cas da Giachen Condrau Spescha, l'assassin da Maria Catrina Derungs, resumar. La Marella sa fatschenta cun quest cas criminal succedì a Trun l'onn 1847, in cas che fiss bunamain ì en emblidanza. Nus ans approfundain en las actas, quai per l'ina cun l'agid da l'istoricher Martìn Camenisch ch'illustrescha la situaziun etica e politica enturn la paina da mort, e per l'autra cun l'autur Rico Tambornino che ha publitgà la stad passada in roman che sa basa sin il cas da l'assassin Giachen Condrau Spescha. Ina «Marella» realisada l'avust 2018.