Era sch'ils dis vegnan pli curts e las temperaturas sa sbassan è quai il temp per ir giuador e far spassegiadas. Il meglier anc cun in u l'auter chor da l'emissiun dad oz en l'ureglia.

Meteorologicamain ha l'atun gia cumenzà l'emprim da settember. Il chalender di dentant pir dapi curt temp ch'igl saja atun. Mo sch'ins fa ina spassegiada sentan ins spert sez ch'igl atun ha cumenzà. Insaquantas plantas han gia la feglia che mida plaunet la colur. Ils dis vegnan pli curts ed ins senta ch'igl è vegnì pli fraid. Ed era tar «Noss Chors» è l'atun arrivà. Els chantan en l'emissiun dad oz chanzuns d'atun, da l'ultima racolta è da las randulinas.