Tschintg istorgias datti d'udir en questa Marella – quatter da questas èn istorgias d'amur persunalas da dunnas ch'èn vegnidas en Tujetsch per la lavur. Melanie Deragisch, Anne Verner Cathomas, Ottilia Monn e Madeleine Konrad. Ellas èn tuttas vegnidas en Tujetsch per lavurar en il turissem. Star na levan ellas atgnamain betg ditg. Ma la finala ha l'amur midà lur plans ed ellas han tuttas chattà ina nova patria. Da l'amur, dal laschar encrescher, dal linguatg e da pregiudizis raquintan lur istorgias ch'èn liadas fitg stretg cun il turissem en Tujetsch. E la tschintgavla istorgia – quella raquinta Tarcisi Hendry. Igl è l'istorgia d'in turissem che ha cumenzà avant passa 100 onns.