En questa «Marella» survegnis Vus in’invista en la lavur d’ina giuvna magistra – e quai cun tut las sfidas e tut ils plaschairs che tutgan tar questa professiun.

I va per ils egls dals uffants che traglischan, cura ch’els han chapì insatge fin a las uras stentusas cun la lavur administrativa. Anna Cathomen, la giuvna magistra primara che mussa ses mintgadi, raquinta era da l’integraziun e da sia atgna scolaziun. La fin finala resta la dumonda: è esser magistra ina lavur da siemi u il cuntrari?