Wat is die rol van lewensafrigting, en hoe kan dit tot voordeel wees vir mense met gestremdhede? Watter hulp en bystand is daar beskikbaar vir die versorgers van persone wat leef met Alzheimers?

Wat is die rol van lewensafrigting, en hoe kan dit tot voordeel wees vir mense met gestremdhede? Ons fokus op die versorging van persone wat leef met Alzheimers se siekte.

Wat is die langtermyn-impak van ‘n gestremdheid? Ons kyk na die verhouding tussen jou emosies en pyn. Dr. Magteld Smith het op vier doof geword. Sy het moeilike laerskooljare gehad, maar het uitgestyg en twee interdissiplinêre meestersgrade en twee doktorsgrade. Sy is nasionaal en internasionaal bekroon vir haar baanbrekers werk in die bemagtiging vir mense met gestremdhede.

James Boucher, ‘n Graad 12-leerder van die Jan Kriel Skool, is meervoudig gestremd. Hy gesels oor sy uitdagings en drome, en leer ons ‘n paar lesse van ‘n jong seun wat leef met ‘n gestemdheid. Dis Vrouemaand, en ons klim in die wêreld van ‘n baie selfstandige vrou wat doofblind is. Sy bak en brou en speel sport en skaak.

Ouers, wie se kinders met spesiale behoeftes by Oakley House Skool onderrig ontvang, vertel hoe hierdie skool gesonde interaksie tussen die personeel en ouers bewerkstellig. Ons hoor van vrou wat ‘n groot inspirasie vir atlete met gestremdhede is. Op 12 jarige ouderdom in 1982 het sy Suid-Afrika internasionaal verteenwoordig, en medaljes ingepalm. Sy was die wêreldrekordhouer in een van haar items. Ons onthou hierdie besondere vrou wat onlangs oorlede is.

Ons fokus op die uitdagings wat skole ervaar in hulle taak om kinders met gestremdhede te onderrig. Die personeel van die Oakley House Primêr vertel hoe die skool verseker dat elke kind steeds tot volle potensiaal kan ontwikkel. Dis Vrouemaand ons hoor van Cindy Engelbrecht, ‘n kranige atleet, wat Suid Afrika se vlag hoog laat wapper op internasionale vlak, en steeds nederig help om ander jong kinders met Downsindroom af te rig in sport.

Ons fokus op retinale pigmentosa. Tania Joubert is op 12-jarige ouderdom hiermee gediagnoseer. Sy het as volwassende besluit om weer sig en kleur in haar lewe van donkerheid terug te bring. Ons kyk ook na berading vir en ontlonting van trauma van persone met blindheid. Daar word gewerk om die redes vir die trauma vas te stel, wat soms gedurende kleutertyd ervaar is, en watter metodes aanbeveel word om dit te hanteer.

Wat is die verskil tussen harde en sagte kontaklense, en wat is die moontlike gevolge as jy met kontaklense sou slaap? Wat is die ideale ouderdom om kontaklense te oorweeg? ’n Oogkundige beantwoord luisteraarsvrae oor die gebruik van kontaklense. ‘n Passievolle blinde sportman vertel van sy rolballoopbaan. Hy is al op nasionale vlak bekroon vir sy spel, en het al goud verwerf vir Suid-Afrika by die Statebondspele.

HearUs is ‘n organisasie vir persone met gehoorverlies wat koglieëre implantings moet ondergaan, en finansiële bystand benodig. Wat is die proses van koglieëre inplanting, en watter voordele hou dit in? Richard Barry praat verder oor meervoudige sklerose. Wat was en is sy uitdagings? Hoe bly hy positief, dankbaar en ‘n inspirasie vir ander?

Nita Pienaar vertel van die impak wat Downsindroom op hulle gesin het. Johann Rossouw vertel van sy verbintenis met gestremdhede. Nita en Johan lig ons in oor die dienste en ondersteuning wat hulle van die Uitkoms Versorgingsentrum vir Volwassenes met ‘n Intellektuele Gestremdheid in Montana Park in Pretoria ontvang. Richard Barry is in 2008 met Meervoudige Sklerose gediagnoseer. Hy neem ons op sy pad van bykans 20 jaar na die begin dae van onsekerheid en die heel eerste gewaarwording dat iets nie reg is nie, en sy hantering van sy toestand. Hy gee ook waardevolle en praktiese idees oor hoe hy dit benader.