Fragmento de lectura da novela de literatura xuvenil “A cabeza de Medusa”, da escritora, tradutora, profesora de Didáctica das Ciencias na USC e académica de número na Real Academia Galega, Marilar Aleixandre (Madrid, 1947). A obra, publicada en Xerais, foi recoñecida cos seguintes galardóns: Premio Fundación Caixa Galicia de Literatura Xuvenil 2008, Premio The White Ravens 2009 e Premio Frei Martín Sarmiento 2010 (categorías 3º ESO a Bacharelato).

Fragmento de lectura da obra de corte histórico “Seique” da escritora Susana Sánchez Arins (Vilagarcía, 1974). Este libro, publicado orixinalmente no ano 2015 en Através Editora, foi galardonado co Premio de Narrativa na V Gala do Libro Galego (2020) na súa 2ª edición (revisada e ampliada).

Fragmento de lectura dun clásico da literatura fantástica como é “La historia interminable”, do escritor alemán Michael Ende (Garmisch-Partenkirchen, 1929 - Filderstadt, 1995). Traducida a máis de 36 idiomas, esta novela que narra a historia de Bastian -un rapaz que recentemente perdeu á súa nai e sofre de acoso escolar- está entre as mellores obras infantís e xuvenís da historia.

Fragmento de lectura da novela de literatura infantil “Vampira de biblioteca” da recoñecida autora galega Ledicia Costas (Vigo, 1979). A historia de Eleonora, unha peculiar vampira que se dedica a papar os insectos que queren roer as páxinas dos libros da biblioteca onde vive. Publicada en Xerais no ano 2020.

Fragmento de lectura do libro “Manual de remedios literarios: cómo curarnos con libros” das autoras inglesas Ella Berthoud e Susan Elderkin, publicado na editorial Siruela no ano 2017. Un orixinal tratado de biblioterapia que condensa todo o poder de curación da palabra escrita e no que é posible atopar remedio en forma de novela para todo tipo de males.

Fragmento de lectura do libro de relatos "Os libros prestados" de Xabier López López (Bergondo, 1974), publicada na editorial Galaxia no ano 2010. Unha obra composta de catro relatos de xénero e temática completamente diferente, pero que teñen algo en común: en palabras do propio autor, os protagonistas de todos os relatos non son os libros senón os lectores, isto é, o importante é contar o que agochan as vidas dos que len.

Fragmento de lectura da novela “El aroma de los libros” da escritora, actriz e redactora de contidos italiana Desy Icardi. A historia, publicada en español na editorial Alianza de Novelas no mes de marzo de 2020, é unha obra sobre o amor pola lectura na que Icardi rende homenaxe aos libros e ao alquimista Edward Kelley, bautizando co seu nome a un dos personaxes principais.

Fragmento de lectura do relato de corte social e político “Mendel el de los libros” do recoñecido escritor Stefan Zweig (Viena, 1881 - Petrópolis, Brasil, 1942). O conto, publicado orixinalmente no ano 1929, narra a tráxica historia dun excéntrico libreiro que en 1915 é enviado a un campo de concentración acusado inxustamente de colaborar cos inimigos do Imperio Austrohúngaro.

Fragmento de lectura da novela “Memorias dun neno labrego” dun dos autores clásicos da nosa literatura: Xosé Neira Vilas (Vila de Cruces, Pontevedra, 1928 – Ibídem, 2015). Esta obra de corte social e histórico, publicada orixinalmente na editorial Follas novas no ano 1961, é a novela máis traducida e máis vendida da literatura galega.

Fragmento de lectura da obra “La sombra sobre Innsmouth” dun dos mestres indiscutibles da literatura de terror de tódolos tempos, Howard Philips Lovecraft (Providence, 1890 – Ibídem, 1937). Este relato está incluído no libro “La sombra sobre Innsmouth y otros cuentos”, ilustrado por Alberto Vázquez e publicado en Astiberri no ano 2010.