Plaunet èsi temp per vacanzas e perquai per l'ina u l'auter era temp da viadi. «Noss Chors» dechantan en quest'emissiun tranter auter las valladas e lieus dal Grischun cun lur abitants.

Oz van «Noss Chors» sin in viadi atras l'entir Grischun e sur ils cunfins ora. Els sa ferman en differents lieus. Saja quai cun far ina curta visita en Val Lumnezia e contemplar las scleridas dal sulegl, sa fermar en il «pign Sevgein» en Surselva, far in paus e baiver in punsch chaud en in «vitget spel Rein» ubain cuntinuar il viadi en l'Engiadina e giudair la survista sin il «Piz Uter».