Ina dumengia cun blera musica populara en ina cuntrada grondiusa.

Ina emprima part da las registraziuns avain nus gia preschentà en l'Artg musical. En l'emissiun da musica populara dad oz tadlain nus las chapellas Alp Stätz e ed il duo d'accordeons Just/Meierhans che han er sunà il principi d'avust tar l'inscunter da chapellas a Furgglis sur Tschiertschen. Durant l'entira dumengia hai dà musica populara da set furmaziuns, en ina cuntrada cun vista magnifica ed atmosfera patgifica. RTR è stà da la partida e nus avain registrà tut las furmaziuns che èn stadas sin il palc e preschentain quellas en nossas emissiuns da musica.