Cun chapellas dal Grischun e dals chantuns Berna, Turitg, Sviz ed Appenzell.

Mintg'onn il principi da schaner è in dals eveniments ils pli impurtants per amias ed amis da la musica populara: l'inscunter da chapellas a Landquart, cun var 1'000 aspectaturas ed aspectaturs. Quai è ina saira cun 3 uras musica per tut ils gusts – e suenter las represchentaziuns datti anc l'occasiun da ballar. Quest onn è vegnì organisà quest inscunter per la 57avla giada, e da la partida èn stadas furmaziuns da renum dal Grischun e da tut la Svizra. Oz udis la segunda part cun las chapellas «Engadiner Ländlerfründa», «Oberalp», «Ländlerkapelle Walter Grimm», la «Lenglerkapellä», las «Alpstää Nixe», il «Jodelduett Seraina e Ladina Hug» e la fuormaziun da la suprastanza da l'Uniun da musica populara dal Grischun.