Kashmir er ein stat splitta i to av India og Pakistan. Sidan 1990 har eit brutalt militæregime traumatisert den i hovudsak muslimske befolkninga som bur på indisk side, og titusenar har blitt drepne, torturerte, valdtekne eller forsvunne. I august 2019 mista Kashmir siste rest av demokrati og fritt styresett, og sidan har all kommunikasjon og ferdsel vore kontrollert av det indiske militæret.

Forfattaren Nitasha Kaul er frå Kashmir, og vil lese frå eigne tekstar og diskutere situasjonen i heimregionen med Salil Tripathi, journalist, forfattar og leiar for PEN International Writers in Prison Committee.

Arrangementet vil vere på engelsk. Halvvegs i programmet blir det ein pause på 15 min.

I samarbeid med Norsk PEN og Raftostiftelsen.

På Bergen internasjonale litteraturfestival for sakprosa og skjønnlitteratur (LitFestBergen) gir vi deg internasjonal og norsk litteratur på sitt aller beste. Her oppdagar du ny sakprosa og skjønnlitteratur frå alle verdsdelar.