I den nyaste romanen til franske Marie Darrieussecq, La mer à l’envers, reiser den kvinnelege protagonisten, ein psykolog i 40-åra, på cruise i Middelhavet. Ei natt plukkar skipet opp ein båt med flyktningar, og ho blir kjent med den unge nigerianaren Younes. Korleis kan ein vite om ein gjer det rette for seg sjølv og for andre?

Forfattarskapen til Darrieussecq er mellom dei mest lesne i hennar generasjon. Sidan debuten i 1996 har ho skrive ei rekkje bøker i ulike sjangrar, frå det språkleg utforskande, via kunstnarromanar og bøker om kloning til essay om morskap. Ho møter kritikar og omsetjar Margunn Vikingstad til samtale om forfattarskapen.

Med støtte frå Institut francais de Norvège.

På Bergen internasjonale litteraturfestival for sakprosa og skjønnlitteratur (LitFestBergen) gir vi deg internasjonal og norsk litteratur på sitt aller beste. Her oppdagar du ny sakprosa og skjønnlitteratur frå alle verdsdelar.