लक्ष असतं माझं विथ प्रसन्न जोशी (Laksha asta majha with Prasanna Joshi)

परवा पुण्यात झालेल्या सामूहिक बलात्कार प्रकरणाने आपण सारे हादरलो आहोत. ही घटना पहिली नाही आणि दुर्दैवाने शेवटची असण्याचीही शक्यता नाही. मात्र, हे वाढते बलात्कार कशाचं द्योतक आहेत? अशाने मुली-महिलांनाच स्वातंत्र्याची किंमत द्यावी लागते त्याचं काय? यावरच आहे आजचा #लक्षअसतंमाझं

सध्या देशात 'नॅशनल मोनेटाइजेशन पाईपलाईन'ची चर्चा आहे. भाजपेतर पक्षांनी हे म्हणजे 'देश भाड्याने देण्याची दुर्बुद्धी' म्हटलंय, तर भाजप सरकारने यातून सरकारला लोकोपयोगी प्रकल्पांसाठी पैसा उभा राहील, असा दावा केलाय. कोणती बाजू आहे खरी? यावरच आहे आजचा #लक्षअसतंमाझं

भाजप नेत्या पंकजा मुंडे या आपल्या मुलाला उच्च शिक्षणासाठी अमेरिकेत सोडायला गेल्या. त्याबद्दलची पोस्टही त्यांनी शेअर केली. मात्र, त्यावर ट्रोलिंगच जास्त झालं. अर्थात, त्यातील काही मुद्दे नक्कीच विचारात पाडणारे आणि राजकारण्यांचे डोळे उघडणारे आहेत. यावरच आहे आजचा #लक्षअसतंमाझं

गॅस, डिझेल, पेट्रोल अश्या GDPच्या दरवाढीवरून काँग्रेसचे राहुल गांधी यांनी भाजपवर टीका केली. त्यावरून, जोरदार राजकीय आरोप-प्रत्यारोपही झाले. मात्र, राजकारणापलीकडे जाऊन पाहता महागाई हे आजचं वास्तव आहे की नाही? यावरच आहे आजचा #लक्षअसतंमाझं

हिंदुत्व हेच राष्ट्रीयत्व मानायचं असेल, तर त्याची दोन उदाहरणे म्हणजे अभिनेत्री स्वरा भास्कर आणि ऑलिंपिकपटू नीरज चोप्रा. स्वरा तिच्या गृह पुजेमुळे हिंदुत्ववाद्यांच्या टिकेचं लक्ष्य ठरली, तर नीरजने पाकिस्तानी भालाफेकपटूबद्दलच्या काँट्रॅव्हर्सिवर स्पष्टीकरण दिलंय. काय आहेत हे विषय? कोण आहेत जे इतरांची धर्म-राष्ट्र निष्ठा ठरवतात? यावरच आहे आजचा #लक्षअसतंमाझं

नवऱ्याकडून पत्नीसोबत बळजबरीने जरी संभोग झाला, तरी तो बलात्कार ठरत नाही, असा निवडा छत्तीसगड उच्च न्यायालयाने दिलाय. न्यायालय कायद्यांना बांधील आहे, हे मान्यच. मात्र, समाज आणि देश म्हणून आपण हे मान्य करायचं का? यावरच आहे आजचा #लक्षअसतंमाझं

आज दिवसभर राणे प्रकरणावरून जे झालंय, त्यामुळे सेना आक्रमक झालेली दिसली, भाजपही स्वस्थ बसणार नाही, हे फडणवीस सूचित करतायत. दोन्ही पक्षांच्या वरिष्ठ नेत्यांना कोंबडा वगैरे म्हटलं जातंय. मात्र, या सर्व घडामोडीमागे आहे खोल राजकारण. यावरच आहे आजचा #लक्षअसतंमाझं

अफगाणिस्तानवर तालिबानने नियंत्रण मिळवलं आहे. भारताने यापूर्वीही आणि आताही तालिबानसोबत संबंध न ठेवण्याची भूमिका घेतलीये. मात्र, भारताच्या, द. आशियाच्या हितासाठी हे योग्य होईल का? भावनेच्या भरात आपण व्यवहाराकडे दुर्लक्ष करतोय का?
यावरच आहे आजचा #लक्षअसतंमाझं

मनसे अध्यक्ष राज ठाकरे यांनी आज पुण्यातल्या पत्रकार परिषदेत राष्ट्रवादी काँग्रेसच्या स्थापनेनंतर राज्यात जातीपातीचे राजकारण सुरू झाल्याचं पुन्हा म्हटलं. मात्र, त्यांच्या न्यायाने देशात हिंदू-मुस्लिम द्वेषाचं राजकारण कुणी सुरू केलं? हाही प्रश्न विचारावा लागेल. यावरच आहे आजचा #लक्षअसतंमाझं

फेसबुक, गुगलच्या लोकांनी काम सुरू केलंय. मोठमोठ्या देशांनी यावर लक्ष द्यायला सुरुवात केलीये. वर्क फ्रॉम होम ज्यांना क्रांती वाटत होती, त्यांनाही अचंबा वाटेल असा हा प्रकार आहे. तुमचं व्यक्तिमत्वच इंटरनेटवर अपलोड करून जगण्याचा अवतार आहे...मेटाव्हर्स. यावरच आहे आजचा लक्षअसतंमाझं