በኢትዮጵያ የአስቸኳይ ጊዜ አዋጅ ከተደነገገ ሁለት ወር ሊደፍን ነው፡፡ ስድስት ወር እንደሚቆይ የተደነገገው አዋጅ በቶሎ እንዲነሳ ከተለያዩ ወገኖች ግፊት እንደቀጠለ ነው፡፡ አዋጁን ተላልፈዋል በሚል በየቦታው ታስረው የሚገኙ ተርጣሪዎች በበኩላቸው አላግባብ ለእስር መዳረጋቸውን እና የወደፊት ዕጣ ፈንታቸውን በግልጽ መረዳት እንደተሳናቸው ይናገራሉ፡፡

ኢትዮጵያን ለአምስት ዓመታት በጠቅላይ ሚኒስትርነት ያገለገሉት አቶ ኃይለማርያም ደሳለኝ ፈተና የተሞላበት የስልጣን ዘመን አሳልፈዋል፡፡ አቶ መለስ ዜናዊ በድንገት በሞት ሲለዩ የተፈጠረውን ክፍተት የመሙላት፣ ሀገሪቱን የማረጋጋት እንዲሁም በእርሳቸው የስልጣን ዘመን ለፈነዳው ህዝባዊ ተቃውሞ መፍትሔ ማበጀት ይጠበቅባቸው ነበር፡፡

የካቲት 1929 አዲስ አበባ የግራዚያኒን ጭፍጨፋ አስተናግዳለች።የካቲት 1966 የረጅም ጊዜዉ ጠቅላይ ሚንስትር አክሊሉ ሐብተወልድ ሥልጣን በመልቀቃቸዉ ጨፍራለች።ሕዝባዊ ተቃዉሞ የዘመናት ያገዛዝ ሥርዓታቸዉን ያንገጫገጨባቸዉ አፄ ኃይለ ሥላሴ በአክሊሉ ምትክ እንዳልካቸዉ መኮንን ሲሾሙ አዲስ አበባ «ጉልቻ ቢቀያየር----» እያለች ጮኻለች---

የግብጽ ፕሬዘዳንት አብዱል ፈታህ ኤል ሲሲ ባለፈው ሰኞ የኤርትራ ፕሬዘዳንት ኢሳያስ አፈወርቂን በካይሮ አስተናገዱ። የኢትዮጵያዊው ጠቅላይ ሚኒስትር ኃይለማሪያም ደሳለኝ ደግሞ ይፋዊ ጉብኝት ለማድረግ የፊታችን ረቡዕ ወደ ግብጽ ያመራሉ። በሶስት ቀናት ቆይታቸውም በሀገሪቱ ፓርላማ ንግግር እንደሚያደርጉ ተዘግቧል።

ሳዑዲ አረቢያ ከትላንት በስቲያ ምሽት ልዑላንን፣ በስራ ላይ ያሉ እና የቀድሞ ሚኒስትሮችን፣ ከፍተኛ ባለስልጣናት እና ባለወረቶችን በድንገት አስራለች፡፡ ከታሰሩት ውስጥ በኢትዮጵያ በርካታ የንግድ ተቋማትን የሚያንቀሳቀሱት ሼህ መሐመድ ሁሴን አላሙዲ እንደሚገኙበት ተነግሯል፡፡

2009 ዓ.ም በተለያዩ ቦታዎች ተቃውሞዎች የቀጠሉበት፣ በተወሰኑ ቦታዎች ግጭቶች የነበሩበት፣ ብዙዎች ከታቃውሞ ጋር በተያያዘ የታሰሩበት በስተመጨረሻ ደግሞ መንግስት በከፈተው የጸረ-ሙስና ዘመቻ የተወሰኑ ባለስልጣናት በቁጥጥር ስር የዋሉበት ነበር፡፡

የቱርክ መፈንቅለ-መንግስት በከሸፈ ማግስት የራቺብ ጣይብ ኤርዶኻን መንግስት በሺዎች የሚቆጠሩ ወታደሮችን በቁጥጥር ሥር ማዋሉን አስታውቋል። የእስር እርምጃው ዛሬም ቀጥሎ 103 የጦሩ አመራሮች ታስረዋል። ጠቅላይ ሚኒስትር ቤናሊ ይልድሪም 'ጉድፍ' ካሉት መፈንቅለ-መንግስት በኋላ ከሶስት ሚሊዮን በላይ ቱርካውያን የግዳጅ እረፍት ተሰጥቷቸዋል።