Hirata da Fadji Maina asalin 'yar Nijar kuma masaniyar kimiyyar ruwa da doron kasa da ke aiki a hukumar sama-jannatin Amurka ta NASA. Tana daya daga cikin wacce mujallar tereren arziki ta Forbes ta wallafa sunanta a cikin matasa na duniya guda 30 ‘yan kasa da shekara 30 da suka sami nasara a rayuwa.

A shekarar 1984 a Najeriya an sami wani saurayi dan jihar Kano da ya fi kowane dalibi a Najeriya cin makin jarrabawar gama sakandaren kasashen Afirka ta WAEC a takaice. Yanzu haka dai wannan dalibin mai suna Farfesa Sarki Abba Abdulkadir farfesa ne a bangaren haddasuwar cututtuka a Jami'ar Northwestern University da ke Chicago a Amurka.

Munira Sulaiman Tanimu na daya daga cikin zaratan matasan mata a Arewacin Najeriya wadda ta ciri tuta a bangaren tallafawa ilimin ‘ya’ya mata ‘yan talla ta hanyar jefar da Tire a rungumi Littafi.

Adamu Hamza Bamalli ya sha gwagwarmaya a Najeriya da Amurka kama daga zama direban babbar mota zuwa rikidewa ya zama kwararren Injiniya a jihar Maryland ta Amurka.

Imrana matashi ne danye shataf daga jihar Yobe, wanda har yanzu bai shekara talatin da haihuwa ba, sannan ba dan masu kudi ko mulki ba ne, amma ya sami nasararorin rayuwar da har Sarauniyar Ingila sai da ta karrama shi saboda wasu dalilan da matashin ya bayyana a wannan tattaunawa da mu ka yi dashi game da tarihin rayuwarsa.

Halima Djimrao tsohuwar ma’aikaciyar sashen Hausa na Muryar Amurka, ta yi doguwar hira game da rayuwarta tun daga haihuwa har zuwa girmanta da karatunta na addini dana zamani, da ma yadda aka yi ta sami aiki a Muryar Amurka da ke birnin Washington DC da kuma dalilin yin ritayarta a lokacin da duniyar aikin radiyo ke yayinta.

Abubakar Malami (SAN) ya fada mana tarihin rayuwarsa tun daga kuriciya har zuwa girmansa da kuma gwagwarmayarsa ta zama Lauya da kuma mai shari’a a matsayinsa na dan gado, da ma yadda ya sake rikide zuwa Lauya mai zaman kansa har ya sami lambar girma ta Senior Advocate of Nigeria a turance.

Na ziyarci Dr. Sabo Tanimu a jihar Wisconsin ta Amurka. Yana daya daga cikin kwararrun likitocin kayan cikin bil'adama a kasar inda yake shugabantar bangaren cutar dajin da ta shafi kayan ciki. Dan asalin Najeriya ne daga jihar Benue a tsakiyar Arewacin Najeriya. Shin yaya aka yi Likita Sabo ya fara daga Najeriya har ya tsinci kansa a Amurka inda ya shafe shekaru da dama yana aikin Likita a can.

Na yi hira da Ali Nuhu Mohammed jarumin fina-finan Hausa da Turanci na Najeriya a lokacin da ya ziyarci birnin Washington DC da ke Amurka,, in da na tambaye shi darussan da ya koya a cikin shekaru 20 da ya kwashe yana harkar shirya finafinai.

Haruna Salisu wanda aka fi sani da Chizo1 Germany, Mawaki ne kuma Dan Wasan Barkwanci, sannan tauraro ne a shafukan sada zumunta. A cikin wannan hirar tamu ta farko na shirin Madubin Usman Kabara Podcast, Chizo ya bani labarin yadda ya bar gida da niyyar shiga kasashen Turai ta kafa don neman mafita a rayuwa, da yadda ya tsinci kansa a Jamus har da auren Bajamushiya farar fata.