Atun – la natira sa transfurma en bleras colurs, l'aria vegn fina e clera, i dat ina glisch unica ed ils culms portan magari schizunt ina cuverta alva. Per ils ins il pli bel temp da l'onn, per ils auters il temp per prender cumià da la stad.

S'imaginai in guaud ed ina cuntrada en las pli bellas colurs d'atun en tut las nianzas. Gist uschè vulain nus questa giada preschentar a vus l'instrumentala. Ils tuns e suns descrivan bain ils fenomens da la natira che sa calma ed sa metta plaunet a ruaus.