Mana Telugu Kathalu | మనతెలుగుకథలు.కామ్ | Telugu Short Stories

'Bangaram Lanti Manishi' - New Telugu Story Written By M R V Sathyanarayana Murthy

'బంగారం లాంటి మనిషి' తెలుగు కథ

రచన: M R V సత్యనారాయణ మూర్తి

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

శివపురం లో బంగారం లాంటి మనిషి మా ‘స్వర్ణశ్రీ’ గారు. ఆయన అసలు పేరు అరటికట్ల సోమేశ్వర రావు గారు. ఆయన బంగారం పని చేస్తారు కాబట్టి, ఆయనని అలా పిలుస్తారని మేం చిన్నప్పుడు అనుకున్నాం గానీ, అది ఆయన బిరుదని పెద్దయ్యాక తెలిసింది.

రామచంద్ర రావు పేట లోని ఇంటి దగ్గర నుండి తొమ్మిదింటికి బయల్దేరితే గాంధీ బొమ్మల దగ్గర ఉన్న కొట్టు దగ్గరకు రావడానికి గంట సమయం పట్టేది. అలాగని అది పెద్ద దూరం కాదు. కానీ దారిలో ఆయన్ని పలకరించే మిత్రులు ఎక్కువ. అందువలన అంత సమయం పట్టేది. ఐదు అడుగుల ఎనిమిది అంగుళాల ఎత్తు, విశాలమైన మొహం, ఆ మొహానికి బంగారు రంగు ఫ్రేము ఉన్న, కళ్ళ జోడు, ఆ కళ్ళ జోడు వెనకాల పెద్ద కళ్ళు. ఫాంటు దాని పైన ఫుల్ హాండ్స్ షర్టు తో ఆయన గంభీరంగా నడిచి వస్తుంటే చిత్తూరు నాగయ్య గారే గుర్తుకు వస్తారు.

బీళ్ల అప్పలస్వామి ఇల్లు దాటగానే రేకు పెట్టెలు తయారు చేసే జామి అప్పారావు ని, అతని తమ్ముడు రామా రావు ని ఓసారి పలకరించి గానీ ముందుకు సాగేవారు కాదు ఆయన. ఆ తర్వాత ఆ పక్కనే వడ్రంగి పని చేసే శ్రీరామ మూర్తితో రెండు మాటలు మాట్లాడి వెళ్ళేవారు. ఒకోసారి సబ్బెల్ల పుల్లారెడ్డి కూడా అక్కడే ఉంటె అతన్ని కూడా పలకరించి ముందుకు వెళ్ళేవారు.

“ఏంటి స్వర్ణ శ్రీ గారూ, ఈ మధ్యన ప్రోగ్రాములు ఏమీ లేవా ?” అని పుల్లా రెడ్డి అంటే, గత వారం ఎక్కడికి వెళ్లి వచ్చినదీ చెప్పేవారు స్వర్ణ శ్రీ. కామాక్షీ దేవి గుడి దగ్గరకు రాగానే, ఒకరిద్దరు ఆయన్ని ఆపేవారు. ఎం. ఎల్. ఏ. గారు వస్తే చెప్పమని, తమకున్న ఇబ్బందులు గురించి ఆయనకీ చెప్పే వారు. ఆయన, ఎం. ఎల్. ఏ. గారు వస్తే మీకు తప్పకుండా కబురు చేస్తానని హామీ ఇచ్చి ముందుకు సాగేవారు. ఎం. ఎల్. ఏ. వంక సత్యనారాయణ గారు తణుకు లో ఉంటారు. శివపురం వచ్చినప్పుడు పార్టీ ఆఫీస్ కి వచ్చి కార్యకర్తల్ని, మిత్రుల్ని కలిసి వెళ్తూ ఉంటారు. స్వర్ణశ్రీ గారిని ఆయన తప్పకుండా కలుస్తారు. అదీ అసలు సంగతి.

గాంధీ బొమ్మల సెంటర్ దగ్గర ఉన్న జవ్వాది వారి షాపింగ్ కాంప్లెక్స్ లో ఉన్న చిన్న కొట్టులో ఆయన బంగారం పని చేస్తారు. ఆయన కొట్టు పక్కనే బంగారం కొట్లు ఉన్నాయి. షావుకార్లు అందరికీ స్వర్ణశ్రీ అంటే చాలా గౌరవం. తమ దగ్గరకు వచ్చే ఖాతాదార్లు ఏమైనా బంగారం వస్తువులు చేయించుకోవాలంటే ముందుగా స్వర్ణశ్రీ గారి దగ్గరికే పంపుతారు షావుకార్లు. దానికి తగిన విధంగానే ఖాతాదార్లకు కావాల్సిన బంగారం వస్తువులను తయారు చేసి సరైన సమయానికి వారికి అందించే వారు.

కొట్టు తలుపు తీసి శుభ్రం చేస్తుండగా, పక్కనే ఉన్న బంగారం కొట్టు వీరభద్రం గారు “ఈరోజు అరగంట ఆలస్యం అయ్యింది సారూ” అని నవ్వుతూ పలకరించారు.

‘అవునండి, ఈరోజు మిత్రులతో ఎక్కువసేపు మాట్లాడవలసి వచ్చింది’ అని జవాబిచ్చారు స్వర్ణశ్రీ పని చేసుకుంటూనే.

“ఆ.. కొఠాలపర్రు నాగమణి గారి బంగారు గాజులు అయ్యాయా?”అడిగారు వీరభద్రం.

“ఆ. అయిపోయాయండి. ఇవాళ మెరుగు పెట్టిడం తరవాయి. మధ్యాహ్నం కి రెడీ అయిపోతాయి” అన్నారు స్వర్ణశ్రీ.

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Raithu Bidda' - New Telugu Story Written By Pitta Gopi

'రైతు బిడ్డ' తెలుగు కథ

రచన: పిట్ట గోపి

(కథా పఠనం: మల్లవరపు సీతారాం కుమార్)

ఎప్పుడూ లేని విధంగా దేశం అంధకారం లో ఉంది.

ఎంతగా అంటే.. దాదాపుగా అన్ని రంగాలు మూసుకుపోయాయి.

తాగటానికి సమృద్ధిగా నీళ్ళు దొరుకుతున్నా.. వాతావరణం కొద్దో గొప్పో అనుకూలంగా ఉన్నా..

ఎక్కడ చూసినా ఆకలి కేకలు, ఆకలి చావులే..

ఈ విపత్కర పరిస్థితుల్లో ప్రభుత్వాలే కాదు.. నింగికి వెళ్ళి వచ్చేలా అభివృద్ధి సాధించిన మన సాంకేతిక పరిజ్ఞానం, గుండె తీసి గుండెను అమర్చ గలిగే మన మేథాతనము, 5జీ అంటూ పరిచయం అయిన కొత్త నెట్వర్క్ లు కూడా తలవంచాయి.

ఇంత అభివృద్ధి చెందిన మన దేశం ఈ సమస్య ను ఎదుర్కోలేకపోయిందంటే.. ప్రతి ఒక్కరు ఆలోచనలో పడాలి. కారణం తెలుసుకోవాలి.

ఆ కారణం ఎవరంటే..

ఒక రైతు బిడ్డ..

అతనికి మిగిలిన రైతులు తోడవటంతో ఈ పరిస్థితి వచ్చింది.

ఆ రైతు బిడ్డ విశ్వేశ్వర సూరన్న. సూరన్నకు వందేళ్ళు. కాస్త బక్కచిక్కిన వాడైనా.. తన పనులు తాను దర్జాగా చేసుకు తిరగగల శక్తి ఇంకా ఉంది ఆయనలో. దేశం దీనస్థితిలో ఉండటానికి కారణం ఆయనే అంటూ వార్తలు వస్తుండటంతో ఆయన పౌరుషంతో నోరు విప్పాల్సి వచ్చింది.

"ఎవడ్రా ఈ వార్తలు రాసింది.. రైతు బిడ్డలం.. వందేళ్ల నా జీవితంలో పొలంలో మా కష్టాలను ఎవడూ పట్టించుకుని వార్తలు రాయలేదు కానీ.. ఇప్పుడు ఎవరో.. వ్యవసాయం తెలియని వాళ్ళు, రైతు కష్టాలు తెలియని వాళ్ళు, మట్టి అంటే అసహ్యించుకునే వాళ్ళు ఆకలితో చస్తే.. తాటికాయంత అక్షరాలు రాస్తారా ".. అన్నాడు.

"సార్! ప్రజలంతా ఆకలితో చస్తుంటే.. మీరు ఇలా మాట్లాడ్డమూ.. " సంకోచిస్తు అడిగాడు ఒక రిపోర్టర్.

"హే ఆపరా.. ప్రజలంతా కాదు, పొలం ఉన్న ప్రతి ఒక్కరూ, పొలం లేని ప్రతి పేదోడు ఇప్పుడు బాగానే ఉన్నాడు. మిగిలిన చెత్తమంద మాత్రమే ఈ పరిస్థితి అనుభవిస్తున్నారు" అన్నాడు సూరన్న.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/WKm9ekZMxD8

'దోషి ఎవరు' పెద్ద కథ ప్రారంభం

'Doshi Evaru Part 1' New Telugu Story Written By Pudipeddi Ugadi Vasantha

'దోషి ఎవరు పార్ట్ 1' తెలుగు పెద్ద కథ

రచన : పూడిపెద్ది ఉగాది వసంత

(కథా పఠనం: మల్లవరపు సీతారాం కుమార్)

“హాయ్ మాధవీ, ఎలా ఉన్నావే?”

“హాయ్ సుమా, నేను బాగానే ఉన్నాను, కానీ ఏంటి ఇవాళ నేను గుర్తొచ్చాను నీకు? గులాబీ మొక్కకి మందారాలు పూసాయా లేక మల్లె తీగ, జాజులు విరబోసిందా? ఎప్పుడు నేను చేసినా బిజీ అంటూ, ఎవరో తరుముతున్నట్టు ఫోన్ పెట్టేస్తావు? సరే, ఇవన్నీ వదిలెయ్యవే, ఎలా వున్నారు నువ్వు, మీ శ్రీవారు, మీ ముద్దుల లాస్య?”

“అవునే మాధవీ, నిజమే, ఎప్పుడు ఖాళీ దొరకదే. ఓ పక్క ఉద్యోగం, సంసారం, హుష్, సాగరమైనా ఈదొచ్చును కానీ, ఈ సంసారం భారం మోయడం చాల కష్టమే బాబూ. సరే గానీ, సాయంత్రం ఓ అరగంట కి కలవడం అవుతుందా? నీతో చాలా మాట్లాడాలి!” గట్టిగ ఊపిరి తీసింది సుమ, మాధవీ చెప్పే సమాధానం కోసం ఉత్కంఠ గా చూస్తూ.

“ఏంటి రా, ఎనీ ప్రాబ్లెమ్ విత్ సుధాకర్? చెప్పు ఏవైనా తోక జాడిస్తున్నాడా.. నా సంగతి తెల్సుగా, తాట తీస్తా”

పెళ్లయిన ఆడది బాధ పడుతోంది అంటే, ముందు భర్తలని అనుమానించడం పరిపాటయ్యింది..

“అయ్యో! అలాంటిదేమి కాదే బాబు, పాపం సుధాకర్.. నన్ను ప్రాణానికి ప్రాణం గా చూసుకుంటాడే” భర్త మీద ఈగ వాలనివ్వలేదు సుమ.

“ఓకే రా, ఐదింటికల్లా మినర్వా లో కలుద్దాం.. నేను కొంచం త్వరగా వెళ్ళాలి, పాపం అమ్మ, షాలిని ఐదయ్యిందగ్గరనించి, ఎదురు చూస్తూ ఉంటారు..” మాటల్లో తల్లి ప్రేమ వత్తులు పెట్టింది.

********

మాధవీ, సుమ, ఆరవ తరగతి నుండి కలిసి ఒక స్కూల్ లో చదువుకున్నారు. ఇంటర్, డిగ్రీ.. అన్నీ ఒక కాలేజీ లో చదివారు. ఇద్దరూ మంచి స్నేహితులు. పెళ్లిళ్లు కూడా హైదరాబాద్ లో స్థిర పడ్డ వ్యక్తులతోనే జరగడం వల్ల, ఇద్దరి స్నేహానికి, ఎలాంటి అవరోధాలు లేవు.

మాధవీ చాలా చురుకైనది, అన్నిటా చాలా ముందుంటుంది, సుమ కి కొంచం సిగ్గు, మొహమాటం పాళ్ళు ఎక్కువ, పైగా భయస్తురాలు. ప్రతిదానికి, చిగురుటాకులా కంపించిపోతుంది. ఏ చిన్న సమస్య వచ్చినా, భూమ్యాకాశాలు ఏకమైపోయినట్టు గాభరా పడిపోతుంది.

కానీ, ఇద్దరిలో ఉన్నదీ, అద్వితీయమైన ప్రేమ, అభిమానం, పెద్దలంటే గౌరవం, ఉన్నతమైన సంస్కారం. ఇదే వారి స్నేహానికి, మంచి కాంక్రీట్. ఇద్దరు పెద్దలు కుదిర్చిన పెళ్లిళ్లు చేసుకుని, సంసారం నౌకలని, చక్కగా నడుపుకుంటున్నారు.

ఇద్దరూ వారి జీవితాల్లో ముఖ్యమైన సందర్భాల్లోను, వేడుకల్లోనూ కలుసుకుంటూ, అప్పుడప్పుడు ఫోన్ లో మాట్లాడుకుంటూ, ఒకరి కష్ట సుఖాలు ఒకరు పంచుకుంటూ, కుదిరినప్పుడు, కలుసుకుని, కప్పు కాఫీ తో కాసిన్ని కబుర్లు కలపోసుకుంటుంటారు. కార్తీక మాసం లో వనభోజనాలప్పుడు, రెండు కుటుంబాలు కల్సి, పిక్నిక్ లకి వెళ్తుంటారు. వారి స్నేహ పరిమళాలు నేటికీ గుబాళిస్తూనే ఉన్నాయి. ఇది అందరి విషయంలో సాధ్యపడదు. వీరి స్నేహం దేవుడు ఆశీర్వదించాడు.

**********

సాయంత్రం ఐదింటికల్లా మినర్వా గ్రాండ్ చేరుకొని, వారిద్దరూ ఎప్పుడు కూర్చునే, మూల టేబుల్ దగ్గర కూర్చుంది సుమ.

మాధవి రాగానే, వారిద్దరికీ అత్యంత ఇష్టమైన, మసాలా దోస ఆర్డర్ చేసుకుని, దాంతో పాటే, మంచి ఫిల్టర్ కాఫీ కూడా తెప్పించుకున్నారు. వారికీ దోస తింటూ మధ్యలో కాఫీ ని కొద్ది కొద్దిగా సిప్ చేయడం అంటే చాలా ఇష్టం. దోస కాఫీ పూర్తయ్యేవరకు, ఏవో అవి ఇవి పిచ్చాపాటీ మాట్లాడుకున్నారు.

సుమ చెప్పడం ప్రారంభించింది..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/FJQ0zizsDX8

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Vesavi' - New Telugu Story Written By Bhagavathula Bharathi

'వేసవి' తెలుగు కథ

రచన: భాగవతుల భారతి

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

తులసితీర్థం మెుదటి చెంచా పోస్తుండగా

యశ్వంత్ కి నెలరోజులనుండీ, తనకూ తోడబుట్టిన వాళ్ళమధ్య జరిగిన సంభాషణ, నాన్న మీద తను రాసుకున్న తేటగీతి పద్యమూ గుర్తుకువచ్చి, కళ్ళు చెమర్చాయి.

తేటగీతి..

నాన్న ప్రేమము పరిపూర్ణ మెన్నదగునె?

నాన్న! ప్రియమైన కులదేవునాత్మ యతడు

నాన్న దాక్షిణ్యమవధి లేనైనదయ్యె

యెన్నలేనట్టి ఏకైక పున్నెమతడు.

తర్వాత ఒకరితర్వాత ఒకరుగా తులసితీర్థం ఆయన నోట్లోపోస్తూ, సంభాషణనంతా గుర్తుచేసుకుంటూ, కన్నీళ్ళు తుడుచుకుంటున్నారు.

అయిపోయింది. ఓ మానవదేహం, భూమిమీదికి వచ్చిన కారణాన్ని పూర్తి చేసుకుని, పరలోకానికి పయనమైంది.

ఆస్తులు, అంతస్థులూ లేకపోయినా, చదువునూ, సంస్కారాన్నీ, సమానంగా పంచి ఇచ్చిన, తలపండిన ఓపండు, సంసారవృక్షం నుండి రాలిపోతోంది.

కానీ అందరికీ నెలరోజులనుండీ జరిగిన ఫోన్ల కలకలం కలగాపులగంగా, మదిలో మెదులుతోంది.

$$$$$$$$$$$$$

"అయ్యో! ఇప్పుడెలా? అన్నయ్యకి ఫోన్ చేస్తా!"

"వాళ్ళకీ తెలిసే ఉంటుందివిషయం"

కానీ ఇప్పుడు పెద్దోడికి టెంత్ ఎగ్జామ్స్ ఇంకా నాలుగున్నాయి. అవి అవుతేనే గానీ చిన్నోడికి ఐదవ తరగతి పరీక్షలు అవ్వాలి."

"పోన్లే.. ఇంకా చిన్న తరగతులేగా! "

ఈ స్కూల్ లో ఐదువరకే ఉంది. వేరేస్కూల్ లో చేర్చాలంటే ఈ మార్కులలిస్ట్, టి. సి అవసరమేగా! "

"అక్కకి ఫోన్ చేద్దాముండు. హలో! అక్కా.. విషయం తెలిసిందా? నాన్నకి సీరియస్ గా ఉందిట. "

"అవునులేరా! మూడేళ్ళనుండీ, కాన్సర్ తో నానా అవస్థ పడుతున్నారు. ఫోర్థ్ స్టేజ్ అని అప్పుడే చెప్పారుగా డాక్టర్ లు. మన అదృష్టం బాగుంది. ఇన్నాళ్ళూ మన కళ్ళముందే తిరిగారు"

"ఇప్పుడేం చేద్దాం ?"

“చేయటానికేం ఉంది? నాలుగురోజుల్లో వేసవి సెలవులేగా! నువ్వూ, నేనూ, భాస్వంత్ పల్లెటూరి కి వెళ్ళిపోదాం. ఇంతకాలం ట్రీట్మెంట్ పేరుతో డాక్టర్ లతో అందరం ఆయన్ని, చాలా ఇబ్బంది పెట్టేసాం. ఇప్పటికైనా, ఆయనను మన ఊరికిచేర్చి, పిల్లలతో సహా, అక్కడే ఉండి, నాన్న చుట్టూ పిల్లలున్నారనే ప్రశాంతత కల్పించుదాం. వేసవి సెలవుల్లో అందరం ఓచోటకలిసి ఎన్నాళ్ళయిందో! పిల్లల చదువుల పేరుతో, ఎవరిదారి వాళ్ళదయిందిగా "

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/u4GjSHggdao

(కథ చదవడానికి కథ పేరు మీద క్లిక్ చేయండి)

అమ్మ మనసులో ఏముంది ???

అదొక అందమైన కుటుంబం. ప్రేమానురాగాలే తప్ప ఎవరిలోనూ అసూయాద్వేషాలు లేవు. మరి ఆ కుటుంబంలో హఠాత్తుగా అమ్మ ఎందుకు బాధ పడింది? ఆమె మనసులో ఏముంది? చక్కటి కుటుంబ కథా చిత్రం  లాంటి ఈ కథను ప్రముఖ రచయిత మల్లవరపు సీతారాం కుమార్ గారు రచించారు.

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి

Video link

https://youtu.be/UvmkdZc4SzY

'సుధ - ఎపిసోడ్ 5' తెలుగు కథ

రచన: నీరజ హరి ప్రభల

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

సుమకి బిస్కెట్లు, టీ ఇచ్చి తనూ చేతిలోకి తీసుకుని హాల్లోకి వచ్చింది రేవతి. ఆవిడను అనుసరించింది సుమ. ఇద్దరూ సోఫాలో కూర్చుని బిస్కెట్లు తిని, టీ త్రాగుతూ కాసేపు గడిపారు. ఈలోగా రాఘవరావు నిద్ర లేచి హాల్లోకి రాగానే "నిద్ర లేచారా! కూర్చోండి! మీకు బిస్కెట్లు, టీ తెస్తాను" అని లేవబోతున్న రేవతిని ఆపి "మీరు కూర్చోండి ఆంటీ! అంకుల్ కి నేను తీసుకొస్తాను. మీరు కాసేపన్నా విశ్రాంతి తీసుకోండి ఆంటీ!" అంది సుమ.

ఆ మాటలకు నవ్వుతూ "అయ్యో! వద్దు సుమా! నీవు కూర్చో! టీవీ పెడతాను. ఏదన్నా సినిమా చూస్తూ ఉండు. అంకుల్ తో ఏదన్నా మాట్లాడు ! భయం పోతుంది. ఆయన అలా పైకి గంభీరంగా కనబడతారు కానీ చాలా మంచిమనిషి. ఈలోగా నేను టీ, బిస్కెట్లు తెస్తాను. ఇంట్లో పనులు నాకు రోజూ అలవాటేకా! అయినా నేనేం కష్టపడుతున్నాను? ఈ మాత్రం పని కూడా లేకపోతే నాకు బద్దకం వస్తుందమ్మా!" అని లేచి వంటింట్లోకి వెళ్లబోతూ "సుమతో ఏదన్నా మాట్లాడండి. ఆ అమ్మాయికి మొహమాటం, బిడియము ఎక్కువ. " అంది నవ్వుతూ భర్తతో రేవతి.

భార్య మాటలను విన్న రాఘవరావు సుమ వేపు చూస్తూ " ఏమ్మా! సుమా! భయం ఎందుకమ్మా! మాకు దీప, విజయ్ ఎంతో నీవు, మీ అక్క కూడా అంతే!. ఇది మీ ఇల్లే అనుకో! సంతోషంగా ఉండు. " అన్నాడు చిరునవ్వుతో.

ఆ మాటలకు మనసులో కాస్త జంకు తగ్గి "ధాంక్స్ అంకుల్!" అంది సుమ.

ఆ తర్వాత ఇద్దరూ ఏవో సినిమాల గురించి కాసేపు మాట్లాడుకున్నారు. ఇంతలో రేవతి టీ, బిస్కెట్లను తీసుకొచ్చి భర్త చేతికందించి కూర్చుంది. ఆయన అవి తిని టీ త్రాగి కాసేపు బయటకు వెళ్లొస్తానని భార్యకు చెప్పి వెళ్లాడు. రేవతి, సుమలు ఏవో పిచ్చాపాటీ కబుర్లు మాట్లాడుకుంటూ ఉండగా ఇంతలో గలగలలాడుతూ దీప, మాధవి, విజయ్ లు కాలేజీనుంచి వచ్చారు. వస్తూనే సుమ నవ్వుతూ రేవతితో మాట్లాడుతూ ఉండడం చూసి మనసులో చాలా సంతోషించారు వాళ్లు.

"హమ్మయ్య! సుమ చక్కగా నవ్వుతూ ఆంటీతో మాట్లాడుతోంది. చెల్లెలు చేసిన అఘాయిత్యానికి ఈ ఇంటికి రాకముందు తను ఎంత భయపడింది? ఆ పరిస్థితుల్లో హాస్టల్ లో సుమని ఒంటరిగా ఉంచి తను కాలేజీకి వెళ్లడం ఎలా ? తను లేని సమయంలో సుమ ఏమన్నా మరలా అలాంటి పనిచేస్తుందేమోననే భయం మనసులో ఉంది. అలాంటి పరిస్థితుల్లో విజయ్, దీపలు తమను ఈ ఇంటికి తీసుకుని వచ్చారు.

కానీ దేవాలయం వంటి ఈ ఇంటికి వచ్చాక వీళ్ల ఆదరణ, ఆప్యాయతలను చూశాక తన మనసు చాలా తేలికపడింది. విజయ్, దీపలతో పాటు తామిద్దరినీ కూడా ఎంతో ప్రేమాప్యాయతలతో చూస్తున్నారు ఆంటీ. కల్మషం లేని ఆవిడ అంతరంగం ఎంతో గొప్పది. " అని మనసులోనే ఆవిడకు నమస్కరించింది మాధవి.

రేవతి లేచి వాళ్ల ముగ్గురికీ వేడివేడి టీ తీసుకొచ్చి ఇచ్చింది. అందరూ మాట్లాడుకుంటూ ఉండగా మధ్యాహ్నం రజనీ, ఇంకో స్నేహితురాలు తనకి ఫోన్ చేసి పలకరించి సానుభూతిని తెలపడం, తను చిన్నబుచ్చుకుంటే ఆంటీ తనకి ధైర్యం చెప్పడం అంతా పూసగుచ్చినట్టు చెప్పింది సుమ.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/6io7ERQr2LI

'అశ్వ మేధం - ఎపిసోడ్ - 11' తెలుగు ధారావాహిక

రచన : గన్నవరపు నరసింహ మూర్తి

(కథా పఠనం: మల్లవరపు సీతారాం కుమార్)

చైనా ఊహాన్ నగరాన్ని లాక్ డౌన్ చేసి నెలరోజుల్లో నియంత్రణలోకి తేగలిగింది. కానీ యూరప్ దేశాలైన ఇంగ్లాండ్, స్పెయిన్, జర్మనీ, ఫ్రాన్స్, నెదర్లాండ్, ఇటలీ, టర్కీ, అమెరికా వంటి ధనిక దేశల్లో ఈ వ్యాధి బాగా ప్రబలింది. భారత్లో కూడా నెలరోజుల ఆలస్యంగా ప్రవేశించినా వేగంగా వ్యాపించడం మొదలు పెట్టడంతో భారత్ ప్రభుత్వం కూడా లాక్ డౌన్ ప్రకటించింది.

నెలరోజుల్లో సుమారు 80 దేశాలు లాక్ డౌన్ని ప్రకటించాయి. ప్రపందేశాలన్నీ ఒక్కసారిగా మూతబడ్డాయి. సుమారు 400 కోట్ల మంది ప్రజలు ఇళ్ళలోనే ఉండిపోయారు. విమానాలు, రైళ్లు, బస్సులు.. . ఇలా అన్నీ ఆపివేయబడినాయి. మాల్స్, సినిమాహాళ్లు, అన్నీ మూతబడ్డాయి.

ఈ వైరస్ కరోనా జాతికి సంబంధించినది అని ప్రపంచ ఆరోగ్య సంస్థ (డబ్ల్యూ హెచ్ ఓ ) ప్రకటించింది. దీనికి ప్రజలు ఒకరికొకరు తాకకుండా దూరం పాటించడమే మంచిదనీ, దీనికి వేరే మందులేదనీ, దీనికి వాక్సిన్ కనుగొనడానికి కనీసం సంవత్సరం పడుతుందనీ హెచ్చరికలు జారీ చేసింది. దీంతో ప్రజల స్థితిగతులు ఒక్కసారిగా తారుమారు అయ్యాయి .

అసలు ఇటువంటి వైరస్ ల చరిత్రలోకి వెళితే మానవాళిని ఇవి చాలా సార్లు మృత్యు ముఖంలోకి తీసికెళ్లాయని తెలుస్తోంది.

ప్రభుత్వ లాక్ డౌన్ ప్రకటన వచ్చిన రోజున దీప, విహారి, సౌదామిని అందరూ చరణ్ ఇంటికి రావడంతో వారంతా అక్కడే ఉండిపోవడం జరిగింది. ఎక్కడికీ వెళ్ళడానికి లేదు. పోలీసులు, వైద్యాధికారులు ప్రజల సేవలో నిమగ్నమయ్యారు. అయినా రోజురోజుకు కేసులు పెరగసాగాయి. యూరప్, అమెరికాలో పోలీస్తే మనదేశంలో దీని వస్తరణ కొద్దిగా తక్కువగానే ఉంది.

"ఇటువంటి వైరస్ మానవాళి ఎప్పుడైనా బాధపడిందా?" అని విహారి ఒకరోజు చరణ్ ని అడిగాడు. అది పల్లె కాబట్టి ఉదయాన్నే వాళ్ల నలుగురు దూరదూరంగా మాస్కులు వేసుకొని బయటకు వెళ్లేవారు. అయితే అదృష్టవశాత్తు ఆజిల్లాలో ఒక్క వైరస్ కేసుకూడా బయటపడలేదు.

ఇదే మొదటిసారి కాదు; విహారి.. . 1920లో మొదటి ప్రపంచ యుద్ధం తరువాత జర్మనీ సైనికుల వల్ల ఇదే కరోనా వైరస్ మొదటిసారి ప్రపంచాన్ని కుదిపేసింది. ఈ వైరస్ సుమారు 3. 90 కోట్లమందికి సోకింది. అపుడు ప్రపంచజనాభా 150 కోట్లు మాత్రమే. ఒక భారతదేశంలోనే 1. 40 కోట్ల మందికి సోకిందని చరిత్ర చెబుతోంది . అంటే జనాభాలో 40 శాతం మందికి సోకిందన్న మాట;ఆ సమయంలో సబర్మతి ఆశ్రమం లో ఉన్న గాంధీజీకి కూడా ఈవైరస్ సోకి చాలా రోజులపాటు బాధపడినట్లు మొన్న హిందూ పత్రిక ఫోటోతో సహా ప్రకటించింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/P0g9331ISYU

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Anuvanuvuna Jwalinchina O Hrudayana - 12' New Telugu Web Series Written By Pandranki Subramani

'అణువణువున జ్వలించిన ఓ హృదయాన - 12' తెలుగు ధారావాహిక

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

ఈసారామె దీర్ఘంగా ఊపిరి పీల్చుకుని చెప్పనారంభించింది--“ఒక రోజు కాలేజీలోని అన్ని బ్లాకుల వాళ్లమూ ఎక్స్ కర్షన్ కని నల్లమల అడవుల ప్రాంతం వేపు వెళ్ళాం. మా టీము లీడర్-- మా సీనియర్ లెక్చరర్ కలసి రూపొందించిన ప్రణాళిక ప్రకారం-- ఒక అడ్వంచర్ గా తీసుకుని--- కాళ్ళు సలుపెక్కేంత వరకూ చుట్టుప్రక్కలంతా తిరిగొచ్చాం.

కొండలెక్కాం-- గుట్టలెక్కాం. చిన్నచిన్న కొండవా గుల్లో అరకొరగా మునిగి తడిసాం కూడాను. అటుపిమ్మట కొందరు గిరిజన మహిళలతో ఫోటోలు కూడా దిగి గెస్ట్ హౌస్ చేరాం. అలవాటు లేని తిరుగుడేమో చచ్చేంత రీతిన అలసి పోయాను. కాలు కదపడం మాట అటుంచి నోట మాట కూడా పెగలడం కష్టమని పించింది.

ఇక దొరికింది కతికి వెంటనే గదుల్లోకి వెళ్ళి పోవాలన్న యావతో గెస్ట్ హౌస్ వెనుక ఉన్న చావడిలో కూర్చుని అందరమూ కలసి భోజనాలు చేయ నారంభించాం. అప్పుడు జరిగిందది. కొందరు దుర్మార్గులు ఎన్నాళ్ళనుండి పచ్చపాముల్లా పొంచి ఉన్నారో, ఎన్నాళ్ళుగా నన్ను ఫాలో చేస్తున్నారో తెలియదు; నేను చేతులు కడుక్కుని వచ్చేటప్పటికి నా కోసం పెట్టిన పండ్ల రసంలో మత్తుగొల్పేదేదో కలిపారు.

నేనేమి బ్రహ్మజ్ఞానం గల మునికన్యను కాను కదా! అది మత్తు మందు కలిపిన పానీయమని తెలియకుండా అంతా తాగేసి ఆ తరవాత దొరికింది కతికి వాళ్లతో బాటు చేరి కాసేపు జోకులు వేసుకుని లేచి కాంతి సరిగ్గా ఆనని నడవలోకి వచ్చేటప్పటికి ముఖం తిరగనారంభించింది.

చూపు మసక బారనారింభించింది. నా కోసం మాటు వేసిన మేల్ స్టూడంట్సు కొందరు నన్ను ఫాలో చేస్తున్నారన్నది నాకు తెలియనే లేదు.

నేను గాలిలో తేలుతూ నేలపైన పడటానికీ---వాళ్లు నన్ను ప్రక్కనున్న పొదల్లోకి యెత్తుకుపోవడానకీ అట్టేసేపు లేదు. గిర్రున తిరుగుతూన్న బుర్రను రెండు చేతులతోనూ పట్టుకుని కన్నూ మిన్నూ తెలియని పరిస్థితిలో ఒరిగి పోతున్నప్పుడు-- తన గదివేపు నడచి అటు వెళ్లిపోతూన్న పవన్ కు కుమార్ అక్కడికి చేరుకుని నన్ను పొదవి పట్టుకుని లేవనెత్తాడు. అటుతరవాత యేమయిందో నాకు కొంచెం కూడా గుర్తుకు రాలేదు. అయితే పవన్ కుమార్ రూపం మాత్రం కనురెప్పలమధ్య చిక్కుకుపోయింది.

తెల్లారి కళ్లు విప్పి చూస్తే మసక వెలుతురులో గది అంతా గిర్రున తిరుగుతున్న ట్లనిపించింది. తల భారం ఇంకా తగ్గనట్లే ఉంది. అంటే ఆ ధూర్తులు నా కన్నెతనాన్ని దోచుకోవడానికి నా పండ్ల రసంలో కలిపింది మామూలు లిక్కర్ చుక్కలు కాదన్నమాట! ఇంకేదో తీక్షణమైనదేదో కలిపుంటారు. ఆ వేకువ మసక కాంతిలో నాకు అప్పుడు గాని గ్రాహ్యం కాలేదు-- నేను మరొకరి గదిలో ఉన్నానని.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/vMZbHcJRIZA

రచన: సిహెచ్. సీఎస్. శర్మ

(కథా పఠనం: మల్లవరపు సీతారాం కుమార్)

21 రోజులు నీటిని త్రాగలేదు. నీటితో నోరు పుక్కిలించి నప్పుడు కూడా, ఒక్కచుక్క నీరు గొంతులో క్రిందికి దిగకుండా నోటి కండరాలు మూసుకుపోయేవి. శిష్యులు యీ స్థితిని చూచి, తీవ్ర ఆవేదన వ్యక్తం చేసినప్పుడు "మనస్సులో దృఢంగా నిశ్చయించుకొన్నప్పుడు, శరీరం దాన్ని

అనుసరించి తీరాలి." నవ్వుతూ స్వామీజీ.. జవాబు చెప్పేవారు.

ఆ రోజుల్లో వెలువడిన ఎన్ సైక్లోపీడియా బ్రిటానికా, కొత్త కూర్పును స్వామీజీ చదువసాగారు. ఆ పెద్ద గ్రంథాన్ని చూచిన ఒక శిష్యుడు దీన్ని పూర్తిగా చదవడానికి

'ఒక జీవిత కాలమైనా చాలదు' అన్నాడు. ఆ గ్రంధాన్ని శిష్యుని చేతికి యిచ్చి ప్రశ్నలను అడగమన్నారు.

శిష్యుని ప్రశ్నలకు సరియైన సమాధానాలు యివ్వడమేకాక, ఆ సంపుటిలోని భాషనే తు. చ. తప్పకుండా విశదీకరించారు. అస్ఖలిత బ్రహ్మచర్యం పాటించే వారికందరికీ ఇది సాధ్యమే అని స్వామీజీ తెలియజేశారు. శిష్యుడు స్వామీజీ వారి ప్రతిభకు ముగ్ధుడైనాడు.

చివరి రోజుల్లో ఒకనాడు సాయంత్రం స్వామీజీ వారు మఠ ఆవరణలో వున్న మామిడి చెట్టు క్రింద కూర్చొని వుండగా, వారి నుండి అద్భుతమైన ఆధ్యాత్మిక మహాశక్తి వ్యక్తమైంది. నేత్రాలు ఉజ్వల కాంతితో శరీరం దివ్యతేజస్సుతో ప్రకాశిస్తూ వుండగా, తన చుట్టూ చేరియున్న సన్యాసులను, బ్రహ్మచారులను, వుద్దేశించి స్వామీజీ ఇలా చెప్పారు.

"బ్రహ్మాన్ని ఎక్కడ వెదుకుతావు.. ? అతడు ప్రతి జీవిలోనూ అంతర్నిహితుడై వున్నాడు. హృదయభాగాన్ని వత్తమాంగాన్ని చూపుతూ, ఇదిగో యిక్కడే ప్రత్యక్ష బ్రహ్మం వుంది. ఈ ప్రత్యక్ష బ్రహ్మాన్ని విడిచి, మరచి, ఇతరుల కోసం పాకులాడేవారు, హీనులు, కరతలామలకాల మాదిరి ఇదిగో యిక్కడే వుంది. ప్రత్యక్ష బ్రహ్మం. ”

ప్రత్యక్షానుభూతితో కూడుకొన్న స్వామీజీ ఆ పలుకులు అక్కడ గుమికూడి వున్న వారి మనస్సులను తక్షణం వున్నత శిఖరాలకు లేవనెత్తాయి. ధ్యానానుభూత శాంత ఆనందాలతో వారి మనస్సులు తేలిపోతూ వుంటే, నిశ్చేష్టులై కొన్ని క్షణాల వరకూ అందరూ అచేతనంగా నిలబడి పోయారు.

శారీరక రుగ్మతలు స్వామీజీ వారి మానసిక, ఆధ్యాత్మిక, శక్తులను వీసమంతైనా తగ్గించలేకపోయాయి. తాను ఇక ఎక్కువ కాలం జీవించబోనని ఎరిగిన స్వామీజీ క్రమక్రమంగా పనుల భారాన్ని సోదరశిష్యులకు, యితర శిష్యులకు అప్పగించారు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/wE4tcnEHjk4

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Sanchika Pongindi - Episode 1' - New Telugu Web Series Written By BVD Prasada Rao

'సంచిక పొంగింది - ఎపిసోడ్ 1' తెలుగు ధారావాహిక ప్రారంభం

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

"బిజియా?"

"లేదు లేదు. చెప్పు."

"నీతో మాట్లాడాలి."

"మాట్లాడుతున్నావుగా." నవ్వుతుంది సంచిక.

ఎడమ చెవి వైపు నుండి సెల్ఫోన్ ను.. కుడి చెవి వైపుకు మార్చుకున్నాడు శ్రీకర్.

"హలో. ఏమైంది. మాట్లాడు." సంచిక గందిక ఐంది.

"ఇలా కాదు. నీతో కల్సి మాట్లాడాలి." విషయం చెప్పాడు శ్రీకర్.

"సరే. ఎలా."

"ఎక్కడ ఉన్నావ్." అడిగాడు శ్రీకర్.

"ఇంట్లోనే." చెప్పింది సంచిక.

"ఏం చేస్తున్నావ్." అడిగాడు శ్రీకర్.

"మమ్మీ.. డాడీ డ్యూటీస్ కు వెళ్లారు. నేను జికె బుక్ చదువుతున్నాను." చెప్పింది సంచిక.

"చిక. నేను బయట ఉన్న. ఇటు నుండి నీ వద్దకు వస్త. అర గంటలో నీ చెంత ఉండగలను."

"వెల్కమ్ కర్."

శ్రీకర్ ఆ కాల్ కట్ చేసేశాడు.

సంచిక తన బెడ్రూంలో ఉంది. చేతిలోని సెల్ఫోన్ ను మంచం మీద పడేసింది. మంచం దిగి.. దిండు మీద ఉన్న బుక్ ను తీసి షెల్ఫ్ లో సర్దింది. తన బెడ్రూం నుండి హాలు లోకి వచ్చింది. సోఫాలో కూర్చుంది. టీపాయ్ మీది న్యూస్ పేపర్ తీసుకుంది.

సంచిక, శ్రీకర్ మంచి పరిచయస్తులు.. ఒకరికి ఒకరు హితులు.. స్నేహితులు.

డిగ్రీ చదువుతున్న రోజుల్లో.. ఇద్దరికీ పరిచయం మొదలైంది.

ప్రస్తుతం.. ఇద్దరూ పిజీలు చేసి.. జాబ్స్ కై ప్రయత్నాలు చేస్తున్నారు.

అర గంట తర్వాత..

'ఇంకా కర్ రాలేదేంటి.' అనుకుంది.

చేతిలో పేపర్ టీపాయ్ మీద పడేసింది. లేచింది. తన బెడ్రూం లోకి వెళ్లింది. తన సెల్ఫోన్ తో తిరిగి హాలు లోకి వచ్చింది. మళ్లీ సోఫాలో కూర్చుంది. శ్రీకర్ కు ఫోన్ చేసింది.

అప్పుడే.. శ్రీకర్.. సంచిక ఇంటి దరిన బైక్ ఆపాడు. వస్తున్న కాల్ కు కనెక్ట్ అయ్యాడు.

"చిక." అన్నాడు.

"ఎక్కడ." అడిగింది సంచిక.

"ఇంట్లో." నవ్వుకుంటున్నాడు శ్రీకర్.

"అదేంటి. రావడం లేదా." విస్మయమవుతుంది సంచిక.

"ఇదిగో బయలు దేర్త."

"అర గంటలో తగలడతానన్నావ్." చిరాకవుతుంది సంచిక.

"అన్నానా." సరదాగా అన్నాడు శ్రీకర్.

కోపమయ్యింది సంచిక.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/U2dc7oNLo3Y