Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Aa Ammaayi' - New Telugu Story Written By P. Gopalakrishna

'ఆ అమ్మాయి' తెలుగు కథ

రచన: P. గోపాలకృష్ణ

(కథా పఠనం: మల్లవరపు సీతారాం కుమార్)

చూడ్డానికి ఛామనఛాయ అయినా, ఆ అమ్మాయి చాలా చలాకీగా కనిపిస్తోంది.

పెద్దపెద్ద కళ్ళు..

అందమైన ఆ కళ్ళని మళ్ళీ మళ్ళీ చూడాలనిపిస్తుంది ఎవరికైనా. నల్లని ఒత్తైన వంకీల జుట్టు..

పొడవైన జడ వేసుకో డానికి ఆమెకు ఎంత టైం పడుతుందో.

ఆమె నడుస్తూ ఉంటే అంతవరకూ పక్కపక్కనే నడిచిన నేను ఆమెకంటే కొంచెం వెనకపడ్డాను. జడ లయబద్ధంగా కదులుతూ ఆమె అందాన్ని రెట్టింపు చేస్తోంది. "ఆహా, ఇలాంటి అమ్మాయిని పెళ్ళి చేసుకునేవాడు నిజంగా ఎంత అదృష్టవంతుడో కదా" అనిపించింది. చేసుకుంటే ఇలాంటి అమ్మాయిని పెళ్ళిచేసుకోవాలి. లేదంటే జీవితాంతం బ్రహ్మచారిగా ఉండిపోవాలి అనుకున్నాను.

‘ఆమె పేరు తెలుసుకుంటే!’.. మనసులో వచ్చిన కోరికను మనసులోనే తొక్కిపెట్టేసాను. ఇది ఇండియా. పైగా తెలుగు రాష్ట్రం. అమ్మాయితో అనవసరంగా మాట్లాడడానికి ప్రయత్నం చేస్తే తరువాత జరిగే విపరీత పరిణామాలు తలుచుకునేసరికి అప్పటిదాకా ఉప్పొంగిన ఆనందం చప్పున చల్లారిపోయింది. ఆమె సుమారు ఐదడుగుల ఎనిమిది అంగుళాలు పొడవుంటుందేమో. పొందిగ్గా కట్టుకున్న చీర చూస్తూ ఉంటే ఏదైనా ఫంక్షన్ కి వెళ్తోందేమో అనిపిస్తోంది.

మళ్ళీ నడకలో వేగం పెంచి ఆమె పక్కకి వచ్చా. ఇందాక పరిశీలనగా చూడలేదు కానీ, ఇప్పుడు చూస్తే ఆమె అందమంతా ముక్కు పుడకలోనే ఉందనిపిస్తోంది. ఆమెనే చూస్తూ నడుస్తూ ఎదురుగా సైకిల్ తొక్కుకుంటూ వస్తున్న ముసలాయన్ని బలంగా ఢీ కొట్టేసి. పడగొట్టేసాను. అసలే ట్రాఫిక్ చాల ఎక్కువగా ఉందేమో.

ముసలాయన సైకిల్ నుండి కిందపడి "కొంచెం ముందుకు చూసుకొని నడవ్వయ్యా బాబూ, సైకిల్ ని గుద్దుకున్నావు కాబట్టి నేను కిందపడ్డాను. అదే బస్సు కింద పడితే నువ్వు మళ్ళీ పైకి లేవలేవు" అంటూ చేతికి తగిలిన దెబ్బను చూసుకుంటూ కోపంగా తిట్టుకోవడం మొదలెట్టాడు.

ముసలాయన్ని పైకి లేపి, బ్యాగ్ లో ఉన్న వాటర్ బాటిల్ గాయం మీద పోసి కడిగాను. ఆమె కూడా గబగబా వచ్చి సైకిల్ పైకి లేపి నిలబెట్టి, నావైపు చూసి, "పెద్దగా దెబ్బలేమీ తగల్లేదు కదా" అని అడిగింది.

ఎంత బాగుందో ఆ వాయిస్. "పెద్దగా ఏమీ తగల్లేదండీ" అన్నాను.

"అవును, పెద్దగా తగల్లేదు. నీకేం పోయింది, పడింది నేను, దెబ్బలు తగిలింది నాకు"..

వందో ఏభయ్యో చేతిలో పెడితే శాంతిస్తాడేమో అనిపించి జేబులో చేతులు పెట్టి చేతికి దొరికిన ఒక నోటును బయటికి తీసాను. నోటును చూడ్డంతోనే శాంతించాడు. చేతిలో పడిన రెండు వందల నోటును ఆప్యాయంగా తడుముకుంటూ జేబులో పెట్టుకున్నాడు. ఆమె కూడా ఒక వందనోటు తీసి చేతిలో పెట్టి, "పళ్ళుకొనుక్కో తాతయ్యా" అంది.

"అదేంటండీ, నేనంటే సైకిల్ ని కింద పడేసాను కాబట్టి డబ్బులిచ్చాను. మీరెందుకు అనవసరంగా డబ్బులిచ్చారు" అడిగాను.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/Qb26Vk83nSs

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Preminchaka Emaindante' - New Telugu Story Written By Neeraja Hari Prabhala

'ప్రేమించాక ఏమైందంటే' తెలుగు కథ

రచన: నీరజ హరి ప్రభల (ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

ఫోన్ రింగవుతూంటే లిఫ్ట్ చేసింది రమ్య.

"రమ్యా! ఈరోజు కాలేజీ అవగానే మూవీకీ వెళదామా!" అడిగాడు శరత్.

"సరే!" అని ఫోన్ పెట్టేసి కాలేజీకి వెళ్లేందుకు సిధ్ధమవుతోంది రమ్య.

"రమ్యా! బ్రేక్ ఫాస్ట్ రెడీ!" అన్న తల్లి సుమతి గొంతువిని "వచ్చేస్తున్నా!" అంటూ డైనింగ్ రూమ్ లోకి వెళ్లిన రమ్యకు తన కోసం ఎదురుచూస్తున్న తండ్రి రంగారావు కనిపించారు.

"హాయ్ ! నాన్నా!" అంటూ పలకరించింది రమ్య.

"హాయ్! రమ్యా! నీకోసమే ఎదురుచూస్తున్నా!" అన్నాడు రంగారావు.

వాళ్లకు టిఫెను పెట్టి తనూ తినడానికి కూర్చుంది సుమతి. కాసేపు కబుర్లతో బ్రేక్ఫాస్ట్ ముగించి వాళ్లిద్దరికీ "బై" చెప్పి కాలేజీకి వెళ్లింది రమ్య.

ఒక ప్రైవేటుకంపెనీలో పనిచేస్తున్న రంగారావు భార్య సుమతి, కూతురు రమ్యతో పెద్దలిచ్చిన ఇంట్లో సంతోషంగా ఉంటున్నాడు. ఆదంపతులు తమకు ఉన్నంతలో గుట్టుగా బ్రతుకుతూ పరువు ప్రతిష్టలే ప్రాణంగా భావిస్తూ రమ్యను కష్టపడి పెంచారు. రమ్య కూడా కష్టపడి చదువుతూ ఇప్పుడు కాలేజీలో ఇంజనీరింగ్ చదువుతోంది.

తన క్లాస్మేట్ అయిన శరత్ క్రికెట్ ఆట, అతని అందము, మాటతీరు, చురుకుదనము, చదువుపట్ల అతని శ్రధ్ధ నచ్చి అతనితో సన్నిహితంగా ఉంటోంది రమ్య. తొలుత వాళ్ల పరిచయం స్నేహంతో మొదలై ఇద్దరి మనసులు కలిసి ఇచ్చిపుచ్చుకున్నారు. వాళ్లిద్దరి మధ్య తరచూ సినిమాలు, షికార్లు పరిపాటే.

ప్రముఖ వ్యాపారస్తుడైన విశ్వనాధానికి ఏకైక కొడుకు శరత్. చిన్నప్పటి నుంచి అతను ఐశ్వర్యంలో పెరుగుతున్నా ఇంటర్ పూర్తవగానే తండ్రి తన వ్యాపార బాధ్యతలను చూడమన్నా, వద్దని పట్టుబట్టి ఇంజనీరింగ్ చదువుతున్నాడు. అతనికి రమ్య అందము, నిదానము, మాటతీరు, చదువులో ఫస్టు రావాలన్న ఆమె పట్టుదల నచ్చి ఆమెతో ప్రేమగా ఉంటున్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/6JIl5jMZ1R8

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Manasuloni Prema Episode 2/6' - New Telugu Web Series Written By Yasoda Pulugurtha

'మనసులోని ప్రేమ - ఎపిసోడ్ 2/6' తెలుగు ధారావాహిక

రచన: యశోద పులుగుర్త

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ:

ముప్పై రెండేళ్ల మురారికి ఇంకా పెళ్లి కాలేదు.

ప్రేమించిన చైత్ర కు తన ప్రేమను వ్యక్తపరచక పోవడంతో ఆమెకు మరొకరితో వివాహం అవుతుంది.

ఆమెను మర్చిపోలేని మురారికి మరే అమ్మాయీ నచ్చదు.

అతనికి నందిని అనే అమ్మాయినుండి ఫోన్ వస్తుంది.

ఇక మనసులోని ప్రేమ - ఎపిసోడ్ 2 చదవండి..

‘ఈ నందినికి ఎంత చెప్పినా అర్ధంకాదా? ఒకటే ఫోనులు చేస్తుంది’?

'‘అమ్మా తల్లీ, నిన్ను పెళ్లి చేసుకోలేనని కఠినంగా చెప్పేసినా నవ్వుతూ తేలికగా తీసుకుని తన వెంటపడుతోంది".

అసలు దీనికంతటికీ కారణం విరజ అక్కే కదా!

ఆరునెలల క్రితం తన ప్రమేయం లేకుండా తన ప్రొఫైల్ ను షాదీ డాట్ కామ్ లో పెట్టేసింది, తన సెల్ నంబర్ తో సహా.

నెల రోజుల క్రితం అనుకుంటా, ఈ నందిని తన ఆఫీస్ అడ్రస్ తెలుసుకుని డైరక్ట్ గా ఆఫీస్ కు వచ్చేసి రిసెప్షన్ నుండి కాల్ చేయించింది.

ఎవరో అనుకుని వస్తే అప్పుడు చెప్పింది. ‘’షాదీ డాట్ కామ్ లోని మీ ప్రొఫైల్ చూసాను. నాకు మీరు నచ్చారు. మిమ్మలని చూసేసి మాట్లాడేసుకుంటే బాగుంటుంది కదా అని వచ్చానంది.

తను తెల్లబోయాడో క్షణం.

గడ గడా తన గురించి చెప్పేసింది తనని మాట్లాడనీయకుండా..

“ఫరవాలేదు మురారిగారూ, మీకు ప్రస్తుతం ముఫై రెండు నిండాయి కదా. మీకూ నాకూ మధ్య ఎనిమిది తొమ్మిదేళ్ల వయస్సు వ్యత్యాసం ఉన్నానష్టం ఏముందండీ”? " మన అమ్మమ్మల బామ్మల కాలంలో వయస్సు తేడా చాలా ఉండేదిట. వాళ్లు చక్కగా కాపురాలు చేసుకోలేదా, పిల్లలను కనలేదా అంటూ".

'అన్నీ ఈమే నిర్ణయించేస్తోందే తనకు ఇష్టమో కాదో తెలుసుకోకుండా అని చిరాకు పడ్డాడు మనసులో".

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/VIftwLxtVTk

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Pragathi Premikulu episode 7' - New Telugu Web Series Written By Ch. C. S. Sarma

'ప్రగతి ప్రేమికులు ఎపిసోడ్ 7' తెలుగు ధారావాహిక

రచన: సిహెచ్. సీఎస్. శర్మ

(కథా పఠనం: మల్లవరపు సీతారాం కుమార్)

“సార్!” అన్న కోటయ్య పిలుపుతో వివేకానంద ఆలోచనలు ఆగిపోయాయి. ద్వారం వైపు చూచాడు.

"ఏకాంబరం సార్ వచ్చివున్నారు సార్. " చెప్పాడు కోటయ్య.

"రమ్మనండి. ”

ఏకాంబరం సెల్యూట్ చేసి లోనికి వచ్చాడు. వివేకానంద కూర్చోమన్నాడు.

అతను కూర్చొని,

"సార్.. పి. పి. గారు మీతో ఒకసారి మాట్లాడాలన్నారు సార్.. ” అన్నాడు.

“నేను మాట్లాడుతాను. ” పి. పి నెంబర్ను తీసికొని వివేకానంద యింటికి వెళ్ళిపోయాడు.

రాత్రి భోజనానంతరం తల్లి భువనేశ్వరి, మామ ఆదిశేషయ్యలు ఫోన్ చేసి అన్నదమ్ముల యోగక్షేమాలు తెలిసికొన్నారు. చివరగా ఆదిశేషయ్య, ధనుంజయరావు వ్యవహారాల్లో జాగ్రత్తగా వర్తించవలసిందిగా హెచ్చరించాడు.

తను ఆ వూరికి రాబోయే ముందు తల్లి, మామయ్య చెప్పిన మాటలు వివేకానంద మనోఫలకం మీద ప్రతిబింబించాయి.

“అమ్మా.. !” హాల్లో సోఫాలో కూర్చొని వున్న తల్లిని పిలిచాడు యస్. ఐ వివేకానంద యింట్లోకి రాగానే.

“ఏం నాన్నా. ” నవ్వుతూ అంది భువనేశ్వరి.

“నాకు ప్రమోషన్ మీద ట్రాన్స్పర్ అయిందమ్మా. ”

"ఏ వూరికి.. ?"

“మన వూరికి. ”

భువనేశ్వరి విచారంగా తలదించుకొంది. తల్లి వాలకం వివేకానందకు ఆశ్చర్యాన్ని కలిగించింది. నవ్వుతూ ఆమె ప్రక్కన కూర్చున్నాడు.

"ఏమ్మా.. ! నీకు సంతోషంగా లేదా.. !"

“ఆ వూరి కాకుండా, వేరే ఏ వూరికైనా మార్పించుకోగలవా.. !”

ఆర్ద్రతతో అతని ముఖంలోకి చూస్తూ అడిగింది భువనేశ్వరి.

"సాధ్యం కాదమ్మా.. ! అవునూ.. అది మన సొంతవూరే కదమ్మా.. !"

ప్రశ్నార్థకంగా తల్లి ముఖంలోకి చూచాడు వివేకానంద.

“సొంత.. !” హా.. హా.. విరక్తిగా నవ్వింది భువనేశ్వరి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/xW6IA0nbQ8Q

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Anuvanuvuna Jwalinchina O Hrudayana - 14' - New Telugu Web Series Written By Pandranki Subramani

'అణువణువున జ్వలించిన ఓ హృదయాన - 14' తెలుగు ధారావాహిక చివరి భాగం

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

ఎట్టకేలకు దించిన తలను పైకెత్తి చూసాడు పవన్ కుమార్. అశ్వథ్ నవ్వు ముఖం కనిపించిందతడకి.

“అంతేకాదు. మీ పైన ప్రయోగించిన కఠినమైన ఐ. పి. సి. సెక్షన్లనూ మంగళ స్వీకరించలేక పోతూంది. సెక్షన్ 376 సెక్షన్ ప్రకారం మీరు మైనారిటీ తీరని బాలికపై అత్యా చారం చేసారు. ఐ. పీ. సీ. 363 అండ్ 373 సెక్షన్ల ప్రకారం కిడ్నాప్ చేసారు. అబ్డక్షన్ చేసారు. సెక్షన్ 498 ప్రకారం మానసిక శారీరక వేధింపులకు పాల్పడ్డారు. వీటిలో కొన్ని అతిగా లేక ఉద్దేశ్య పూర్వకంగా బనాయించి ఉండవచ్చు. కాని- అన్నీ తప్పుడు కేసులని వాదించడం సబబు కానేరదూ కదా!" అశ్వథ్ ఇంకా నవ్వుతూనే తానుగా వివరించాడు.

పవన్ కుమార్ కాసాపాగి మాటల్ని కూడదీసుకుని స్పందించాడు- “మీరడిగారు కాబట్టి చెప్తున్నాను సార్! ఇటువంటి కేసులు మన దేశం మొత్తం మీద- 3515 ఉన్నాయి సార్. కాని ఇటువంటి కేసులతో నాకు ఎటువంటి సంబంధమూ లేదండి. - ఒక్కటి తప్ప- శ్రీనిత్యతో శారీరకంగా సంపర్కించడం తప్ప-- ఇక గ్రహపాటో మరేమిటో నాకు తెలియదు గాని- అంతా నా యిష్టం ప్రకారమే జరగలేదండి“

“అంటే- ఆడదాని పట్ల నీకు వాంఛ కలగదంటావు. ఋషి పుంగవుడి మల్లే విషయ వాంఛలనుండి తొలగి పోగలనంటావు. అంతేనా!"

“నో సార్! నేనలా అనడం లేదు. శ్రీనిత్యలోని స్త్రీత్వం నిండుగా వికసించి ఉండటాన ఆమె మైనర్ గార్ల్ అన్న ఆలోచన నాకెప్పుడూ కలగలేదు. లేత వయసులో మైనారిటీ తీరకముందే ఒక అమ్మాయికి అంతటి పొంగులూరే అంగసౌష్ఠవం కలగాలంటే రెండే కారణాలుంటా యి సార్. ఒకటి- అనువంశిక శరీరతత్వం- శ్రీనిత్య తల్లి విదేశీ స్త్రీ- రెండవది- బొటాక్స్ వంటి హార్మోన్ ఇంజెక్షన్ ప్రభావం. మరొక వాస్తవం కూడా ఉందిసార్. దయచేసి గుర్తించడానికి ప్రయత్నించండి.!"

“చెప్పు పవన్. వాస్తవాలను గుర్తించడానికి నేనెన్నడూ వెనుకాడను"

“ థేంక్స్ సార్. ఉన్నదున్నట్లు చెప్తున్నాను. మంగళాదేవి గారి భర్తగా మీముందుంచుతున్నాను. నేనుగా నేనెప్పుడూ శ్రీనిత్యకు చేరువు కావడానికి ప్రయత్నించలేదు. ఆమె ఉంటున్నదేమో ఎదురు కట్టిడంలో. కాని నాతో మాటలు పెంచుకోవడానికి ఏదో ఒక నెపంతో నా రూము వైపు వచ్చి పలకరించేది. పుస్తకాలు అడిగి తీసుకు వెళ్ళేది. వాలు చూపులతో కాటేసేది. దాదాపు నేను శారీరకంగానే కాక ఎమోషనల్ గా ప్రవోక్ చేయబడ్డాననే చెప్పాలి”

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/S8nqTO5OCcI

(కథ manatelugukathalu.com లో చదవడానికి కథ పేరు మీద క్లిక్ చేయండి)

'సంచిక పొంగింది - ఎపిసోడ్ 3/6' తెలుగు ధారావాహిక

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ:

సంచిక శ్రీకర్ మంచి స్నేహితులు.

ఒక టెస్ట్ రాయడానికి ఇద్దరూ మరో ఊరు వచ్చి హోటల్ లో స్టే చేస్తారు.

అనుకోకుండా వాళ్ళు ఉన్న గదికి పోలీసులు వస్తారు.

పెళ్లికాని యువతీయువకులు ఇలా ఒక గదిలో ఉండటం మంచిది కాదంటారు పోలీసులు.

ఆ మాటలకు కోపం వస్తుంది సంచికకు.

సంచికకు ఇబ్బంది రానివ్వ వద్దని శ్రీకర్ తల్లి, అతనితో చెబుతుంది.

ఇక సంచిక పొంగింది ధారావాహిక మూడవ భాగం చదవండి..

ఒక పక్షం తర్వాత..

గతంలోని రిటన్ టెస్ట్ లో క్వాలిఫై కావడంతో.. ఇంటర్వ్యూ అవకాశం పొందారు సంచిక, శ్రీకర్ లు.

ప్రస్తుతం దానికై వచ్చి.. వేచి ఉన్నారు వాళ్లు.

అక్కడ తమ లాగే వచ్చి.. చాలా మంది ఉన్నారు.

"ఒన్ ఈస్ట్ త్రీ అనుకోవచ్చా." అడిగాడు శ్రీకర్.

అతని పక్కనే కుర్చీలో కూర్చున్న సంచిక.. "మే బి." అంది.

"టోటల్ పోస్టులు ట్వింటీ కదా."

"య. వచ్చిన వారిని చూస్తే.. రమారమీ ఫిఫ్టీ ఎబౌలా తోస్తున్నారు." చెప్పింది సంచిక.

"కానీ. చూద్దాం." అనేశాడు శ్రీకర్.

అతడు చుట్టూ చూస్తూ ఉన్నాడు.

సుమారుగా సంచిక కూడా అలానే కదులుతుంది.

అప్పుడే.. ఆమె చూపున.. ఓ మూలగా కూర్చున్న ఒకామె పడింది.

ఆమె.. చాలా నెర్వస్ లో ఉన్నట్టు సంచికకు తోచింది.

దాంతో మరింత పట్టుగా అటే చూస్తుంది.

'ఆమె అభ్యర్థి ఐ ఉంటుంది.' అనుకుంది సంచిక.

శ్రీకర్ వంక చూపు తిప్పి.. "కర్." అంది.

శ్రీకర్.. "ఉఁ." కొట్టాడు.

"ఆమెను చూడు." చెప్పింది సంచిక.. అటు చూపుతూ.

ఆమెను చూశాడు శ్రీకర్.

"ఏంటి. తను ఆందోళనగా ఉంది." అన్నాడు.

"అదే. నాకూ అలానే తోచింది." అంది సంచిక.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/B55CqNytaY8

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Polimera Part 2/2' - New Telugu Story Written By Kasivarapu Venkatasubbaiah

'పొలిమేర పార్ట్ 2/2' తెలుగు కథ

రచన : కాశీవరపు వెంకటసుబ్బయ్య

(కథా పఠనం: మల్లవరపు సీతారాం కుమార్)

జరిగిన కథ:

దద్దానాల గ్రామం వాళ్ళు తమ ఊరి పొలిని తీసుకెళ్లి నందువల్లనే తమ ఊర్లో వర్షాలు పడటం లేదని అనిమెల గ్రామ ప్రజలు భావిస్తారు.

జాతర సమయంలో దద్దినాలనుండి పొలిని తీసుకుని రావాలని నిర్ణయించుకుంటారు.

అందుకు సమర్దుడిగా సుంకన్నను ఎంచుకుంటారు.

ఇక పొలిమేర పెద్ద కథ పార్ట్ 2 చదవండి.

దద్దనాల్లో ఊరి నడింగల పెద్దేప్మాను కాడ ఊరి పెద్దలు పెద్దాడ్డి తిక్కాడ్డి బస్సిరెడ్డి చెల్లంనాయుడు తిమ్మానాయుడు కాటంరాయుడు మంచల్రాయుడు పెంటయ్య పెద్దబొట్లాచారి నామాలయ్య పోతురాజు అప్పల్రాజు సన్నన్న బుల్లెన్న సంటెన్న పాలన్న సాలన్న తలుపులన్న కొమర్రావు చిన్నారావు కన్నయ్య నల్లప్ప జాలప్ప ఆవులయ్య ఎద్దులప్పతో పాటు వూరి జనం గుమిగూడినారు.

బస్సిరెడ్డి ముందుగాల లేచి "అందరికి దండాలు. మనూర్లో ద్యావర జరిగి మూడేండ్లైతాంది. మూడేండ్ల కొకతూరి పెద్దమ్మ ద్యావర జరపడం ఆనవాయితీ. అమ్మోరి దయవొల్లా కరువుకాటకాలు ల్యాకుండా రోగంరోట్టా రాకుండా పైరు పచ్చలతో పిల్లాజల్లా చల్లంగా వుండాం. అందుగ్గాను ఈతూరి అమ్మోరి ద్యావర అందరూ కల్సికట్టుగా నిల్బడి వైబోగంగా సేచ్చాం. గాబట్టి ఎవరి వంతు వాళ్ళు పన్సేసి అమ్మోరికి ఏ కొతుకు రాకుండా జరపాల. యేదన్న వాటం (విధానం) దప్పుతే పెద్దమ్మతల్లి మాంతమైన దేవత. అన్ని ఇసయాల్లో మెల్కువగా వుండాల.

అన్నీసరే! అనిమెలోళ్ళు అమ్మోరి పొలి ఎత్తక పోవడానికి రావచ్చు. ఒగిసోలంతా జాగిరిగా ఉండాల. వాళ్ళ పొలి మనం ఎత్తకొచ్చినాంచి కరవుకాటకాల్తో అలమటిచ్చి అల్లాడి పోతాండరు. వాళ్ళు పొలి తీస్కక పోవడానికి తప్పక వొచ్చారు. ఓగన్నేసి వుండాల." అన్సేప్పి కుచ్చున్యాడు బస్సిరెడ్డి.

తిమ్మానాయుడు ఉషారుగా లేసి "ద్యావర గొప్పగా జరగాలంటే తీరువ ఈతూరి బారీగ ఏస్కోవాల! అన్నీ సరుకులు పిర్రమై పోయినై. తీరవలు రాబట్టే పని చెల్లంనాయుడికి ఒప్పగిచ్చాం. అమ్మోరికి పసుపు కుంకుమ గందోడి సాంబ్రాణి నిమ్మకాయలు టెంకాయలు నైద్యానికి సరుకులు అమ్మోరికి కొత్తగుడ్డలు అవుట్లు టపాకాయలు తెచ్చే బాద్యత కొమ్మర్రావుది. అమ్మోరి బొమ్మ సేసే బాద్యత కన్నయ్యది.

గుడి కట్టిచ్చే వంతు పెదబొట్లాచారికి. అమ్మోరి కత చెప్పే ఆసాదోళ్ళును తప్పెటోళ్ళను మెళాలోళ్ళను తుడుమోళ్ళను కొమ్మోళ్ళను దండోరోళ్ళను పురమాయించే పని అప్పల్రాజుకు. ఎక్కువ తక్కువలు బుల్లెన్న సూసుకుంటాడు. ఒగ్యాల అనిమెలోళ్ళు పొలెత్తక పోనీకి వొచ్చే కన్పెట్టడానికి కాటంరాయుడు పోతురాజోళ్ళు ఉంటారు." అన్నీ పూసగుచ్చినట్టు సెప్పి కూకున్యాడు తిమ్మానాయుడు.

ఆ ఎనక మంచాల్రాయుడు "అద్సరే! ద్యావర దున్నపోతు మూడేండ్లుగా చేలల్లోబడి ఎట్టిగా తిని ఆంబోతులా బోబల్చినాది. దాన్ని పట్టడానికీ ఎవని వొల్లాగాదు. అమ్మోరి ముందర దాన్ని నరికే మొగోడెవడో ముందది దేల్సండ్రి." అని గురుతు సేసినాడు.

నల్లప్ప నిల్బడి "ఇంగెవరూ మన పాలన్న సాలన్నలే. ఓ ఇరబైమందిని ఎంటేస్కొనిబోయి ద్యావర దున్నపోతును పట్టకొచ్చారు. అమ్మోరికి వోళ్ళే బలిచ్చారు." అనే నల్లప్ప.

జనమంతా "ఔనౌను, వోళ్ళైతేనే సరిగ్గా సరిపోతారు" చప్పట్లుగొట్టి జైకొట్టి బలపర్చినారు జనం.

అదే జనం మద్దినున్న యామయ్య పైకి లేచి " మీ ఎర్రికాకపోతే అమ్మోరికి ఆకలేమిట్రా! మీ అమాయకత్వం కూలా! పచ్చి సీయలు తినడానికి ఆమేమన్నా జంతువా? ఎందుకు ఈ జీవ హింస. ఇది మూడత్వంతో చేసే చేష్ట" అని అరిచి చెప్పినాడు. ఆయనను ఎవరూ పట్టించుకోలేదు. ఆయన మాటలు గాల్లో కల్సిపోయినాయి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/n-__1ukvZnE

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Doshi Evaru Part 3/3' New Telugu Story Written By Pudipeddi Ugadi Vasantha

'దోషి ఎవరు పార్ట్ 3/3' తెలుగు పెద్ద కథ

రచన : పూడిపెద్ది ఉగాది వసంత

(కథా పఠనం: మల్లవరపు సీతారాం కుమార్)

జరిగిన కథ:

సుమ, సుధాకర్ భార్యాభర్తలు. ఇద్దరూ ఉద్యోగస్తులు.

కూతురు లాస్యని చూసుకోవడానికి పనిమనిషి కావాలని స్నేహితురాలు మాధవిని అడుగుతుంది సుమ. అర్చన అనే అమ్మాయిని పనికి పంపిస్తుంది మాధవి.

కొద్ది రోజులకు సుమ ఇంట్లో దొంగతనం జరుగుతుంది.

పోలీసు విచారణ జరుగుతూ ఉంది. అర్చన వాళ్ళ అమ్మ, తన కూతుర్ని పోలీసులు అరెస్ట్ చేసారని, కాపాడమని మాధవిని వేడుకుంటుంది.

అర్చనకు బెయిల్ ఇచ్చి బయటకు తెస్తుంది మాధవి.

భర్త సహకారంతో అసలు నేరస్తుల్ని పట్టుకోవడానికి ప్రయత్నాలు ప్రారంభిస్తుంది.

ఇక దోషి ఎవరు పెద్దకథ చివరి భాగం చదవండి..

మర్నాడు ఉదయాన్నే, ఆరున్నర కే, ఏసీ మెకానిక్ రహీం వచ్చాడు. అప్పటికే తను తయారు చేసి పెట్టుకున్న కొన్ని ప్రశ్నలు అడిగి, అతనిచ్చిన సమాధానాలు రాసి, అందులో అతని సంతకం తీసుకుని పంపేస్తుంటే, అతని కళ్ళలో కాస్త భయం చూసింది మాధవి.

రహీం జంకుతూనే అడిగాడు,

"మేంసాబ్, మాకి ఏమీ దిఖ్ఖత్ ఉండ దీ కదా, పిల్లలు కలవాడిని మేంసాబ్!”

“ఏమీ పర్వాలేదు, ఏమీ వర్రీ అవకండి. దేవుడు మిమ్మల్ని చల్లగా చూస్తాడు. మీరు నిర్దోషి అని నిరూపించడానికి, మా, ఈ, ప్రయత్నం. మీరు కూడా అల్లాహ్ కి ప్రార్ధనలు చేయండి. అంతా మంచే జరుగుతుంది” అతనికి ధైర్యాన్నిచ్చి పంపింది.

“అల్లాహ్ ఆప్ సబీ కో కుషియా ప్రధాన్ కరే! మాకి మీరు సల్లగా సూడాలి మేంసాబ్.. ఆదాబ్”..

తను రాసుకున్న దర్యాప్తు రిపోర్టులన్నింటిని, ఓ పద్దతి లో ఫైల్స్ లో అమర్చుకుని, తను తయారు చేసుకున్న టేబుల్ లో, సంఘటనలన్నింటిని ఓ వరుస క్రమం లో రాసుకుని, సంఘటన సారాంశాన్ని క్లుప్తం గా, ఓ పేరా లో రాసుకుంది. సంబంధిత ఫోటోలు, ప్రింట్లు వేయించి, వాటిని కూడా ఓ కవర్ లో పెట్టి ఫైల్ లో సర్దుకుంది.

వంట చేసే టైం లేక, ఆన్ లైన్ లో డిన్నర్, పుల్కాలు, మిక్స్డ్ వెజిటల్ కర్రీ ఆర్డర్ చేసి, డెలివరీ బాయ్ వస్తే, అవి తీసుకొమ్మని వాళ్ళమ్మకి చెప్పి, స్నానం చేసి వచ్చేసరికి, గోపాల్ ఆఫీస్ నించి వచ్చాడు.

వస్తూనే, “మాధవీ, మనకి ఎప్పోయింట్మెంట్, 830 కి ఉందిట. డీజీ పీ సర్ చెప్పేరు. పద త్వరగా బయలుదేరుదాం” అని హడావిడి చేసేడు

“నేను రెడీ, నువ్వు త్వరగా రా. డిన్నర్ చేసేసి వెళ్ళిపోదాం, రావడం కొంచెం అటు ఇటు గా అయినా పర్వాలేదు”

ఇద్దరు నేరుగా కమీషనర్ గారింటికి 8 గంటలకల్లా చేరుకున్నారు.

కమీషనర్ గారు డైరెక్ట్ గా టాపిక్ ప్రారంభించేసారు. పెద్దవాళ్ళు, కాలాన్ని తూకం వేసి మరీ వాడతారు.

మాధవి చాలా క్రిస్ప్ గా, కేసు ని వివరించింది. తాను జరిపిన దర్యాప్తు గురించి వివరంగా చెప్పి, తానెలా సంఘటలన్నింటిని క్రోడీకరించిందీ చెప్పి, తాను సేకరించిన సాక్ష్యాలు కూడా చూపించి, దోషి ని ఎలా పసిగట్టిందీ చెప్పింది. అయన చాల శ్రద్ధగా, మాధవి చెప్పిందంతా తల తటాయిస్తూ వినడం మాధవి గ్రహించింది.

“మీకు క్రైమ్ ని ఛేదించడం లో ఏమైనా అనుభవం ఉందా అమ్మా?”

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/rc6l8p4ujGY

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Darpam' - New Telugu Story Written By M. Bhanu

'దర్పం' తెలుగు కథ

రచన: M. భాను

(కథా పఠనం: మల్లవరపు సీతారాం కుమార్)

“సహాయం చేసే మనసున్నా సాయం చేయగలిగే స్థోమత నాకు లేదు అన్నయ్యా!” అంది విశాలాక్షి తన అన్నయ్య రమణతో.

ఎన్నో ఆశలతో వచ్చిన రమణ ఆ మాటలు విని నిర్ఘాంత పోయాడు. చెల్లి నుంచి అటువంటిమాట వస్తుందనుకోలేదు. ఏం మాట్లాడాలో తెలియక విశాలాక్షిని చూస్తూ ఉండి పోయాడు.

ఇంతలో విశాలాక్షి వదిన “అదేమిటి విశాలాక్షి! ఎప్పుడు చూసినా కారులో వస్తావు, దర్జాగా తిరుగుతూ ఉంటావు. నీకు డబ్బు లోటేమిటి?” అడిగింది. “యాభై వేలే కదా!? బయట వడ్డీకి తీసుకుంటే కట్టలేమని నిన్ను అడిగాము. స్వంత చెల్లెలివి కదా కడుపులో పెట్టుకుంటావు అని అనుకుంటే ఇలా అనేసావేమిటి” అంది వేదనగా.

“అందరికీ అలాగే కనిపిస్తుంది నా జీవితం. అయినా ఒకసారి వచ్చి మా ఇంట్లో పది రోజులు ఉంటే మా పరిస్థితి మీకు తెలుస్తుంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/GE2ZEcYEo-M

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Real Hero' New Telugu Story Written By Hanumantha T

'రియల్ హీరో' తెలుగు కథ

రచన: T హనుమంత

(కథా పఠనం: మల్లవరపు సీతారాం కుమార్)

మామిడి తోరణాలు, పూలమాలలు, మారుమ్రోగే మైక్సెట్లు, కిలకిల నవ్వే పరిచయాలు, ముహూర్తం తొందర పడుతుందనే హడావుడి.. అరటి దిండులతో పందిరి వేసి పూలతో అలంకరించారు. వధూవరులకు పసుపు నీటితో స్నానాలు చేయించారు. ఊరుఊరంతా వివాహ వేడుకను చూడవచ్చారు. పంతులు గారు ఆలస్యమైందని తొందర చేస్తున్నాడు. వరుడికి పంచకట్టు, తలపాగా చుట్టటానికి నానా అవస్థలు పడుతున్నారు.

వధూవరులు పెళ్లిపీటలు మీద కూర్చున్నారు పంతులు గారు ఆలస్యమైందని తొందరగా జీలకర్ర బెల్లం తలపై పెట్టించి, మంత్రాలు చదివి మూడుముళ్లు వేయించాడు. అక్షింతలు వేసి వారు తెచ్చిన కానుకలు ఇస్తూ వారికి నచ్చిన విధంగా శుభాకాంక్షలు తెలియజేశారు. భోజనాలు ముగించుకుని చుట్టాలంతా వెళ్లి పోయారు.

షామియానా, లైట్లు, వంటసామాన్లు, కుర్చీలు అన్ని టెంట్ హౌస్ దగ్గరికి జాగ్రత్తగా చేర్చడానికి నానా కష్టాలు పడుతూ అమ్మాయ్య అనుకుంటూ అరుగు మీద కూర్చొన్నాడు. తన చెల్లి నీళ్ళు ఇస్తూ, కళ్ళు తుడచు కొంటూ “అదృష్టవంతురాలు అన్నయ్య! మంచి అబ్బాయి దొరికాడు” అంటే..

బాధను బయట పెట్టేలేక తల ఊపుతూ లోపలికి వెళ్లి పోయాడు. రాత్రి 7 గంటలు కావస్తోంది ఉదయం మిగిలిన వంటకాలను చుట్టుపక్కల వారికి పంచిపెట్టి పెళ్లి కూతురు తండ్రి, అతని చెల్లెలు తిని చెల్లిని ఇంటి దగ్గరే ఉండమని చెప్పి వరుడి ఇంటికని బయలుదేరుతాడు.

వధూవరులు ఊరేగింపును వరుడి ఇంటివారు అద్భుతంగా నిర్వహించారు, రాములోరి గుడిగుడిలో పూజా కార్యక్రమం ముగించుకుని ఇంటికి చేరుకునే సరికి 10 గంటలు అయింది. వరుడు భోజనం తర్వాత అలా పెరట్లో కూర్చొన్నాడు.

వధువు తండ్రి “ఏం బాబు.. ఏమైనా ఇబ్బందా?” అని అడిగాడు.

వరుడు లేచి “అలాంటిది ఏమీలేదు మామా” అని అన్నాడు.

వెంటనే వధువు తండ్రి అతని భుజం పై తలవాల్చాడు.

“పిచ్చి పిల్లని నువ్వే చూసుకోవాలి బాబు, మీ ఇంట్లో వద్థన్నా కూడా ఒప్పించి మరీ చేసుకున్నావు. నీ ఋణం ఎలా తీర్చుకోను..” అని బాధ పడ్డాడు.

వధువు తండ్రి బాధకు కారణం తెలుసుకుందాం..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.