Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Rakshanedi' - New Telugu Story Written By Pitta Gopi

'రక్షణేది' తెలుగు కథ

రచన: పిట్ట గోపి

(కథా పఠనం: మల్లవరపు సీతారాం కుమార్)

"ప్రస్తుతం ప్రపంచమంతా హత్యలు, ఆత్మహత్యలు, రేప్ లు, గ్యాంగ్ రేప్ లు, దోపిడీలు, దొంగతనాలు, మోసాలు, దౌర్జన్యాలతో నిండి కిటకిటలాడుతున్నది. డబ్బులు కోసం పరాయివారినే కాదు సొంత వాళ్ళని సైతం చంపుకునే రోజులు,

ఇక ఆడపడుచులు అంటే ఈ సమాజానికి లెక్కే లేదు.

ఎక్కడైనా ఆడపిల్లలు కనపడితే ఇంకో ఉద్దేశ్యం తో చూడటమే.. కొందరు ప్రేమ అని వెంటపడతారు, మరి కొందరు పెళ్ళి చేసుకో అంటూ వెంట పడతారు.

ప్రేమిస్తే తల్లిదండ్రులు, పెద్దల నుండి ఒక బాధ, ప్రేమించకపోతే ప్రియుడు ఏ యాసిడ్ పోసేస్తాడో.. లేక గొంతు కోసేస్తాడో.. లేక పొట్టలో ఎన్నిసార్లు కత్తితో పొడిచి చంపేస్తాడో తెలియని బాధ.

ప్రేమించేవాడు మంచోడైతే తల్లిదండ్రులు ఒప్పుకోరు, పెద్దలు చూసిన పెళ్ళైనా కట్నం వేదింపులు తప్పవు.

అందంగా లేకపోతే అందంగా లేవంటారు.. అందంగా ఉంటే అనుమానంతో రగిలిపోతారు. ఏదైతేనేం నలిగిపోతుంది ఈ ఆడపిల్ల బతుకు.. "

కూర్చుని కూరగాయలు తరుగుతూ పురంధరేశ్వరి అంటున్న మాటలు ఇవి.

సైలాక్ అనే అమ్మాయికి యుక్త వయస్సు వచ్చి MBBS లో చేరి హాస్టల్ లో ఉండటంతో నానమ్మ పురంధరేశ్వరి ఆలోచనంతా మనుమరాలు మీదనే ఉంది.

"మా రోజుల్లో ఏ పగా లేదు ప్రతికారం లేదు. దొంగలు లేరు, దోపిడి దారులు లేరు.

చక్కగా పెద్దలు కూర్చే పెళ్ళిరోజే కట్నకానుకలు, మంచిచెడులు మాట్లాడుతారు. అదే ఫైనల్. తర్వాత ఏ వేధింపులు ఉండవు.

కానీ ఇప్పుడు ఆడపిల్లలపై చెడు వార్తలు రాకుండా ఆసలు రోజు గడిచిందే లేదు. వీళ్ళకేమో.. అలవాటు అయిపోయిందో, లేక వీళ్ళు పుట్టిన నుండే ఈ దారుణాలు జరుగుతున్నాయనో ఏమో.. పట్టించుకోరు. పైగా దూరం పంపుతారు" అంటూ కొడుకు కోడల్ని తిడుతుంటుంది.

"అబ్బా ఏంటే ముసలి.. ఏదో ఒకటి గొణుగుతూనే ఉంటావు.. తన చదువు ఎలాగూ కొన్ని రోజుల్లో పూర్తి అయిపోతుందిగా. నీ మనుమరాలికి ఏమీ కాదు. తాను మహా శక్తివంతురాలు. అలాగే డాక్టర్ అయి తిరిగి వస్తుంది. ముందు నీకే వైద్యం చేయిస్తాలే" కొత్త చొక్కా వేసుకుంటూ తల్లి పురంధేశ్వరి ని ఆటపట్టిస్తాడు దాసు.

బుంగమూతి పెట్టి కొడుకుని వెక్కిరిస్తూ..

"హుమ్.. మనుమరాలితో ఆడుకోనివ్వకుండా చిన్నప్పుడు నుండే బాగా పే.. ద్ద.. చదువులని ఎక్కడో ఉంచి చదివించారు. ప్రేమగా ఒక ముద్దు పెట్టుకుందామన్నా.. హత్తుకుందామన్నా.. సాధ్యం కాదు " అంటూ బాదపడుతుంది.

"మోకాళ్ళ పై తల్లి దగ్గర కూర్చుని సైలాక్ MBBS పదిరోజుల ముందే పూర్తి అయిపోయిందమ్మా.. డాక్టర్ గా తన ప్రాక్టీస్ ఏర్పాట్లకు ఇన్ని రోజులయ్యాయి.

ఇప్పుడే ఫోన్ చేసింది. అందరూ వెళ్ళిపోయారట. తాను ఒక్కతే ఉందని, త్వరగా రమ్మని చెప్పింది. వెళ్లి తీసుకొస్తా " అంటూ నవ్వుతూ వెళ్తాడు.

సైలాక్ రాగానే నానమ్మ నే హత్తుకుంటుంది ముందు. ఎందుకంటే చిన్నప్పుడు తల్లిదండ్రులు ఆఫీసుకి వెళ్ళిపోతే మంచి బుద్దులు నేర్పింది, దైర్యం నింపేది తానే, అన్ని చూసుకుంది తానే.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/ObwolulTcQc

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Madhura Smruthi - New Telugu Story Written By Neeraja Hari Prabhala

'మధుర స్మృతి' తెలుగు కథ

రచన: నీరజ హరి ప్రభల (ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

వేకువనే తన గది కిటికీలోంచి వీచిన చల్లటి గాలులకు మెలుకువచ్చిన శారద కనులు తెరచి దుప్పటి తొలగించి ఆ దిశగా చూసింది. తను ఇష్టంగా పెంచుతున్న రకరకాల పువ్వులు, ఫలముల తోట రమణీయంగా కనిపిస్తోంది. నిత్యం నిద్ర లేవగానే ఆ తోటలో విహరిస్తూ ఆ రమణీయ ప్రకృతిని ఆస్వాదించడం ఆమెకు అలవాటు. కాసేపటికి కాలకృత్యాలను ముగించుకుని శిల్కు శా‌లువాని భుజాన కప్పుకుని వేడివేడిగా ఫిల్టరు కాఫీని తయారుచేసుకుని కప్పుతో తన ఇంటి ముంగిటి తోటలో ఒక బెంచి మీద కూర్చుని ప్రకృతిని ఆస్వాదిస్తూ ఉంది.

చేతిలో పొగలు కక్కుతున్న కమ్మనికాఫీని ఆస్వాదిస్తూ తోటలోని సుందర దృశ్యాన్ని చూడటం ఆవిడకు చాలా ఇష్టం. సమీపంలోని మామిడి కొమ్మ మీద కోయిల తన కమ్మని కంఠంతో "కుహు కుహు" సరాగాలను పలుకుతుండగా మధ్య మధ్యలో తను కూడా శృతి కలిపితే అది తనను వెక్కిరిస్తున్నట్లుగా భావించి మరింత రెచ్చిపోతోంది. అలా కాసేపు కోయిలతో జతకలిపాక "నీకు నీవే సాటి కోయిలమ్మా" అని మిన్నకుండి దాని రాగాలను వింటోంది శారద.

ఈరోజు తన పుట్టినరోజు. తన భర్త ఆనంద్ బ్రతికిఉంటే ఈరోజును ఎంత ఘనంగా, వేడుకగా చేసేవాడో అనుకుంటూ గతించిన భర్తను తలచుకుంటూ లేచి తన గదిలోకి వెళ్లి ఆయన వ్రాసిన డైరీని తీసుకొచ్చుకుని, కళ్లజోడుని సవరించుకుంటూ అందులోని పేజీలను తిరగేస్తోంది. ప్రతి పేజి లోను తన మీద ప్రేమను వ్యక్తపరుస్తూ భర్త వ్రాసిన దానిని చదువుతూ గతం తాలూకు మధుర స్మృతులలోకి వెళ్లింది శారద మనసు.

తను కాలేజీలో చదువుతున్నప్పుడు పరిచయమైన ఆనంద్ తో స్నేహం క్రమంగా వాళ్లిద్దరి మధ్య ప్రేమకు దారితీసింది. డిగ్రీ పూర్తవగానే ఆనంద్ కు మంచి ఉద్యోగం రావడంతో తమ ప్రేమ విషయాన్ని ఇరువైపులా పెద్దలకు చెప్పటం జరిగింది. ఆనంద్ తల్లితండ్రులు తమ పెళ్లికి ఒప్పుకున్నారు కానీ తన తల్లితండ్రులు అభ్యంతరం చెప్పటంతో కొంత మనస్ధాపానికి గురయింది తను. తండ్రి పట్టుదలతో ఎన్ని సంబంధాలను తీసుకొచ్చినా తను ససేమిరా కాదనడంతో తన మొండిపట్టుదలను అర్థం చేసుకుని ఆనంద్ తో వివాహం జరిపించారు శారద తల్లితండ్రులు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/LdpKSvtPbsM

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Ma Devudu Mire mastaru - New Telugu Story Written By Parupalli Ajay Kumar

'మా దేవుడు మీరే మాష్టారు' తెలుగు కథ

రచన: పారుపల్లి అజయ్ కుమార్

(కథా పఠనం: మల్లవరపు సీతారాం కుమార్)

స్టాఫ్ రూం లో పిల్లల నోట్సులు దిద్దుతున్న శ్రావణ్ కుమార్ దగ్గరకి అటెండర్ వచ్చి "సార్, మిమ్ములను ప్రిన్సిపాల్ గారు రమ్మంటున్నారు" అని చెప్పాడు.

శ్రావణ్ కుమార్ దిద్దుతున్న నోటుబుక్ ను మూసి ప్రిన్సిపాల్ రూం కు వెళ్ళాడు.

రూం లో తొమ్మిదవ తరగతి విద్యార్థులు విజయ్, రాజేష్, అనిల్ కనిపించారు. వారిని అక్కడ చూడగానే విషయం అర్ధమయింది శ్రావణ్ కుమార్ కు.

ప్రిన్సిపాల్ గారికి యెదురుగా వున్న కుర్చీల్లో ముగ్గురు వ్యక్తులు కూర్చొని వున్నారు.

ప్రిన్సిపాల్, శ్రావణ్ కుమార్ ను చూస్తూనే "రండి శ్రావణ్ కుమార్ గారూ.. ఇటు కూర్చోండి. వీరు విజయ్, రాజేష్, అనిల్ ల తండ్రులు. మీమీద ఒక కంప్లైంట్ వచ్చింది. అందుకే పిలిపించాను. " అన్నాడు.

శ్రావణ్ కుమార్ కుర్చీలో కూర్చొని పిల్లల వైపు చూసాడు.

శ్రావణ్ కుమార్ తమవైపు చూడగానే వాళ్ళు ముగ్గురూ తలదించుకుని నేలచూపులు చూసారు.

"నిన్న రాత్రి మీరు బాగా తాగి వచ్చి ఈపిల్లలను కొట్టారని పిల్లలు అంటున్నారు. పొద్దున్నే ఫోన్ చేసి వారి తండ్రులను పిలిపించుకున్నారు. వారు మీ మీద పై అధికారులకు ఫిర్యాదు చేస్తామంటున్నారు. పిల్లలను కొట్టినందుకు పోలీస్ స్టేషను లో కంప్లయింట్ చేస్తామంటున్నారు. మీ క్వార్టర్స్ లో వెతికితే మందు సీసాలు దొరుకుతాయని ఈ పిల్లలు గట్టిగా చెపుతున్నారు. నిజమేనా? దీనికి మీ సమాధానం ఏమిటి?"

ప్రిన్సిపాల్ ప్రశ్నించాడు శ్రావణ్ కుమార్ ను చూస్తూ..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/npy_NU12Knc

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Thathasthu - New Telugu Story Written By Mohana Krishna Tata

'తథాస్తు' తెలుగు కథ

రచన : తాత మోహనకృష్ణ

(కథా పఠనం: మల్లవరపు సీతారాం కుమార్)

చాలా సంవత్సరాల క్రిందట, ఒక ఊరిలో భార్య- భర్త ఉండేవారు. ఇద్దరు చాలా ప్రేమగా ఉండేవారు. వాళ్ళకి సంతానం లేదు. రాము చాలా మంచివాడు. కష్టపడి వ్యవసాయం చేస్తాడు. దురలవాట్లు లేవు. భార్య ను బాగా చూసుకుంటాడు. ఒక రోజు రాము ను, పండక్కి తనకి ఒక మంచి చీర కొనమని కోరింది కాంతం.

"కాంతం! ఈసారి కష్టమే, మరోసారి కొంటాను! నా మాట వినవే. "

"ఈ మాట మీరు ఇప్పటికి చాలా సార్లు చెప్పారు. ఆడవారికి చీరలు, నగలు అంటే ఎంత ఇష్టమో, మీకు తెలియదా?"

"తెలుసే! కానీ ఏమి చేయమంటావు? ఈసారి కుదరదంతే!"

"ఒక చీర కూడా కొనలేని మీరూ ఒక భర్తేనా?”

చిన్న చిన్న గా మొదలైన గొడవ కాస్తా పెద్దగా అయ్యింది. దేవుడా! ఈ భర్త నెందుకు ఇచ్చావు. మా నాన్న చెప్పిన మరొక సంబంధం చేసుకుని ఉంటే, ఈ పాటికి మహారాణి లాగా ఉండేదానిని. కాలం వెనుకకు వెళ్తే బాగుణ్ణు” అనుకుంది.

అక్కడే ఉన్న తథాస్తు దేవతలు - "తథాస్తు" అన్నారు. కాలం తన పెళ్ళిచూపులు ముందు రోజు కు వెళ్ళి ఆగింది.

"తల్లీ! కాంతం! నీకు రెండు పెళ్ళి సంబంధాలు వచ్చాయి. నీకు ఎవరు నచ్చారో చెప్పు" (ఈసారి, ఆ రాము కాకుండా, ఈ సోము ను చేసుకుంటాను. సోము కు బాగా డబ్బు ఉంది - మనసులో అనుకుంది కాంతం)

అప్పుడు కాంతం, తనకు సోము అంటే ఇష్టమని చెప్పింది. కాంతం-సోము పెళ్ళి జరిగింది. కొన్ని రోజులు, ఇద్దరూ చాలా ఆనందంగా ఉన్నారు. కాంతం కోరుకున్న చీరలు, బీరువా నిండా ఉన్నాయి. ఒక రోజు, భర్త సోము - తాగి ఇంటికి వచ్చాడు.

"ఇదేమిటి ఈ పాడు అలవాటు" అంది కాంతం.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/NP44-sg3DNI

(కథ manatelugukathalu.com లో చదవడానికి కథ పేరు మీద క్లిక్ చేయండి)

'నేటి తరం అమ్మాయి పార్ట్ 2/2' పెద్ద కథ చివరి భాగం

రచన : లక్ష్మీ శర్మ త్రిగుళ్ళ

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ:

కూతురు సౌజన్య పెళ్లికోసం తొందర పడుతుంది సుభద్ర.

తాను ఒక అబ్బాయితో కలిసి ఉంటున్నట్లు చెబుతుంది సౌజన్య. తనను పెళ్లి విషయంగా తొందర పెట్టొద్దని చెబుతుంది. రఘు కోరినట్లు ఆస్తిని తనపేరు మీద రాయించుకుంటుంది.

ఇక నేటి తరం అమ్మాయి పెద్దకథ చివరి భాగం చదవండి.

"ఏమండి ఏం చెప్పారు మీ అమ్మాయికి, నన్నేమో నోరెత్తెద్దు అని నా నోరు మూయించారు. పోనీ.. మీరన్న దాని మనసు మార్చి పెళ్లికి ఒప్పించారా? ఏమన్నదేంటి మీ కూతురు, " అడిగింది భర్త దగ్గర కూర్చుంటూ.

"నీ ఆత్రం చూస్తుంటే నీ కూతురు ఒప్పుకుంటే రేపే పెళ్ళి చేసేలా ఉన్నావు.. అంత తొందర పనికిరాదు సుభద్ర.. కాస్త నిదానంగా ఉండు. తొందరలోనే నీ కూతురు నువ్వు చెప్పినట్టు వినే రోజు వస్తుంది, " ముసిముసిగా నవ్వుతూ చెప్పాడు.

"ఊ ఊ .. మీకంతా వేళాకోళంగానే ఉంటుంది, పెళ్ళీడు దాటిపోయి ముదురు తయారవుతుంది మీ కూతురు. ఇంకా పసిపాపేం కాదు తనకు నచ్చచెప్పడానికి. నలుగురిలో తలెత్తుకోలేకుండా ఉన్నాము ఇప్పటికే. ఏం చేస్తారో ఏంటో? నాకు దాని పెళ్ళి చక్కగా చేసి అత్తవారింటికి పంపించేదాక నా మనసు నిలకడగా ఉండదు, " అంది గొంతులో బాధను బయటకు రానివ్వకుండా.

***

"హాయ్ రఘు.. ఎక్కడున్నావు ? నేను వచ్చేవరకు గదిలో ఉంటావనుకున్నాను, ఫోన్ చేసాను ఫోన్ ఎత్తలేదు. నువ్వు త్వరగా మన రూం దగ్గరకు వచ్చేయ్యి. నీకో గుడ్

న్యూస్ చెప్పాలి, " అంటూ ఫోన్ కట్ చేసింది. రఘు ఎప్పుడెప్పుడు వస్తాడా ఆస్తి విషయం చెపితే రఘు ఎంత సంతోషపడిపోతాడోనని ఆత్రంగా చూడసాగింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/3tdve0DN-jI

(కథ manatelugukathalu.com లో చదవడానికి కథ పేరు మీద క్లిక్ చేయండి)

'సంచిక పొంగింది - ఎపిసోడ్ 5/6' తెలుగు ధారావాహిక

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

డోర్ బెల్ మోగుతుంది.

కామాక్షి డోర్ తెరిచింది.

ఎదురుగా.. శ్రీకర్.

కామాక్షి పలకరించింది. లోనికి ఆహ్వానించింది.

హాలులో వాగ్దేవి వీల్ఛైర్ లో ఉంది.

శ్రీకర్ అక్కడి సోఫాలో కూర్చున్నాడు.

"కాఫీ తేనా బాబూ" అడిగింది కామాక్షి.

"అడగడం ఏంటి. తే. " చెప్పింది వాగ్దేవి.

"లేదు లేదు. వద్దు. నా బ్రేక్ఫాస్ట్ ఐ.. గంట కూడా కాలేదు."

చెప్పాడు శ్రీకర్.

ఆ వెంబడే.. "ఆంటీ అలా కూర్చొండి. " అన్నాడు.

కామాక్షి మరో సోఫా కుర్చీలో కూర్చుంది.

"సంచిక.. వాగ్దేవి ప్లేస్ లో రిపోర్ట్ ఇచ్చింది. నేను హాజరయ్యాను. అటు నుండే నేరుగా ఇలా వచ్చాను. " చెప్పాడు శ్రీకర్.

"అంతా సవ్యమేగా బాబూ. " అంది కామాక్షి.

"ఏమీ కంగారు లేదు. వాగ్దేవి తేలికయ్యే వరకు.. తన వర్క్ ను సంచిక చేసి పెట్ట గలదు. " చెప్పాడు శ్రీకర్.

"మీ సాయంని మరవం బాబూ. " చెప్పింది కామాక్షి.

"ముమ్మాటికి. మీ తీరులు మమ్మల్ని కుదుట పెట్టాయి. థాంక్స్. " చెప్పింది వాగ్దేవి.

"మరదే. ఆ కంపెని వాళ్లు ఛాన్స్ ఇచ్చారు. లేక పోతే మేము చేసేది ఏమీ ఉండదు. " చెప్పాడు శ్రీకర్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/Oc7ImGMIUWs

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Manasuloni Prema Episode 4/6' - New Telugu Web Series Written By Yasoda Pulugurtha

'మనసులోని ప్రేమ - ఎపిసోడ్ 4/6' తెలుగు ధారావాహిక

రచన: యశోద పులుగుర్త

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ:

ముప్పై రెండేళ్ల మురారికి ఇంకా పెళ్లి కాలేదు. ప్రేమించిన చైత్ర కు తన ప్రేమను వ్యక్తపరచక పోవడంతో ఆమెకు మరొకరితో వివాహం అవుతుంది. ఆమెను మర్చిపోలేని మురారికి మరే అమ్మాయీ నచ్చదు.

అతనికి నందిని అనే అమ్మాయినుండి ఫోన్ వస్తుంది. మురారి ప్రొఫైల్ తనకు నచ్చిందని, అతన్ని పెళ్లి చేసుకుంటానని చెబుతుంది. తన బావ ఫణింద్రతో కూడా ఆ సంగతి చెబుతుంది.

మురారి తల్లి మరణిస్తుంది. తన పెళ్లి బావతో ఫిక్స్ అయినట్లు చెబుతుంది నందిని.

ఇక మనసులోని ప్రేమ - ఎపిసోడ్ 4 చదవండి..

''ఆ రోజు మీరు కళామందిర్ లో షాపింగ్ ముగించుకుని వస్తూండగా మాకు ఎదురుపడ్డారు. ‘హమ్మయ్య! వెతకబోయిన తీగ కాలికే తగిలి’నట్లు హుషారు వచ్చేసింది నాకు. బావను ఏడిపించే ఒక మంచి అవకాశం అనుకుంటూ మనిద్దరకూ పెళ్లి చూపులైనాయని, నాకు మీరు నచ్చారని చెప్పేసరికి మా బావ ముఖం ఎలా మాడిపోయిందో గమనించారా మురారిగారూ?

ఎలా వాళ్ల నాన్నను ఒప్పించాడోగానీ మా పెళ్లికి పచ్చ జండా ఊపాడు మా మామయ్య. అందుకనే ఈ రోజు మీకు జరిగింది వివరంగా చెపుదామనే ఇలా వచ్చాను. మిమ్మలని ఒక్క విషయం అడగచ్చా?”

“ఏ విషయం నందినీ?”

“ఇంతకాలం మీరు పెళ్లెందుకు చేసుకోలేదు?”

జవాబు చెప్పలేక మౌనం వహించాడు.

"నేను చెప్పనా? మీరు ఒక అమ్మాయిని ప్రేమించి ఉండచ్చని ఊహిస్తున్నాను".

నందిని మాటలకు తృళ్లిపడ్డాడు.

"మీరు మీ ప్రేమను ఆ అమ్మాయితో చెప్పలేకపోయారు. ఆ అమ్మాయిని మరచిపోలేక పెళ్లి చేసుకోకుండా ఉండి పోయారు. చూడండి మురారిగారూ, మనకు ఇష్టమైన వస్తువు పట్ల ప్రేమను పెంచుకుంటూ దానిని సొంతం చేసుకోవడానికి అహర్నిశలూ ప్రయత్నిస్తూ మొత్తానికి దానిని చేజిక్కించుకుంటాం. ప్రేమ కూడా అంతే.

అసలు మీరు ప్రేమించిన అమ్మాయి ఎలా ఉందో ఎక్కడ ఉందో ఎప్పుడైనా తెలుసుకున్నారా? ఎందుకు తెలుసుకోవడం అంటారా? ఏమో ఎవరికి తెలుసు? ఆ అమ్మాయికి పెళ్లి అయిపోయింది కదా అని మీరనుకోవచ్చు. కానీ ఆ పెళ్లి కాస్తా పెటాకులు అయిపోయి ఉంటే? అమెరికా సంబంధాలైతే ఇంక చెప్పనవసరమే లేదు. ఎన్ని అనుకోని సంఘటనలు జరుగుతున్నాయండీ ఇవాళా రేపూ? ఒకవేళ ఆ అమ్మాయి తన భర్త పిల్లలతో హాయిగా సంసారం చేసుకుంటుంటే మీరెందుకు తన గురించి దేవదాసు అయిపోవాలండీ?

తొందరలో మీరూ పెళ్లి చేసుకోండి మురారిగారూ. సారీ, మీమీద జాలితోనో, సానుభూతితోనో నేను ఈ మాటలు చెప్పడం లేదు. మీరంటే ఒకలాంటి గౌరవం అంతే. మా పెళ్లికి తప్పక రావా”లంటూ వెళ్లిపోతున్న నందిని వైపు అలా చూస్తూ ఉండిపోయాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/n7c9fzIXRck

(కథ manatelugukathalu.com లో చదవడానికి కథ పేరు మీద క్లిక్ చేయండి)

'నేటి తరం అమ్మాయి పార్ట్ 1/2' తెలుగు కథ

రచన : లక్ష్మీ శర్మ త్రిగుళ్ళ

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

"ఏమండీ! మన అమ్మాయికి మంచి పెళ్ళి సంబంధం వెతకండి, ఈడొచ్చిన పిల్లను అలా గాలికొదిలేసినట్టు ఊరుకుంటే ఎలాగా? అదేమో ఉద్యోగమంటూ పట్నంలోనే

ఉంటుంది. పెళ్ళి అంటేనే అంతెత్తు ఎగిరిపడుతుంది. అది తానా మీరు తందానా అంటారే తప్ప దాన్ని ఒప్పించే ప్రయత్నం చెయ్యరు. నేనుంటేనేమో నన్ను గంజిలో ఈగను తీసిపడేసినట్టు చూస్తుంది. దానితోటి వాళ్ళందరు పెళ్ళిళ్ళు చేసుకుని చక్కగా కాపురాలు చేస్తూ పిల్లాపాపలతో హాయిగా ఉన్నారు. ఇదేమో మన మాట వినడంలేదాయే.. దేవుడా! నువ్వన్నా దాని మనసు మార్చు తండ్రి, " అంటూ భర్తతో చెప్పిందే చెప్పి దేవుడితో మొరపెట్టుకుంది సుభద్ర.

“అబ్బా.. ఏమిటే నీగోల! ఉదయం లేచినప్పటి నుండి ఇదే నసనా, ఇంకేవిషయాలు తోచవా మాట్లాడడానికి? అదేమో నేను నాకు నచ్చిన అబ్బాయి వచ్చేంతవరకు పెళ్ళిమాట

ఎత్తకండి అంటుంది, నువ్వేమో పెళ్ళో పెళ్లో అంటూ నా ప్రాణం తింటున్నావు. నేనెవరి మాట వినాలో నాకు తెలియడం లేదు సుభద్రా, " అన్నాడు కృష్ణమూర్తి.

“బాగుంది మీ వరస.. కన్న కూతురిని చూసి భయపడేవాణ్ణి మిమ్మల్నే చూస్తున్నా, అదన్నదని చెప్పి మన ప్రయత్నం మనం చెయ్యకుండా ఉంటామా? అయినా ఏ ఆడపిల్లైనా నాన్న.. నాకు పెళ్ళిచెయ్యండి అని అడుగుతుందా? దానికి నచ్చిన అబ్బాయి దొరకాలన్నా ప్రయత్నం చెయ్యాలి కదా! ఊరకే వచ్చి ఎదురుగా నిలబడడు కదా! అది చెప్పడమూ మీరు గంగిరెద్దులా తలూపడం సరిపోయింది, " వ్యంగ్యంగా అంది సుభద్ర.

"అమ్మా మహాతల్లి.. నీతో మాట్లాడలేను గానీ నువ్వు, నీ కూతురు మీ ఇష్టం వచ్చినట్టు చేసుకొండి, " చిర్రుబుర్రులాడుతూ చెప్పులు వేసుకుని బయటకు వెళ్ళిపోయాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/NkaKyXDTkDI

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Dorasani Part 2/2' - New Telugu Story Written By Surekha Puli

'దొరసాని పార్ట్ 2/2' పెద్ద కథ చివరి భాగం

రచన: సురేఖ పులి

(కథా పఠనం: మల్లవరపు సీతారాం కుమార్)

జరిగిన కథ:

కుటుంబానికి దూరంగా హైదరాబాద్ లో ఉంటాడు బట్టల మిల్లు యజమాని సక్సేనా.

వంట మనిషిగా డ్రైవర్ నర్సింగ్ భార్య చెన్నమ్మ చేరుతుంది.

ఆమె కొడుకు చదువుకు అన్ని విధాలా సహాయం చేస్తాడు సక్సేనా.

క్రమంగా ఆమె మీద అభిమానం పెరుగుతుంది.

తన ఇష్టాన్ని ఆమెతో చెబుతాడు.

మొదట సంకోచించినా తరువాత ఆమోదం తెలుపుతుంది చెన్నమ్మ.

ఇక దొరసాని పెద్దకథ చివరి భాగం చదవండి..

"మాకు సంక్రాంతి చాలా పెద్ద పండుగ. నా భార్య, పిల్లలు వస్తున్నారు. కొంచెం పని ఎక్కువ ఉంటుందేమో.. సర్దుకుపోవాలి" సక్సేనా ఇద్దరినీ కూర్చోబెట్టి చెప్పాడు.

"అలాగే సార్, ఏమేమి వంటలు చేయాలో చెప్పండి" చెన్నమ్మ అడిగింది.

"మా వాళ్లకి హైదరాబాద్ చూపించాలి. ఎక్కువగా బయట హోటల్ భోజనమే చేస్తారు. కానీ వాళ్ళకి దోసా, ఇడ్లీ చేయడం రాదు. తినటం మాత్రం చాలా ఇష్టం. ఎప్పటికప్పుడు వంటల విషయం నా భార్య చెప్తుందిలే".

ఇల్లంతా బాగా శుభ్రం చేయమన్నాడు, కొత్త పూల మొక్కలు నాటించాడు యజమాని.

భోగి పండుగ రోజున సక్సేనా భార్య ఇద్దరు కూతుళ్ళు, అల్లుళ్ళు, వాళ్ళ పిల్లలు నలుగురు వచ్చారు. ఒకటే హడావిడి "నానాజీ" అంటూ పిల్లలు ఆడుకుంటూ అల్లరి చేస్తున్నారు.

సక్సేనా భార్య సుప్రీత్ కోరిక మేరకు చెన్నమ్మ వంటలు చేసింది. పంజాబీ భాష అర్థం కాకపోయినా సైగలతో సర్దుకు పోయారు నర్సింగ్ చెన్నమ్మ లు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/RFdZokstzNE

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Dorasani Part 1/2' - New Telugu Story Written By Surekha Puli

'దొరసాని పార్ట్ 1/2' పెద్ద కథ మొదటి భాగం

రచన: సురేఖ పులి

(కథా పఠనం: మల్లవరపు సీతారాం కుమార్)

కాంటెస్సా కార్లో కూర్చొని ఎకనామిక్ టైమ్స్ పేపర్ చదవడం పూర్తి చేశాడు సక్సేనా. కారు సికింద్రాబాద్ నుండి బాలానగర్ ఇండస్ట్రియల్ ఎస్టేట్ లోని బట్టలమిల్లు వైపు వెళుతున్నది.

"నర్సింగ్! నాకు ఒద్దికైన వంట మనిషి కావాలి. ఇంటి మనిషిలా సర్దుకుపోవాలి" కారు నడుపుతున్న డ్రైవర్తో యజమాని చెప్పాడు.

'జీతం ఎంత ఇస్తారు సార్ ".

"వెయ్యి రూపాయలు".

"ఏ టైం లో కావాలి సార్ ".

"మూడు పూటలా భోజనం ఏర్పాటు చేయాలి, ఇంట్లోనే ఉండిపోతే బాగుంటుందేమో".

"అట్లాగే సార్".

"నా ఆరోగ్యం పైన శ్రద్ధ చూపే నమ్మకమైన మనిషి కావాలి".

కారు డ్రైవ్ చేస్తున్న నర్సింగ్ ఆలోచించసాగాడు. ఉదయం ఎనిమిది నుండి రాత్రి ఎనిమిది వరకు డ్రైవర్ ఉద్యోగం. రెండు వేల జీతం. భార్య రెండు ఇళ్లలో పని చేస్తున్నా, కొడుకు చదువు, ఇంటి కిరాయి, రోజూ ఖర్చులతో సర్దుకుపోవడం కష్టంగా ఉంది.

ప్రతీరోజు లాగా నర్సింగ్ రాత్రి కాగానే మత్తుమందులోకి దిగలేదు. భార్య చెన్నమ్మ పక్కలో చేరి విషయం చెప్పాడు.

"వంట మనిషిగా వెయ్యి, ఇంటిపనులకు ఇంకో వెయ్యి అడుగుదాం. సార్ ఇంట్లో సర్వెంట్ రూమ్ కూడా ఉంది. ఆ రూము మనం వాడుకోవచ్చును". నర్సింగ్ ఆశ మొదలయింది.

"మీ సార్ నన్ను వంట మనిషిగా ఒప్పుకుంటాడా ?"

"ఎందుకు ఒప్పుకోడు, ఆయనకు కావాల్సింది పనిలో శ్రద్ధ, నిజాయితీ. ఇవి రెండూ మనలో ఉన్నాయి" భర్త సమర్ధన.

"మీ సార్ భార్యా పిల్లలూ ఎవరూ లేరా?"

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/2iPUTRBC5Nc