Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

'సంచిక పొంగింది - ఎపిసోడ్ 6/6' తెలుగు ధారావాహిక చివరి భాగం

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

వాగ్దేవి జాబ్ ను.. సంచిక చేపట్టి.. పదహారు రోజులు పూర్తయ్యాయి.

కంపెని క్యాంటిన్ లో.. లంచ్ సమయాన..

"ఆ వాగ్దేవి.. మీ అంత పనిమంతురాలేనా.. అలా కాకపోతే.. తను డ్యూటీలో జాయినయ్యాక.. తనకు కష్టమవుతుంది. " అంది ఆ కంపెని ఎంప్లాయ్ ఒకరు. తను సంచిక టేబుల్ న.. ఎదురుగా కూర్చుని ఉంది.

సాంబారుతో అన్నం కలుపుకుంటున్న సంచిక తలెత్తింది.

"ఎందుకు. " అడిగింది.

"మరే.. మీ వర్క్ చూస్తున్నాంగా. చాలా గొప్పగా సాగిస్తున్నారు. మీ తీరు ఆమెకు లేకపోతే కష్టమవుతుందిగా. " అంది ఆ ఎంప్లాయ్.

"మొదటిలో నాకూ ఈ వర్క్ కొత్తే. అవసరం కొద్దీ నేను అలవాటు చేసుకోలే. తనూ అంతే కాదనుకోవడం ఏమిటి. " విడ్డూరమయ్యింది సంచిక.

"ఏమో. చాన్నాళ్లు అవుతుంది మేము చేరి. మాకు ఇప్పటికీ మీ అంత స్పీడ్ రాలే. " చెప్పింది ఆ ఎంప్లాయ్.

"శ్రద్ధ ఉండాలి. కష్టాన్ని ఇష్టంగా మార్చుకుంటే.. ఏదీ అసౌకర్యం కాదు.. అసాధ్యం కాదు. " చెప్పింది సంచిక.

"ఏమో. " అనేసింది ఆ ఎంప్లాయ్.

సంచిక.. తల దించుకొని.. లంచ్ కొనసాగిస్తుంది.

"మీకు ఇంత టాలెంట్ ఉండి.. మీరు సెలక్ట్ కాకపోవడం చిత్రంగా ఉంది. " అనేసింది ఆ ఎంప్లాయ్.

సంచిక తలెత్తింది. ఆ ఎంప్లాయ్ నే చూస్తుంది.

"మాట వరసగా అనుకోవాలిగా. " తడబడింది ఆ ఎంప్లాయ్.

"ఎందుకు. ఐనా. ఇంటర్వ్యూ ఉన్న టైంలో ఫేస్ చేయడం ఒక లెక్క.. ఇలా జాబ్ టైంలో వర్క్ చేయడం మరో తీరు. దానికి దీనికి లింక్ అసమంజసం. అప్పుడు టెన్షన్ ఉంటుంది.. ఇప్పుడు మెన్షన్ ఉంటుంది. " అంది సంచిక. వెంటనే తల దించుకుంది. పెరుగును అన్నంలో వేసుకుంటుంది.

అప్పుడే.. "ప్రయివేట్ కంపెని ఐనంతన.. ఒకరిది బదులు మరొకరితో జాబ్ చేయించడం ఏమిటో. " టక్కున అనేసింది ఆ ఎంప్లాయ్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/X8cZNm9qcfs

(కథ manatelugukathalu.com లో చదవడానికి కథ పేరు మీద క్లిక్ చేయండి)

'మనసులోని ప్రేమ - ఎపిసోడ్ 5/6' తెలుగు ధారావాహిక

రచన: యశోద పులుగుర్త

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

ఆరోజు ఆదివారం, సమయం సాయంత్రం ఆరుగంటలు. శీతాకాలం. మలిసంధ్యకాంతులతో పుడమి కెంజాయిరంగు లీనుతోంది.

జూబ్లీహిల్స్ లోని “లిటిల్ ఇటలీ” రెస్టారెంట్ లో మురారి, చైత్రా ఇద్దరూ టేబుల్ కి ఎదురెదురుగా కూర్చున్నారు.

“అబ్బ, పది సంవత్సరాల తరువాత నిన్ను చూస్తున్నాను మురారీ ? నీలో పెద్దగా మార్పు లేదు కానీ మరింత రంగుదేలి స్మార్ట్ గా కనిపిస్తున్నావు. బట్ నైస్ టూ సీయూ, ఎలా ఉన్నావు, ఎందుకు నన్ను కలవాలని ఇక్కడకు పిలిచావు?"

“నేను బాగానే ఉన్నాను చైత్రగారూ”.

“చైత్రా అను చాలు”.

“థాంక్యూ, ఆ మధ్య మన క్లాస్ మేట్ అభిరామ్ కి ఫోన్ చేసాను. అభీ గుర్తున్నాడు కదూ చైత్రా?"

“ఓ, అభీ గుర్తులేకపోవడం ఏమిటి మురారీ? 'ఎర్ర తేలంటూ' నిక్ నేమ్ తో పిలిచేవాళ్లం కదా”. గుర్తొచ్చిందో ఏమో ఫక్కుమంటూ నవ్వేసింది. నవ్వుతుంటే ఆమె బుగ్గలమీద ఏర్పడిన డింపుల్స్ చూడడానికి ఎంతో ముచ్చటగా అనిపించాయి.

“కాలేజ్ విడిచి వెళ్లిపోయాకా మన క్లాస్ మేట్స్ ఎవ్వరితో నాకు కాంటాక్ట్స్ లేవు చైత్రా. చాలా మంది యూ. ఎస్, మరో దేశాలకు వెళ్లి పోయారని తెలిసింది. నీ గురించి సడన్ గా గుర్తొచ్చి అడిగాను. నీవు ఇండియాలోనే ఉన్నావన్నట్లు మిగతా వివరాలేమీ తెలియవన్నాడు. యూ. ఎస్ నుండి ఇండియా వచ్చేసారేమో అనుకున్నాను”.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/MdXQfdeNbWM

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Koduku Bangaram' - New Telugu Story Written By Susmitha Ramana Murthy

'కొడుకు బంగారం' తెలుగు కథ

రచన : సుస్మితా రమణ మూర్తి

(కథా పఠనం: మల్లవరపు సీతారాం కుమార్)

"ఆనంద్ బాబాయ్ గారున్నారా?.."

"నేనేనమ్మా!.. ఎవరు మాట్లాడేది?”

"నేనే బాబాయ్! అనంతయ్యగారి అమ్మాయి సుధని!"

"ఎలా ఉన్నారమ్మా అంతా?.. మీవారు, పిల్లలు బాగున్నారా?"

"అందరం బాగానే ఉన్నాం. డాడీ శ్వా స తీసుకోడానికి ఇబ్బంది పడుతున్నారన్నారు.. ఇప్పుడెలా ఉంది? ఇంట్లోనే ఉన్నారా?.. హాస్పిటల్లోనా?”

"మూడ్రోజుల క్రితం ఆస్పత్రిలో జాయిన్ చేసాను. నీగురించి, అన్నయ్య గురించి అదేపనిగా కలవరిస్తుంటే అన్నయ్యకు ఫోన్ చేసాను. వచ్చి, వెంటనే వెళ్ళిపోయాడమ్మా. మీరంతా వెంటనే రండమ్మా!"

"వారికి సెలవు దొరకలేదు. నెలాఖరులో వస్తాం. డాడీని జాగ్రత్తగా చూడండి బాబాయ్! అన్నయ్య వచ్చి వెంటనే ఎందుకు వెళ్ళిపోయాడు!?.."

"అన్నయ్యకు మన హైదరాబాదుకి బదిలీ అయింది. మీ వదిన, పిల్లలు పుట్టింట్లో ఉన్నారట! నాన్న గారికి ధైర్యం చెప్పి, వారిని తీసుకు రాపడానికి వెంటనే వెళ్ళిపోయాడమ్మా"

"అలాగా బాబాయ్! చాలా సంతోషం! అన్నయ్య ప్రక్కన ఉంటే నాన్న గారు త్వరలోనే కోలుకుంటారు”

"నేనూ అదే అనుకుంటున్నానమ్మా!”

"బాబాయ్ మిమ్మల్ని ఒక విషయం అడగడం మరచిపోయాను"

"ఏఁవిటమ్మా?"

"అదే !.. డాడీని ఆస్పత్రిలో చేర్చేముందు వారి చేతికున్న బంగారు కడియం, నాలుగు ఉంగరాలు, మెడలో ఉన్న గొలుసు తీసి భద్రపరిచారా?.."

"అన్నీ జాగ్రత్తగా నా దగ్గరే ఉన్నాయమ్మా!"

"మీరుండగా బెంగలేదు బాబాయ్! అనుకోకూడదు గాని, ఒకవేళ అనుకోనిది జరిగితే, .. అవి డాడీ గుర్తుగా మాకు ఉంటాయని!.."

"డాడీకి ఏమీకాదు.. ధైర్యంగా ఉండమ్మా!"

"అలాగే బాబాయ్!.. అన్నయ్యతో. మాట్లాడుతాను"

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/akMnGqrLz1Q

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Sailu Pantham' - New Telugu Story Written By Mohana Krishna Tata

'శైలు పంతం' తెలుగు కథ

రచన: తాత మోహనకృష్ణ

(కథా పఠనం: మల్లవరపు సీతారాం కుమార్)

"ఏమండీ! ఇంట్లో సరుకులు నిండుకున్నాయి. బజార్ కు వెళ్ళి తీసుకురండి!" అని గట్టిగా ఆర్డర్ వేసింది శైలజ.

"అలాగే శైలు" అన్నాడు రమేష్. ఇద్దరికీ పెళ్ళై 6 నెలలు అయ్యింది.

శైలు, చూడడానికి అందంగా, చలాకీ గా ఉంటుంది. చక్కగా చీర కట్టుకొని, పాపిడి బొట్టు పెట్టుకొని, లక్షణంగా కనిపిస్తుంది. కమ్మగా వండి పెడుతుంది. ఇంటి పనులు చక్కగా చేసుకుంటుంది. కానీ, దేనికైనా పంతం పడితే, ఆమె తో పోరాడి, జయించడం కష్టమే!

ఒక రోజు ఇంటికి శైలు ఫ్రెండ్ వచ్చింది. ఇద్దరూ, బాల్కనీ లో కూర్చొని మాట్లాడుకుంటున్నారు.

"ఎన్ని రోజులైందే నిన్ను చూసి శైలజ"

"అవునే సంగీత! ఎప్పుడో నా పెళ్లి కి వచ్చావే!"

"కొత్త 'ఫ్లాట్' కొన్నావని విన్నానే సంగీత! నిజమేనా?"

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/4Li-nvcUYZE

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Gajulu Chesina Pelli Part 2/2' - New Telugu Story Written By M R V Sathyanarayana Murthy

'గాజులు చేసిన పెళ్లి - పార్ట్ 2/2' తెలుగు కథ

రచన: M R V సత్యనారాయణ మూర్తి

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ:

బుద్ధిమంతుడైన కాలేజీ కుర్రాడు చంద్రశేఖర్.

అనుకోకుండా ఒక గాజుల కొట్లో అందమైన అమ్మాయిని చూసి మనసుపడతాడు. ఆ అమ్మాయి తాను చదివే కాలేజిలోనే చదువుతున్నట్లు తెలుసుకుంటాడు.

ఇక గాజులు చేసిన పెళ్లి పెద్దకథ చివరి భాగం చదవండి.

సాయంత్రం బి. ఎస్. సి. ఫస్ట్ ఇయర్ చదువుతున్న తమ ఊరి కుర్రాడు కిరణ్ ఇంటికి వెళ్లి, వాడిని బయటకు తీసుకువచ్చి ఆ అమ్మాయి గురించి చెప్పి, ఆ అమ్మాయి వివరాలు తెలుసుకోమని రిక్వెస్ట్ చేసాడు. కిరణ్ చిన్న నవ్వు నవ్వి, ‘మరి దీనికి కొంచం ఖర్చు అవుతుంది’ అన్నాడు, ముత్యాల ముగ్గు లో రావు గోపాలరావు లా. ‘సరే’ అని ఓ ఏభై నోటు వాడి కిచ్చాడు చంద్ర శేఖర్. రెండు రోజుల తర్వాత ‘దేవ’ శివాలయం లో కలుసుకున్నారు శేఖర్, కిరణ్.

“ఆ అమ్మాయి పేరు చంద్ర లేఖ. బ్యాంకు మేనేజర్ గారి అమ్మాయి. ఈ సంవత్సరమే శివపురం వచ్చారు. ఆ అమ్మాయి కి ఒక అన్నగారు ఉన్నాడు. తణుకు లో ‘పాల టెక్నిక్ కాలేజీ లో‘ చదువుతున్నాడు. కరాటే మాస్టారు. అది గుర్తు పెట్టుకో’ అన్నాడు కిరణ్ చేయి చాపుతూ. శేఖర్ ఇంకో ఏభై ఇచ్చాడు కిరణ్ కి.

ఒక శుక్రవారం నాడు కాలేజీ అయ్యాకా చంద్రలేఖ ని ఫాలో అయ్యాడు చంద్రశేఖర్. ఆమె కన్యకాపరమేశ్వరి గుడిలోకి వెళ్ళింది. సైకిల్ గోపురం దగ్గర పెట్టి లోపలకు వెళ్ళాడు. ఐదు నిముషాలకు చంద్రలేఖ బయటకు వచ్చి కళ్యాణ మండపం మెట్ల మీద కూర్చుంది. పడమరన ఉన్న చిన్న గాలి గోపురం శిఖరం పైనుండి సూర్య కిరణాలు ఆమె మొహం పై పడి, ఆమె మొహం మరింత కాంతివంతంగా ఉంది. నెమ్మదిగా నడిచి ఆమె ముందు నిలబడ్డాడు.

ఆమె తలెత్తగానే, హాయ్’ అన్నాడు. ఆమె ప్రశ్నార్ధకంగా చూసింది.

“మొన్న ‘గోరాయన’ కొట్టు దగ్గర మీ గాజు ఆది ఇచ్చారు కదండీ. నాకు చాలా మేలు చేసారు. థాంక్స్” అన్నాడు.

చంద్రలేఖకి ఆరోజు సంఘటన గుర్తుకు వచ్చి చిన్నగా నవ్వింది. ముగ్ధ మనోహరమైన ఆ నవ్వు చూసి మరోసారి మనసు పారేసుకున్నాడు చంద్ర శేఖర్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/XFZy1_lMU6Y

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Chanchalya' - New Telugu Story Written By Pandranki Subramani

'చాంచల్య' తెలుగు కథ

రచన: పాండ్రంకి సుబ్రమణి

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

బ్లోయింగ్ విండ్ సాఫ్టువేర్ కంపెనీ మియాపూర్ లో ఉన్న మియానీ కట్టడం ఐదవ అంతస్థులో ఉంది. కొత్త కట్టడం, కొత్త సాంకేతికపరమైన సోఫిస్టికేటడ్ హంగులతో ఫెళ్ళున చూపుల్ని తాకే అధునాతన తీరు తెన్నులతో కళ కళలాడుతూ ఉంటుంది. అటూ యిటూ ఇరువైపులా ఫ్రంట్ సపోర్టింగ్ ఆఫీసూ, బ్యాక్ సపోర్టింగు ఆఫీసూను-- ఎంతటి పని రద్దీలోనైనా సరే మోమున అలసట కనిపించని ఫ్రెష్ లుక్ తో ఫ్రెష్ ఫీల్ తో కనిపిస్తారు అక్కడి స్టాఫ్.

డ్రెస్ కోడ్ కి తావులేకుండా తాజాగా అప్పటికప్పుడు కార్యాలయానికి వచ్చినట్టు డ్రెస్సప్పయి కనిపిస్తూరు. అలా ట్రిమ్ గా నీటుగా ఉండటం కార్పొరేట్ కంపెనీ నియమం.. పెర్మార్మెన్స్ రివ్యూలో ఒక భాగం. బయటనుండి లోపలకు ప్రవేశించే చాలా మందికి, ముఖ్యంగా జాబ్ లో కుదరడానికి ప్రయాసపడే యువతీ యువకులకి అక్కడి నూతనోత్సాహపు కార్పొరేట్ వాతావరణంతో మమేకం కావడానికి కుతూహళం చూపిస్తారు.

అక్కడ ట్రేడింగ్ సాఫ్టువేర్ డెస్కు వద్ద సెటిల్ ఐన ఆరునెలల తరవాత ప్రకాశ్ నగరుకి చెందిన వరదరాజు ప్రక్క సీట్లో పనిచేస్తూన్న కోమలితో పరిచయం యేర్పడింది. యవ్వన ప్రాయ ప్రాంగణంలో డేషింగ్ పర్సనాలిటీస్ ని ద్విగుణీకృతం చేసుకునే ఇద్దరు అపోజిట్ జెండర్ కి చెందిన యువతీ యువకులు దగ్గర కావడం సహజమే కదా! సుమావాంఛకున్న సహజ గుణాంశం అదే కదా!

చూపులూ చూపులూ లాక్ అయి, గాలానికి చేపలు తగుల్కున్నట్టు యేర్పడ్డ ఆ దగ్గరితనం మోహతరంగాలలో తేలి పోయేలా చేయడం కూడా సహజ పరిణామమే కదా! అపోజిట్ సెక్స్ శరీర వాసనలు ముఖ్యంగా ఈస్ట్రోజిన్ హార్మోనులు పరస్పరం ఒరసుకోవడంలో ఆశ్చర్యం యేముంది? ఇక కావలసింది ఒడుపుగా ఆనంద తీరాలను అందుకోవడమేగా మిగిలింది. ఇక పెద్దల సమక్షాన పెళ్లి చూపులకు లాంఛన ప్రాయంగా యేర్పాటు చేయడమేగా తరవాయి.

అప్పుడు వరదరాజుకి తన కాలేజీ మేట్ మదన్ నుంచి ఫోను వచ్చింది. తను పంపించిన రెస్యూమ్ ని యెలాగో ఒకలా ఎమ్డీ కారిడర్ లోకి పుష్ చేయమని. ఎంతటి సాన్నిహిత్యం గల కాలేజీ మేటయినా వరదరాజు ఈ విషయంలో రెండడుగులు వెనక్కివేసాడు.

ఎందుకంటే మదన్ పోకడ గురించి.. ముఖ్యంగా అతడి మనస్తత్వం గురించి అతడికి తెలుసు కాబట్టి. కాలేజీలో ఒకే బ్యాచ్ మేట్సయినా వరజరాజు సాధ్యమైనంత మేర మదన్ దరదాపుల నుండి తొలగి ఉండటానికి ప్రయత్నించేవాడు. కారణం- మదన్ కి దూకుడెక్కువ. అవసరం ఉన్నా లేకపోయినా అతడు అందిరితో.. ముఖ్యంగా అందమైన అమ్మాయిల చూపుల్లో పడటానికి ఉబలాట పడుతుంటాడు. జాలరిలా ఊడి బయటకు రానివ్వని ఫ్యాబ్రిక్ వల వేస్తుంటాడు. చురుకైన హావభావాలతో పాలల్లో నీళ్ళలా వాళ్లతో కలసిపోతుంటాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/iiBF3_p62lU

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Parivarthana Vaipu Payanam' - New Telugu Story Written By Kasivarapu Venkatasubbaiah

'పరివర్తన వైపు పయనం' తెలుగు కథ

రచన : కాశీవరపు వెంకటసుబ్బయ్య

(కథా పఠనం: మల్లవరపు సీతారాం కుమార్)

ఏమండీ శ్రీవారూ! ఎంత ఆదివారమైతే మాత్రం ఏమిటండీ! పది గంటలైనా నిద్రలేవలేదూ! లేవండీ స్వామీ! మార్కెట్ పోయి కూరగాయలు తెస్తురు!" అన్నది జంకుతూ, నసుగుతూ, లేని గాంభీర్యం ప్రదర్శిస్తూ.. రాజేంద్ర భార్య త్రివేణి.

రాజేంద్ర ఆఫీసు సెలవు దినాలలోనూ, ఆదివారాలలోనూ కాస్త ఆలస్యంగా నిద్ర లేవడం పరిపాటి. భార్య పిలుపుతో లేచి, బాత్ రూముకి పోయి ముఖం కడిగి, స్నానం ముగించి, డ్రెస్ వేసుకొని డైనింగ్ హాల్ లోకి వచ్చాడు రాజేంద్ర. త్రివేణి వడ్డించిన టిఫిన్ తిని "ఇంకేమిటి విషయం" అన్నట్లుగా భార్య వైపు చూశాడు.

"ఏమీ లేదండీ ! మార్కెట్టుకు పోయి కూరగాయలు, ఆకుకూరలు, పండ్లు, పూలు తేవాలి. అంతేనండి." అంది ఏమంటాడోనని అనుకుంటూ.. అనుమానిస్తూ..

"బ్యాగ్ యివ్వు! తెస్తాను" భర్త అనగానే త్రివేణి ముఖం సూర్య బింబంలా వెలిగిపోయింది. పరుగున పోయి బ్యాగ్ తెచ్చి భర్త చేతిలో పెట్టింది త్రివేణి, ఆలస్యమైతే మనసు ఎక్కడ మార్చుకుంటాడేమోనని.

రాజేంద్ర బ్యాగ్ తీసుకుని స్కూటరుకు తగిలించుకొని మార్కెట్టుకు బయలుదేరే సరికి టైమ్ పదకొండు దాటింది. ఎండ తీక్షణంగా కాస్తుంది. ఏప్రిల్ నెల కావడం వల్ల ఎండలు తీవ్రంగా వున్నాయి. మార్కెట్ విపరీతమైన రద్దిగా వుంది. కొనుగోలుదారులతో వ్యాపారస్తుల అరుపులతో కేకలతో అడుక్కునే వారి దేబరింపులతో మార్కెట్టు గందరగోళంగా ఉంది.

రాజేంద్ర స్కూటరును పార్కింగ్ స్థలంలో నిలిపి బ్యాగ్ తీసుకుని మార్కెట్లోకి పోతుంటే - ఏడేళ్ల పాప తన తల్లితో కలిసి అడుక్కునే దృశ్యం చూసి ఆగిపోయాడు. ఎర్రటి ఎండలో వచ్చిపోయే వాళ్ళను "ధర్మం చేయండి బాబు! ధర్మం చేయండి బాబు!" అంటూ దీనంగా భిక్షం అడుగుతుంది.

జనం పాపను చూసి జాలిపడి రూపాయో, రెండు రూపాయలో ఆమె గిన్నెలో వేస్తున్నారు. నిజానికి పాప అమ్మది అదే ఉపాయం కూడా. చిన్న పిల్లను వెంటబెట్టుకుని వస్తే పాపను చూసి జాలిపడి డబ్బులు వేస్తారని ఆమె ఉద్దేశం.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/e4KSg5cIKqk

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Gajulu Chesina Pelli Part 1/2' - New Telugu Story Written By M R V Sathyanarayana Murthy

'గాజులు చేసిన పెళ్లి - పార్ట్ 1/2' తెలుగు కథ

రచన: M R V సత్యనారాయణ మూర్తి

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

“ఇదిగో వెంకట లక్ష్మి, నేను పోస్ట్ ఆఫీస్ కి వెళ్లి మా అక్కకి ఉత్తరం పోస్ట్ లో వేసి, అక్కడి నుండి ‘గోరాయన కొట్టు’ దగ్గరకు వస్తాను. నువ్వు కూడా అరగంటలో అక్కడ ఉండాలి” అంది కమల, పక్కింటి వెంకటలక్ష్మి తో.

“అలాగే వదినా. నేనూ గాజులు కొనుక్కోవాలి. గోరాయన కొట్టు దగ్గరకే వస్తాను. కానీ నువ్వు నాకో సాయం చేయాలి” అడిగింది కమలని, వెంకటలక్ష్మి.

“ఏం చేయాలి?” నవ్వుతూ అడిగింది కమల.

“వచ్చేటప్పుడు రెడ్డి గారి కొట్టు దగ్గర, నాకో రేడియో కొని పెట్టాలి.. నీ రేడియో లాగే ఝాం అని మోగుతూ ఉండాలి. మా ఆయన దుబాయ్ నుంచి వచ్చేటప్పటికి నా రేడియో చూసి ఆశ్చర్య పోవాలి”

కళ్ళు పెద్దవి చేసి ఆనందంగా చెప్పింది వెంకటలక్ష్మి. ఆమె మాటలకు, కమల నవ్వుకుంది. అలాగే అని తలూపింది కమల. అత్తగారితో ‘బయటకు వెళ్తున్నాను’ అని చెప్పి రోడ్డు మీదకు వచ్చింది కమల. ఉదయం పదిగంటల సమయం. మెయిన్ రోడ్డు జనంతో బిజీ గా ఉంది. ఆరోజు సోమవారం. శ్రావణ మాసం ఆదివారం ప్రారంభం అయ్యింది. సరుకులు కొనుక్కునే వారితో, బట్టలు కొనుక్కునే వారితో షాపులు అన్నీ కిట కిట లాడుతున్నాయి.

కమల బీళ్లవారి రామాలయం దాటి, కామాక్షి అమ్మవారి గుడి దగ్గరకు వచ్చింది. లోపలకు వెళ్లి అమ్మవారికి దణ్ణం పెట్టుకుంది.

పూజారి సూరిబాబు “ఏం కమలా, పొద్దున్నే బయలుదేరావు? షాపింగ్ కా” అన్నాడు.

“అవునండి. రేపు శ్రావణ మంగళ వారం కదండీ, గాజులు, పువ్వులు, పళ్ళూ కొనుక్కోవాలి. వస్తానండి” అని చెప్పి బయటకు వచ్చి నాలుగు అడుగులు వేసి లింగాల వీధిలోకి తిరిగింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/pGj5UOiJc8Y

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Pragathi Premikulu episode 9' - New Telugu Web Series Written By Ch. C. S. Sarma

'ప్రగతి ప్రేమికులు ఎపిసోడ్ 9' తెలుగు ధారావాహిక

రచన: సిహెచ్. సీఎస్. శర్మ

(కథా పఠనం: మల్లవరపు సీతారాం కుమార్)

“ఓ అన్నా నమస్తే... నమస్తే...”

ధనుంజయరావు వరండాలోకి వచ్చాడు. సారా సాంబయ్య ఎదురైనాడు.

"ఏందిరా..!... సాంబా..! ఇంత పొద్దుకాడ వచ్చినావ్..?”

“పొద్దెక్కితే మీరెటుపోతరో, దొరకరు గదన్నా..!"

"ఏంటి విషయం..?”

“ఆ కొత్తగా వచ్చిన యస్.ఐ. నా సారాయం గళ్ళి లేపేసి నాడన్నా!...”

“విన్నాను.”

“ఏదైనా చెయ్యండన్నా..! ఊరి చివరికి తోసేసినాడు.”

విచారంగా అన్నాడు సాంబయ్య.

ధనుంజయరావు కుర్చీలో కూర్చొని కళ్ళు మూసుకొన్నాడు.

"ఏం అన్నా మాట్టాడవు..?”

"కొంతకాలం ఆగరా చూద్దాం. ఏదో ఒకటి చేద్దాం.” సాలోచనగా చెప్పాడు ధనుంజయరావు.

“సరే అన్నా..! మీరు చూద్దాం అన్నారుగా నాకదే చాలు. వెళ్ళొస్తా అన్నా..!” చేతులు జోడించాడు సాంబయ్య.

“పోయిరా!...”

సాంబయ్య వెళ్ళిపోయాడు. టీపాయ్ పైనున్న పేపర్లమీద ధనుంజయరావుగారి దృష్టి పడింది. స్థానిక పేపర్ ను చేతికి తీసుకొన్నాడు. అందులో అమృత ఫోటో, వివేకానంద, జిల్లా కలెక్టర్, జడ్.పి. ఛైర్మన్ గార్ల ఫోటోలు వున్నాయి. జరిగిన సమావేశాన్ని గురించి, వారి వారి ప్రసంగాలను గురించి వ్రాసి వుంది. అంతా చదివి పేపర్ ను చేతపట్టుకొని ఇంట్లోకి నడిచాడు.

“ఏయ్ రాజా..!” భార్యను పిలిచాడు.

రాజేశ్వరి హాల్లోకి వచ్చింది. ధనుంజయరావు సోఫాలో కూర్చున్నాడు. ఆయనకు దగ్గరగా వచ్చిన రాజేశ్వరి నిలబడింది.

“నీ కోడలి ఫోటో పేపర్లో పడింది చూడు.”

రాజేశ్వరి పేపరును అందుకొని అన్ని ఫోటోలను చూచి కోడలి గురించి వ్రాసిన దాన్ని చదివి..

“ఎప్పుడూ లేంది, ఈ రోజు ఈ పేపర్ను నాకు ఎందుకు

చూపించారు..?”

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/p1n9kmyyIA4

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Nivu Nerpina Vidya' - New Telugu Story Written By Jidigunta Srinivasa Rao

'నీవు నేర్పిన విద్య' తెలుగు కథ

రచన : జీడిగుంట శ్రీనివాసరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

పెళ్ళుమన్న శబ్దంతో బయటికి వచ్చాడు శ్రీకాంత్. పక్క యింటి పిల్లాడు క్రికెట్ బాల్ తో కిటికీ అద్దం పగలుకొట్టేసాడు.

“యిదిగో.. నిన్ను బాల్ మా వైపు రాకుండా ఆడుకోమన్నానా, యిప్పుడు కిటికీ అద్దం పగలకోట్టేశావు” అన్నాడు. ఆ పిల్లాడు నిర్లక్ష్యం గా వెళ్ళిపోయాడు.

సాయంత్రం ఆ అబ్బాయి తండ్రి వెంకటేష్ రాగానే శ్రీకాంత్ వెళ్లి జరిగింది చెప్పాడు.

“పిల్లలు ఆడుకోవటానికి స్థలం లేక వరండా లో ఆడుకుంటున్నారు. పొరపాటున జరిగిన దానికి ఏం చేస్తాం అంకుల్, రేపు మా పనిమనిషిని పంపి గాజు పెంకులు ఏరించి బయట పడేయమంటాను” అన్నాడు, కిటికీ అద్దం గురించి మాట్లాడకుండా.

చేసేది లేక కార్పెంటర్ ని పిలిచి కొత్త అద్దం వేయించుకున్నాడు శ్రీకాంత్. ఎందుకైనా మంచిది అని “మీ పిల్లాడిని చూసి ఆడుకోమనండి, ఈసారి మళ్ళీ పగిలితే నా వల్ల కాదు ,ఈ వయసులో పనివాళ్ళని పట్టుకొచ్చి బాగుచేయించుకోవడం” అని చెప్పేసాడు.

“అబ్బే! మా పిల్లలు యిహ వరండాలో ఆడుకోకుండా మేడమీద ఆడు కోమన్నాను” అన్నాడు పక్కింటాయన.

నాలుగు రోజుల తరువాత శ్రీకాంత్ భార్య సుమతి మేడ మీద నుంచి అరుస్తోవుంటే, ఏమైందా అని పరుగున పైకి వెళ్ళాడు. ఏముంది.. సుమతి ఎండపెట్టిన మాగాయి జాడి ఊట అంతా నేలపాలు అయ్యి, జాడి ముక్కల మధ్యలో క్రికెట్ బంతి పడివుంది. అటుపక్క మేడ గోడ వెనుకాల నక్కి చూస్తున్న పక్కింటి కుర్రాడు కనిపించాడు.

శ్రీకాంత్ కి ఒళ్ళు మండిపోయి, “నీకు బుద్దిలేదా? బాల్ మా మేడ మీదకి ఎందుకు కొడ్తావు ప్రతిసారి” అన్నాడు.

మొత్తానికి తిట్టుకుంటూ కిందకి దిగివచ్చి, “పోనీలే.. ఆ మామిడి ముక్కలని ఎండపెట్టు, పప్పులో వేసుకోవచ్చు” అన్నాడు భార్యతో.

“అది సరే, ఎంత కోపం వస్తే మాత్రం ఆ పిల్లాడిని అలా తిట్టేయడం ఏమిటి, వాళ్ళు అసలే ధనవంతులు” అంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/FJkaPd3FiUw